Isaías 5:27 - Tayta Diosninchi Isquirbichishan

²⁷ Chay runacunachöga manami canchu callpaynajpis ni uticashapis. Llapanpis caycan mana puñunajllami. Paycunapaga manami mayganpapis wachcun japshi wataranchu. Manami llangui watunpis rachishaga canchu.

Isaías 5:27 ပူးပေါင်းရင်းမြစ်များ

1 Reyes 2:5

«Gamga musyanquimi Sarviapa wamran Joab imano ruramashantapis. Nerpa wamran Abnertawan, Jeterpa wamran Amasata wañuchiran. Paycunaga caran Israelcunapa mandajninmi. Wañuchiran pillya gasacasha caycaptin, wañuchinacushanta yarpärir. Paycunata wañuchishantami runacunaga nogata tumpaman.

Job 12:18

Paymi raycunatapis ray cashanpita jorgurin. Nircurmi camacächin galallata prësu apananpaj.

Job 12:21

Paymi camacächin rispitäducuna manana rispitasha cananpaj; callpayojcuna callpaynajna ricacunanpäpis.

Salmos 18:32

Tayta Diosmi jinyuyächiman. Ima rurashäcunachöpis alli llojshichiman.

Salmos 93:1

¡Tayta Diosmi ray! ¡Tayta Diosga achicyaypa achicyaycaj röpashami caycan! Payga munayniyoj cayninwanmi fiyupa achicyacurcusha. Paymi cay mundutapis sumaj tacyachisha mana cuyucunanpaj.

Proverbios 3:23

Chauraga mana manchacuypami maypapis purinquipaj. Manami chayanquipächu ima mana allimanpis.

Isaías 11:5

Pay imaypis alli cajllata, rasun cajllata ruraj cashanmi canga chegllanta watacunanno.

Isaías 45:1

Cirotaga Tayta Diosmi acrasha ray cananpaj. Maquipita charicurcurmi yanapasha llapan nasyuncunata mandananpaj, munayniyoj raycunatana ushananpaj. Tayta Diosmi camacächisha may siudä runacunatapis Ciro binsinanpaj. Cananga Tayta Diosmi payta nin:

Isaías 45:5

Nogami Tayta Dios cä. Nogapita mas juc diosga manami canchu. Manapis rejsiycämaptiquimi gamtaga yanapäshayqui.

Daniel 5:6

rayga fiyupa manchariyllawan pasaypa yur'gacäcuran. Manchariyllawan sicsicyaycaran.

Mateo 3:4

Juanpa röpan caycaran camëllupa millwanpita awasha. Wachcunpis caran garapita. Chucluscunatawan chunyaj jircacho tarishan abëjapa mishquillantami micoj.

Deuteronomio 32:25

Wamrancunatapis cällicunachömi tucsirgärenga. Wasincunachöpis fiyupa manchariymi canga. Wañongapämi mösupis jipashpis, auquinpis, itipis.