Isaías 49:19 - Tayta Diosninchi Isquirbichishan

¹⁹ «Aypalla runacuna cutimuptin nasyunniqui pasaypa quichquimi ricaconga. Ragällan cajcunamanpis, pasaypa chunyaj cajcunamanpis runacuna juntangami. Ushashojcunaga carupanami aywaconga.

Isaías 49:19 ပူးပေါင်းရင်းမြစ်များ

Proverbios 1:12

Alli runacunataga illajpita illgarachishun, gueshya charir imanömi illajpita wañurachin, chayno.

Isaías 1:7

Nasyunniquipis chunyajmi quëdasha. Siudäniquicunachöpis wararaylla ninallanami rataycan. Ricaparcaycaptiquimi murupacushayquitapis chiquishojcuna micucarcärin. Chiquejcuna illgächishannömi llapan chunyaj quëdasha.

Isaías 3:8

Rasunpami Jerusalenga juchonga. Judá nasyunnami pasaypa mana allicho ricaconga. Chaynöga canga munayniyoj Tayta Dios nishanta mana cäsushpan llutancunata rurashanpitami, Tayta Diospa contran mana allicunata rimashanpitami.

Isaías 49:17

Siudäniquita allchajcunaga apurämi aywarcaycämun. Ushashojcunawan ushajpaj wañuchishojcunami ichanga aywacurcaycanna.

Isaías 49:8

Tayta Diosga caynömi nin: «Ruwacamashayqui örami wiyashcä. Yanapänäta nistashayqui örami yanaparä. Nogami chapäshayqui. Israelcunawan conträtu rurashä señal canayquipämi churashayqui. Chaynöpami nasyun yapay allina canga. Pasaypa pirdichisha caycaj chacracunachöpis yapayna tiyanga.

Isaías 5:6

Chunyajtami cachaycushaj. Manami pipis captupangachu, ni uryangapischu. Shatallanami, cashallanami juntacurcongapaj. Pucutaycunatapis nishaj chay pachamanga manana aywananpaj, mana tamyananpaj.»

Isaías 51:3

Ragällan caycaj Sión siudätaga nogami cuyapäshaj. Chunyaj chaqui jircatami wertamanna ticrarachishaj. Chaura cangapaj Edencho cashan wertanömi. Chaychöga cangapaj cushicuyllana, jauca goyayllana, alabansacunata cantayllana.

Isaías 54:3

Gamcunaga achcayar wac-läman cay-lämanpis aypallamanmi mashtacanquipaj. Gampita mirajcunaga achca nasyuncunatami guechur charicarcärengapaj. Canan chunyaj caycaj siudäcunachöpis paycunaga juntami tiyangapaj.

Jeremías 30:16

«Ichanga gamcunata ñacachishoj cajpis llapanmi ushacanga. Contrayquicunapis llapanmi prësu aywanga. Gamcunata guechushojcunataga quiquincunatapis guechunanpämi camacächishaj. Suwapäshoj cajcunataga paycunatapis suwapangami.

Jeremías 51:33

Israelcunapa munayniyoj Tayta Diosninmi nin: «Babiloniaga caycan rïguta ërar cawallu lluchcanan ëranömi. Paycunapäga cosëchan chayaycämunnami.»

Jeremías 51:44

«Babiloniapa diosnin Belta castigashämi. Llapan micushancunatapis gumitachimushämi. Chaura maygan nasyunpis mananami masga payman aywangapänachu. ¡Ni Babiloniapa pergancunapis ichiraycäga manami quëdangachu!

Ezequiel 36:3

Chaypitami noga Tayta Diosga në: Gamcunataga wacpita-caypita shamur magashushpayquimi pasaypa ushashurayqui. Llapan juc-lä marca runacunami duyñu-tucurcushurayqui. Runacunanami asipäshushpayqui, manacajman churashurayqui.

Zacarías 10:10

Cutichimushämi Egipto nasyunpita. Shuntamushämi Asiria nasyunpitapis. Nircorga pushashaj Galaadcamami, Libanucamami. Paycunaga fiyupa aypallami cangapaj. Chaymi chaychöpis tiyananpaj pishengaraj.

Zacarías 2:11

Chayno captenga achca nasyun runacunami sirbimangapaj. Chaura nogaga paycuna cajchömi caycäshaj. Paycunaga acrashä runacunanami canga,» nir. Chayno captinrämi gamcunaga musyanquipaj munayniyoj Tayta Dios nogata cachamashanta.

Zacarías 2:4

Taripaptin niran: «Cörriyllapa ayway tagay mösuta cayno ninayquipaj: ‹Jerusalenchöga aypalla runacunanami tiyanga. Uywacunapis aypallami cangapaj. Chaymi manana canganachu siudäpa curralnin pergapis› nir.

Zacarías 2:8

Gamcunata ima-aycayquitapis guechushoj nasyuncunamanmi munayniyoj Tayta Diosga cachamasha. Paymi nin: «Pipis acrashä runacunata ñacachej cäga ñawi ñïñötami togriycan.