Isaías 49:8 - Tayta Diosninchi Isquirbichishan

⁸ Tayta Diosga caynömi nin: «Ruwacamashayqui örami wiyashcä. Yanapänäta nistashayqui örami yanaparä. Nogami chapäshayqui. Israelcunawan conträtu rurashä señal canayquipämi churashayqui. Chaynöpami nasyun yapay allina canga. Pasaypa pirdichisha caycaj chacracunachöpis yapayna tiyanga.

Isaías 49:8 ပူးပေါင်းရင်းမြစ်များ

2 Samuel 7:13

Paymi rurapämangapaj juc Templuta. Paypita mirajcunami imaycamapis mandangapaj.

Salmos 2:8

Nasyuncunata goycunäpäpis mañacamay. Cay pachatapis gampa cananpämi juc cuchupita jucaj cuchuncama goycushayqui.

Salmos 69:13

Chaypis, Tayta Dios gamllatami mañacaycämö. Yanapäcoj cashpayqui juclla salbaycamay ari. Cuyacoj cayniquipa yanapaycamay ari.

Salmos 75:3

Cay pacha cuyuriptin runacuna manchariptinpis nogami chararaycä tuncarajtaga.» Selah

Isaías 26:3

Tayta Dios, gamllaman yarparajcunataga gamllaman yäracamojcunataga allimi goyächinquipaj.

Isaías 27:3

Noga Tayta Diosmi chay übas chacrataga ricaycä. Mana cachaypami pargupaycäpis. Pagasta junajtapis ricaycämi imapis mana chayananpaj, mana yaycunanpaj.

Isaías 41:10

Ama manchacuychu. Nogaga gamcunawanmi caycä. Ama manchacuychu. Nogaga Diosniquimi cä. Nogami yanapar gamcunataga callpata gö. Maquëcho charararmi gamcunataga alli goyächishayqui.

Isaías 42:1

Tayta Diosmi cayno nin: «Caychömi caycan sirbimajnë. Paytaga nogami yanapaycä. Paytaga nogami acrashcä. Paypämi nogaga fiyupa cushicö. Paymanmi espiritöta churashcä. Chaymi llapan nasyuncunacho alli goyay cananpaj arriglanga.

Isaías 42:6

«Noga Tayta Diosmi gamta gayashcä munashäta ruranayquipaj. Maquipita charircurmi yanapashpä purichishayqui. Nogami churashayqui señalno canayquipaj, nasyuncunapäpis achquino canayquipaj.

Isaías 44:26

Sirbimajnë rimashantami ichanga cumlichë. Cachäcuna ima rurayta yarpashanpis llapan allillami llojshipanga. Nogami në Jerusalencho yapay runacuna tiyananpaj cashanta, Judächo caj siudäcunapis llapan allchasha cananpaj cashanta. Nogami camacächishaj ragällan caycajcuna yapay wasiyänanpaj.

Isaías 49:19

«Aypalla runacuna cutimuptin nasyunniqui pasaypa quichquimi ricaconga. Ragällan cajcunamanpis, pasaypa chunyaj cajcunamanpis runacuna juntangami. Ushashojcunaga carupanami aywaconga.

Isaías 51:16

Syëluta mashtacächirä. Allpatapis sumaj camacächishcä. Rimanäpaj cajtapis nogami shimiquiman churashcä. Nogami ima chayashunayquitapis munaynëwan chapashcä. Nogami Siontaga nirä: ‹Gamga acrashämi canqui› nir.»

Isaías 51:3

Ragällan caycaj Sión siudätaga nogami cuyapäshaj. Chunyaj chaqui jircatami wertamanna ticrarachishaj. Chaura cangapaj Edencho cashan wertanömi. Chaychöga cangapaj cushicuyllana, jauca goyayllana, alabansacunata cantayllana.

Isaías 54:3

Gamcunaga achcayar wac-läman cay-lämanpis aypallamanmi mashtacanquipaj. Gampita mirajcunaga achca nasyuncunatami guechur charicarcärengapaj. Canan chunyaj caycaj siudäcunachöpis paycunaga juntami tiyangapaj.

