Isaías 48:14 - Tayta Diosninchi Isquirbichishan

¹⁴ «Llapayqui shuntacaycushpayqui sumaj wiyamay: ¿Pitaj gamcunachöga willacuran cayno cananpaj cashanta? Acrashä ray Ciromi Babiloniataga yarpashäno ruranga. Paymi chay Caldeacho caycaj Babilonia runacunataga munaynincho chararanga.

Isaías 48:14 ပူးပေါင်းရင်းမြစ်များ

Génesis 49:1

Llapan wamrancunata gayaycur Jacob niran: «Ñaupäman witimuy-llapa shamoj watacunacho ima päsashunayquipaj cashantapis willapänäpaj.

Génesis 49:2

«Wamräcuna, witimuy-llapa. Nishäta wiyacuy-llapa.

Isaías 13:19

Babiloniaga waquin nasyuncunapaj caycan perlasnörämi. Caldea runacunapäga fiyupa bälej perlasnömi caycan. Chayno carpis Babiloniaga illgächiptë quëdangapaj Sodoma Gomorra quëdashannömi.

Isaías 21:9

Parninpa-cama cawallucuna carrëtan garachasha aywaycämojtami ricaycä. Aywaycämojcuna nisha: ‹¡Canan Babiloniataga illgarachengami! Ïduluncunapis llapanmi agullasha pampacho mashtarpaycanga› nir.»

Isaías 41:22

Ñaupa caj watacunacho imano ima cashantapis tantiyachimächun. Shamoj watacunacho ima cananpaj cajtapis willamächun. Chaura nogacunaga musyashänami imano cananpaj cashantapis.

Isaías 43:9

Llapan nasyun runacuna shuntacay. Llapan marca runacuna shuntacay. Chaycho caycajcuna ¿mayganraj rimir-puntata rimaran acrashä runacunata yanapänäpaj cashanta? Chayno cananpaj rimasha cashpanga mä testïgucunata pushamuchun. Mä chay testïgucuna nichun paycuna willacushanta. Wiyaj cäga llapanpis ‹¡Au, rasunpa nishannömi casha!› nengami.»

Isaías 44:28

Nogami ray Cirota në: ‹Gammi canqui uyshërö. Gamga llapantapis noga munashänömi ruranquipaj› nir. Paymi Jerusalenta nenga: ‹Gamtaga yapaymi allchashunquipaj› nir. Templutanami nenga: ‹Yapaymi simintuyquita pergayta gallaycongapaj› nir.»

Isaías 44:7

¿Pitaj nogaman tincun? Mä willapämächun ari. Imano cananpaj cajtapis ¿pitaj gallarinanpita-pacha willacachisha? Ima cananpaj caycajtapis ¿pitaj nin?

Isaías 45:13

Nogami ray Cirotapis llapanta binsinanpaj yurichishcä. Nircorga llapan rurashancunapis alli llojshinanpaj camacächishaj. Paymi siudänëta allchachenga. Sirbimajcuna prësu apashancunatapis cuticamunanpaj cachayconga. Chayno cachaycunanpäga päguta ni imatapis manami chasquengachu.» Munayniyoj Tayta Diosmi chayno nisha.

Jeremías 50:44

«Jordán mayu cantun shatapita liyun llojshir alli guewa caycashancho animalcuna caycajman aywajnömi nogaga illajpita shamushäpaj. Chaura Babiloniacunaga manchacamashpan gueshpir aywaconga. Nircurna camacächishaj acrashä runa paycunapa mandajnin cananpaj. ¿Piraj nogamanga tincunman? ¿Piraj nogawan churacanman? ¿Pï michicojraj nogata ichipämanman?

Marcos 10:21

Niptin Jesusga cuyapar ricapärir niran: «Jucrämi pishiycäshunqui. Llapan ima-aycayquitapis ranticuycuy. Nircur chay guellaytana pobricunata raquipanqui. Chayno rurarga syëluman riquësayquita churacuycajnömi caycanqui. Nircur ichanga shamunqui gatirämänayquipaj.»