Isaías 48:9 - Tayta Diosninchi Isquirbichishan

⁹ «Rispitasha canä-raycumi rabyashpäpis awantacurä. Nogapaj allita parlanan-cashami pasinsacur gamcunataga mana illgächirächu.

Isaías 48:9 ပူးပေါင်းရင်းမြစ်များ

Salmos 106:8

Chaypis Tayta Diosga salbaran munayniyoj cashanta musyananpaj, payta alabananpaj, jutinta rispitananpaj.

Salmos 143:11

Tayta Dios rispitasha canayqui-raycu cawachimay ari. Allita ruraj cashpayqui fiyupa llaquicuycajta jorgaycamay ari.

Salmos 25:11

Tayta Dios nogapa juchäga aypallami. Gam alli cashayquita parlananpaj perdunaycamay ari.

Salmos 78:38

Imano captinpis Tayta Diosga cuyaparanmi. Juchancunapita perdunaran. Chaynöpami ushajpäga mana illgächiranchu. Achca cutimi rabyashpanpis pasinsacuran. Rabyarpis mana castigaranchu.

Salmos 79:9

Nogacunata salbamaj Tayta Dios, yanapaycamay. Juchäcunapita perdunaycamay salbaycamay alli cashayquimanno.

Proverbios 19:11

Yarpaysapa runaga imapitapis pasinsacunmi. Achäquita ashipajcunatapis perdunanmi.

Isaías 30:18

Chaypis, Tayta Diosga shuyaraycäshunquimi gamcunata cuyapäshunayquipaj. Payga fiyupami munaycan cuyacoj cayninta gamcunata musyachishuyta. Tayta Diosga rasunpa alli cajta ruraj Diosmi. Alli cawaytami tarenga payman yäracojcunaga.

Isaías 37:35

Nogami cay siudäta chapäshaj. Imapitapis salbashaj sirbimajnë Davidta aunishäta yarpar, quiquëpis rispitacachicushpä› nir.»

Isaías 43:25

«Chaypis nogaga Diosniqui cashpämi conträ rurashayquicunata gongaycöna. Jucha rurashayquicunatapis manami yarpäshänachu.

Isaías 48:11

Nogaga rispitamänayquipämi chayno rurashcä. ¿Imanöpataj munäman manacajman churamänayquitaga? Nogata rispitamänayquipa ruquin jucta rispitanayquitaga manami camacächishächu.

Isaías 65:8

Tayta Dios cayno nin: «Juc sartallatapis alli übasta tariycur runaga nin: ‹Manarämi mutushächu. Wayuycanrämi› nir. Chaynöllami nogapis rurashaj wallcajlla caycaj sirbimajnëcuna-raycu. Manami ushajpäga illgächishärächu.

Jeremías 14:7

Tayta Dios, juchäcuna atipasha cashätaga musyänami. Ayca cutishi nishayquicunata mana cumlishcächu. Fiyupa juchasapami caycäcuna. Ichanga rispitasha canayqui-raycullapis yanapaycamay ari.

Ezequiel 20:14

Ichanga juc-lä nasyun runacuna manacajman mana churamänanpämi, Egiptupita jorgamushäta ricajcuna jamurpämänanta mana munarmi pasinsacurä.

Ezequiel 20:22

Ichanga juc-lä nasyun runacuna manacajman mana churamänanpämi, Egiptupita jorgamushäta ricajcuna jamurpämänanta mana munarmi pasinsacurä.

Ezequiel 20:44

Israel runacuna, juchata rurashayquimanno mana ñacachiptë, fiyupa mana allicunata rurashayquipitapis mana castigaptë gamcuna musyanquipaj noga Tayta Dios cashäta. Nogaga rispitasha canä-raycumi gamcunata yanapäshayqui. Noga Tayta Diosmi chayno në.› »

Ezequiel 20:9

Ichanga juc-lä nasyun runacuna manacajman mana churamänanpämi, ñaupancho caycaj nasyun runacuna nogata mana jamurpämänanpämi mana castigarächu. Chay nasyuncunapa ricay-ñawinchömi aunirä Israelcunata Egiptupita jorgunäpäpis.

Ezequiel 36:21

Israelcuna may nasyunmanpis chayashpan rispitädu jutëta manacajman churaptinmi shongöpis fiyupa nanämaran.

Josué 7:9

Cay particho tiyaycaj Cananeo runacuna musyaycärerga shuntacarcurmi shamonga usharamänanpaj. Chaura jutëcunapis gongacanganachari. Chayno captenga ¿imanöparaj runacuna musyanga llapanpaj munayniyoj cashayquita?»

1 Samuel 12:22

Rasunpa rispitaptiqui Tayta Diosga manami imaypis cachaycushunquipächu. Payga munan gamcuna acrashan runacuna canayquitami.