Isaías 5:20 - Tayta Diosninchi Isquirbichishan

²⁰ Ay imanöraj canqui mana alli cajta «alli» nejcuna, alli cajtana «mana alli» nejcuna, achicyajta «chacay» nejcuna, chacaytana «achicyaj» nejcuna; ashgaj cajta «mishquej» nejcuna, mishquej cajtana «ashgaj» nejcuna.

Isaías 5:20 ပူးပေါင်းရင်းမြစ်များ

Job 17:12

Gamcunami ichanga chacaytapis junajman ticrarachinqui. ¡Sinchi chacay caycaptinpis ‹pacha achicyanganami› nircaycanqui!

Éxodo 23:7

Mana rasunpa cajta dimandacamuptenga ama chasquinquichu. Mana juchayoj runapaj ama ninquichu ‹Juchayojmi cayga. Wañuchun› nishpayqui. Juchaynaj runata wañuchejtaga manami perdunashächu.

Proverbios 17:15

Juchan musyacaycaptin mana castigajtapis, juchaynajta «juchayojmi» nejtapis ishcantami Tayta Diosga melanäcun.

Proverbios 4:17

Paycunaga mishquilla micuycaj-nirajmi mana allita ruran. Mishquilla upuycaj-nirajmi wañuchicun.

Isaías 24:9

Birsushpan manami bïnuta upyanganachu. Upyajcunapäga machächicojcunapis ashgajmanmi ticracurenga.

Isaías 29:21

Ushacanganami manacajpita jitapajcunapis, dimanduta arriglaj juezcunata mana alliman chayachejcunapis. Manami canganachu alli runata lebantashpan jitapajcunapis.

Isaías 30:10

Profëtacunatami nircaycan «Amana ricapacuynachu» nir. Profëtacunataga nircaycan: «Amana willapämaychu rasun cajta musyachishushayquita. Cushicuypaj cajcunallata willapämayga. Munashäcunallata willapämayga.

Isaías 32:5

Fiyu runataga manami «alli runa» nenganachu. Engañacojcunatapis manami «rispitädu runa» nenganachu.

Ezequiel 13:19

Gamcunaga acrashä runacunata llullapar engañashpayquimi juc ishcay aptay sebädata, juc ishcay amuy tantata chasquinayqui-cashalla manacajman churaycämanqui. Chaymi cawananpaj caycaj runacunata engañar «wañunquipänami» niycanqui; wañunanpaj caycaj runacunatana «cawanquipämi» niycanqui. Chayno engañashayquitami paycunaga riguircaycan.

Amós 5:7

Ay wawallau, gamcunaga laycunata mana allimanmi ticrachinqui. Nircurpis manacajmanmi churanqui.

Miqueas 3:2

Chaypa ruquin gamcunaga alli cajta chiquiycanqui. Mana alli cajtana cuyaycanqui. Runacunataga pasaypanami garapachaycanqui. Chayno garapacharmi tullullantana cachaycunqui.

Habacuc 1:4

Laytaga pipis manami cumlinnachu. Pitapis manami alliga arriglannachu. Fiyu cajmi alli runata gaticachan. Chaynöpami mana allina arriglanpis.

Malaquías 2:17

Tayta Diosga gamcunata wiyashuyta yamacashanami caycan. Chaypis nircaycanquiraj: «¿Imatataj nishcä wiyayta yamacänanpäga?» nir. Gamcunaga nishcanqui: «Tayta Diosga allimi rican mana allita rurajcunatapis. Chayno ruraptinpis payga allimi rican» nir. Chaynöpis asipashpayquimi gamcunaga nircaycanqui «¿Maytaj alli arriglaj Tayta Dios?» nir.

Malaquías 3:15

Noganchëga ricashcanchïmi alli chölu-tucojcuna cushisha goyajta, fiyu runacuna rurashanga imapis alli llojshipashanta. Paycunaga Tayta Diosta musyapaytami munan. Chaypis manami ima castïgupis paycunaman chayanchu› nir.»

Lucas 16:15

Chaymi Jesús niran: «Gamcunaga runacunapa ñaupancho alli-tucurcaycanquimi. Ichanga Tayta Dios musyaycanmi gamcuna imano cashayquitapis. Runacuna fiyupa rispitashuptiquipis Tayta Diospäga mana allimi carcaycanqui.

Deuteronomio 25:1

«Piwanpis rimanacorga ishcan aywanga autoridäman. Chaychörämi autoridäcuna juchaynaj cajta libri cacharir juchayoj cajta castiganga.

2 Pedro 2:1

Israel nasyunchöpis «profëtami cä» nir engañacojcunaga caranmi. Gamcunachöpis llutan yachachicojcunaga manami pishengachu. Paycunaga mana musyacayllapami mana alliman gaycushunayquipaj llutanta yachachishunquipaj. Salbajnin Tayta Jesucristutapis ñïgangami. Chaypitami paycunataga Diosninchi mana cuyapaypa usharenga.