Isaías 55:6

Canan timpu cashancama Tayta Diosta ashiy. Manaraj carucho cashancama gayacuy.

Isaías 57:13

Yanapäshunayquipaj gaparaypa gayacuptiquipis ïduluyquicunaga manami yanapäshunquipächu, ni salbashunquipäpischu. Chaycunataga llapantami wayra apacongapaj. Wayraga juc wayramuyllachömi illgarachengapaj. Nogaman yäracamoj cajmi ichanga aunishä pachacho partisyunta chasquenga. Nircur rispitädu jircächo tiyanga.»

Isaías 58:12

Gamcunaga unay caj ragäcunata pergar yapaymi allchanquipaj. Unayna simintuta pergashantapis sumaj sinchi cananpämi yapay allchanquipaj. Chaura gamcunataga ‹tunisha pergacunata allchaj› ‹juchusha wasicunata allchaj› nishunquipämi.

Isaías 58:5

¿Gamcunaga yarpanqui llaquicur-raj ayunashayqui nogapaj alli cashantachu, shogush umpucajnöpis uysucusha purishayqui nogapaj alli cashantachu, uchpamanpis gachga röpayqui jatisha wegucunayquitaraj munashätachu? ¿Chayno rurashayquitachi gamcunaga ‹Tayta Dios munashanno ayunay junajmi› ninqui?

Isaías 61:2

Tayta Dios cachamasha allita rurananpaj chayamushana cashanta willacunäpämi; contranchïcunata ayñita cutichinanpaj chayamushantana willacunäpämi. Chaynöpis Tayta Dios cachamasha llaquicuycajcunata shacyächinäpaj;

Isaías 61:4

Unay juchuchishan ragäcunatapis yapaymi allchanga. Unayna juchuchishan jatusaj wasicunatapis yapaymi perganga. Juchusha caycaj ragällan siudäcunatapis jatarachengami.

Isaías 65:9

Israelpita mirajcunatami, Judäpita mirajcunatami acrashaj achca puntayoj nasyuncho tiyananpaj. Chay sirbimajcunanami chay nasyuncho tiyanga.

Mateo 26:28

Cay bïnuga yawarnëmi. Yawarnëta mashtar wañuptëga Tayta Dios mushoj conträtutami ruranga pï juchayojcunatapis perdunananpaj.

2 Corintios 6:2

Payga palabranchöpis caynömi nin: «Ruwacamashayqui örami wiyashcä. Salbanäta nistashayqui örami yanaparä.» Chaymi gamcuna salbacuyta munaj cäga canan junaj Tayta Diosta mañacuy salbashunayquipaj.

Efesios 1:6

Chaynöga rurasha cuyapämashanchïpita imaypis Tayta Diosninchïta alabananchïpämi. Cuyay wamran-raycumi Tayta Diosga chasquimashcanchi.

Hebreos 12:24

Jesucristumanpis maynami chayashcanqui. Paymi wañuran noganchïwan Tayta Dios mushoj conträtuta rurar salbamänanchïpaj. Yawarninta Abel jichashanga wañuchejnin maldisyunädu cananpämi caran. Jesucristo wañur yawarninta jichashanmi ichanga juchanchïcunapita perdunasha cananchïpaj caycan.

Hebreos 5:7

Jesucristoga cay munducho goyaycashpan wagayparaj, gayacuyparämi ruwacuran. Wañuypita salbacoj Tayta Diosta mañacuran «Yanapaycallämay munashayquino llapanpis camacaycunanpaj» nir. Tayta Dios nishanta ruraj captinmi mañacushanta wiyaran.

Hebreos 8:6

Cananga Jesucristunami rimir caj cüracunapitapis mas alli caj mas mandaj cüranchi caycan. Payga chay rimir conträtu laycunapitapis mas alli caj conträtutami apamusha. Chay conträtoga Tayta Dios mas alli cajta aunishanchömi caycan.