Isaías 5:21 - Tayta Diosninchi Isquirbichishan

²¹ Ay imanöraj canqui quiquillayquipäga tantiyaj yachaj carcaycajcuna, quiquillayquipäga fiyupa yarpaysapa carcaycajcuna.

Isaías 5:21 ပူးပေါင်းရင်းမြစ်များ

Job 11:12

Imay junajmi runata bürru wachanga, chay junajrämi mana tantiyacoj runapis tantiyaconga.

Proverbios 26:12

¿Yachaj-tucoj runata ricashcanquichu? Chayno runapitaga mana tantiyacoj upa runapis allirämi canman.

Proverbios 26:16

Guella runaga fiyupa yachaj runa caycashantami yarpan. Chaymi yarpan alli tantiyachicoj ganchis runacunapita mas yachaj cashanta.

Proverbios 3:7

Ama yachaj-tucunquichu. Chaypa ruquenga Tayta Diosta manchacushpayqui jucha ruraypita witicuy.

Isaías 10:13

Asiriapa raynenga nisha: «Nogaga callpäwanmi llapantapis rurashcä. Yarpaysapa carmi imano ruranäpäpis camacächishcä. Nasyuncunapa lindancunatapis illgächishcä. Llapan riquësancunatapis charicurcushcä. Jinyu caynëwanmi raycunatapis binsishcä.

Isaías 37:23

¿Pitataj ashllishcanquega? ¿Pitataj gayapashcanquega? ¿Pitataj gayarashcanqui alli-tucushpayquega? ¡Israelpa Santo Diosninpa contranmi rimashcanqui!

Isaías 40:23

Munayniyoj runacunatapis Paymi manacajmanno ticrachin. Cay pachacho caj mandajcunatapis pasaypa ushacächin.

Isaías 47:10

Mana allicunata rurashpayquipis manami imatapis gocushcanquichu. ‹Pipis manami ricamanchu› nirmi yarparayqui. Quiquiqui musyaj-yachaj cayniquimi engañashurayqui. Shongullayquicho yarpashpayqui nirayqui: ‹Manami pipis noganöga canchu› nir.

Juan 9:41

Chaymi Jesús niran: «Gamcuna gapra cashpayquega manami juchayojchu canquiman. Ichanga ricaycämar mana riguishayquipitami juchayojna caycanqui.»

Romanos 1:22

Paycunaga «yachajmi cä» nirpis imata rurashantapis manami musyanchu.

Romanos 11:25

Ermänucuna, gamcunaga achcatami mana musyanquirächu. Chaymi canan willashayqui Tayta Dioslla musyashancunata. Waquin Israelcuna Jesucristuman pasaypa mana yäracuyta munanchu mana Israel runacunapita Tayta Dios acrashan cajcuna Jesucristuman yäracunancamallami.

Romanos 12:16

Chiquipänacunayquipa ruquenga alli caway. Ama runa-tucuychu. Umildi runacunano cay. Ama yarpaychu yachaj cashayquitaga.