Isaías 5:28 - Tayta Diosninchi Isquirbichishan

²⁸ Lëchancunapis auja-puntami caycan. Lëchata jitacunanpis sumaj chutashami caycan. Cawalluncunapa shilluncunapis rumino chucrumi. Carrëtancunapa ruyrancunapis shucucuy wayra gachwarejnörämi tumarin.

Isaías 5:28 ပူးပေါင်းရင်းမြစ်များ

Salmos 120:4

Tayta Diosmi guërracho pillyajcuna illapanacushanno llauchi puntayoj nina rataycaj lëchawan illaparishunquipaj.

Salmos 45:5

Gampa lëchayquicunaga llauchi punta cashpanmi chiquishojcunapa shonguncamapis chayarin. Tayta ray, llapan runacunami gammanga gongurpacamonga.

Isaías 13:18

Mösucunatapis lëchawanmi wañurgärachenga. Manami cuyapangachu chayraj yurisha caycaj iticunatapis. Manami llaquipangachu jatullan wamracunatapis.

Isaías 21:1

Lamar lädunpa caycaj Babilonia imano cananpäpis Tayta Dios ribilashanta Isaías cayno willacuran: Neguevpa päsar löcu wayra aywashannömi fiyupa manchacuypaj chaqui jirca nasyunpita illgächicoj suldärucuna aywaycämun.

Isaías 66:15

Tayta Diosga nina ratataycajchömi chayamongapaj. Carrëtancunapis caycan shucucuy wayra gachwaycajnömi. Payga fiyupa rabyasha cashpanmi nina ratataycajwanraj runacunata castigangapaj.

Jeremías 4:13

«Chaura Israelcuna nengapaj: ‹Masqui ricäriy. Contranchïcunaga pucutaynömi aywarcaycämun. Pillyapaj carrëtancunapis löcu wayranörämi. Cawalluncunapis ancapita masrämi cörriycämun. ¡Cananchi cananllaga! ¡Manami imanöpa gueshpiytapis camäpacunchïnachu!› nir.

Jeremías 47:3

Cawallucuna cörriptin chaquincuna pagraraptin, carrëtacunapis tagraraptin, ruyrancuna aywashanpis wiyacaptin, papänincunaga wamrancunata cachariycärin llapanta gueshpichinanpaj callpan ni maquinpis mana aypaptin.

Jeremías 5:16

Paycunaga llapanpis pillyay-yachaj jinyullami. Pillyacunancunapis runa wañuchej yachacashami.

Ezequiel 26:11

Intëru cällicunachöpis canga uchcoj-uchcoj lluchcargärishan cawallucunapa yupillanrämi. Chaycho tiyaj runacunataga sabliwanmi wañuchenga. Sinchi caycaj arcuyquicunatapis sajtargärengami.

Ezequiel 38:9

Yaycur chayanquipaj yana pucutaynöpis nasyun intëruta juntajpämi. Nasyunmanga intëruman juntaycärinquipaj löcu tamyano llapan suldäruyquicunawan, llapan nasyunpita yanapäshunayquipaj aywäshishoj runacunawan.

Daniel 11:40

« ‹Ushanan junaj chayamuptin surcho tiyaj caj rayga aywangapaj norticho tiyaj caj raywan pillyaj. Mayarmi norticho tiyaj cajpis aywangapaj tincur pillyananpaj. Fiyupa wayranpawan löcu tamya aywajnömi yaycupaycongapaj surcho tiyaj cajtaga. Chayno aywar intëruman juntapaycärenga guërrapaj caj carrëtancunawan, cawalluwan caj muntädu suldärucunawan, büquicunawan caj suldärucunapis.

Miqueas 4:13

Tayta Diosga caynömi nin: «Sión runacuna, jatarcärir ërayna-llapa. Nogami yanapäshayqui fyërrupita wagrayoj, runsipita shilluyoj töruno fiyupa callpayoj canayquipaj. Chaynöpami achca nasyun runacunata lluchcar-ushanquipaj. Mana allita ruraypa tarishan cösancunatapis gamcunami guechunquipaj. Nircorga llapanpaj munayniyoj noga Tayta Diosniquitami goycamanquipaj.»

Nahúm 3:2

Sumbadurnincunata pashtachishanpis wiyacanganami. Cawallucuna pagrarayllana cörrishan, carrëtacuna aywashanpis wiyacanganami. Ruyrancuna tumarishanpis wiyacanganami.

Jueces 5:22

«Sisarapa cawalluncunaga maquitapis chojparcur chojparcurmi gueshpir aywacusha. Shilluncunapis pututuyllami wiyacasha.