Isaías 47:8 - Tayta Diosninchi Isquirbichishan

⁸ «Chaypita cananga wiyay Babilonia. Fiyupa cuyayllapajcunallata cuyaj warmimi cashcanqui. Mana yarpachacuypami mandanayqui sillunniquicho jamaraycanqui. Shongullayquicho niycanqui: ‹Manami pipis noganöga canchu. Nogaga manami biyüdapis quëdashächu. Manami wawaynajpis quëdashächu› nir.

Isaías 47:8 ပူးပေါင်းရင်းမြစ်များ

Isaías 14:14

Mas altucho caycaj pucutaypa jananmanmi wichäshaj. Nogaga janaj pachacho caycaj Diosnönami cashaj› nir.

Isaías 32:11

Imapäpis mana yarpachacuypa goyaycajcuna, manchariywan sicsicyay. Imanöpis caycashallayquiman yarparajcuna llaquicuy. Jatiraycashayqui alli röpayquicunata lojticuy. Nircorga llaquicur jaticunayqui röpayquicunatana jaticuy.

Isaías 32:9

Imapäpis mana yarpachacoj warmicuna canan nishäta sumaj wiyacuy. Imanöpis caycashallayquiman yarparajcuna canan nishäta sumaj tantiyacuy.

Isaías 45:18

Tayta Diosmi syëluta camäga. Paymi cay pachatapis camasha. Paymi sumaj tacyachisha. Payga camasha manami chunyaj cananpächu. Chaypa ruquenga camasha chaycho cawajcuna tiyananpämi. Llapan chaycunata camacächej Tayta Diosmi cayno nin: «Nogallami Tayta Diosga cä. Manami mas juc dios canchu.

Isaías 45:5

Nogami Tayta Dios cä. Nogapita mas juc diosga manami canchu. Manapis rejsiycämaptiquimi gamtaga yanapäshayqui.

Isaías 45:6

Chaynöpami inti yagamunan caj-pita inti yaganan cajcama tiyajcuna musyanga Nogapita mas jucga dios mana cashanta. Nogallami cä Tayta Dios. Manami mas jucga canchu.

Isaías 47:10

Mana allicunata rurashpayquipis manami imatapis gocushcanquichu. ‹Pipis manami ricamanchu› nirmi yarparayqui. Quiquiqui musyaj-yachaj cayniquimi engañashurayqui. Shongullayquicho yarpashpayqui nirayqui: ‹Manami pipis noganöga canchu› nir.

Jeremías 49:31

Pay nisha: ‹Jauca goyäcuycaj runacunata magaj yaycushun. Paycunapaga manami canchu puncun, ni rancancunapis. Paycunata washänanpäga manami pipis canchu.

Jeremías 50:11

«Acrashä runacunata ima-aycatapis guechoj Babilonia runacuna, ¡cushicuy-llapa fistata ruray-llapa! ¡Alli guewacho ternëra pañajnöraj pinticachay! ¡Cawallu wagajnöraj wichyacuy!

Jeremías 51:53

Babilonia runacuna syëlucama wichaptinpis chapacuna pergacunata altuta pergacurcuptinpis Nogaga contrancunata cachashämi yaycuycur ushajpaj illgächinanpaj. Noga Tayta Diosmi chayno në.

Ezequiel 16:49

Ñañayqui Sodomapa juchanga caynömi casha: Quiquinpis caseryuncunapis fiyupa alli-tucuran. Aypalla micuynin captinmi imapitapis mana yarpachacuypa goyaran. Ichanga manami imaypis yanapashachu pobrita ni pishïpacojcunatapis.

Ezequiel 28:2

«Runa, gamga Tiropa rayninta cayno niy: ‹Tayta Diosmi cayno nin: « ‹Gamga pasaypami alli-tucurayqui. Mana Dios caycar, runalla caycashpayqui nishcanqui: «Nogaga diosmi cä. Jamaraycäpis dioscuna jamaränanchömi; lamarpa chaupinchömi caycäpis» nir. «Juc dios yarpashannömi yarpäpis» nir yarpashcanqui.

Ezequiel 30:9

« ‹Egipto nasyun castigasha cananpäga wallcanami pishin. Chay junaj chayamuptinmi büquiwan cachata cachashaj mana yarpachacuypa caycaj Etiopiacunata willananpaj. Chaura chaychöga runacuna fiyupami mancharenga.

Daniel 11:36

« ‹Norte caj-läpa raynenga imatapis munashantami rurangapaj. Chayno carmi fiyupa alli-tucongapaj. Llapan dioscunapitapis mas munayniyoj cashanta yarpangapaj. Chaymi rasunpa caj Tayta Diospäpis fiyupa manchariypaj mana allicunata rimangapaj. Chay raypaga ima rurashancunapis llapanmi yarpashanno alli llojshipanga Dios castiganan junajcama. Imay junajpäpis Dios nishanga rasunpami cumlengapaj.

Daniel 4:22

yörata ricashayquega gammi caycanqui. Gamga chayashcanqui may-may jatuncarayta mandaj caymanmi. Fiyupa munayniyojmi ricacushcanqui. Gampa ima-aycayqui cajpis aypanman janaj syëlucamami. Chayno cay pachachöga gamllami mandaycanquipis.

Daniel 4:27

Chaymi tayta ray, gamga ruray noga nishänölla. Amana mastaga juchata ruraynachu. Amana mana allicunata ruraynachu. Chaypa ruquenga pobricunatana yanapay. Chayno allillata rurarga capaschari canan goyaycashayquinölla goyanquiman.»

Daniel 4:30

niran: «¡Imano jatuncarayshi Babiloniaga! Mas munayniyoj cashpämi mandashä nasyuncunapa capitalnin cananpaj cayno rurachishcä. Cay siudäta ricarmi imaycamapis nogapaj parlanga.»

Daniel 4:4

«Noga Nabucodonosorga palasyöcho allillami goyäcuycarä. Manami imapis pishëmaranchu.

Daniel 5:23

Chaymi Tayta Diosta Templuncho garanan cöpacunata apaycachimur bïnuta upyashcanqui mandäshishojcunawan, warmiquicunawan, chïnayquicunawan. Chaynöpis goripita, guellaypita, runsipita, fyërrupita, guerupita rurasha caycaj mana ricaj, mana wiyaj, mana yarpachacoj dioscunatami alabashcanqui. Janaj pachacho caycaj Tayta Diostami ichanga mana alabashcanquichu paypa maquincho bïdayqui caycaptinpis, llapan rurashayquicunata pay ricaycaptinpis.

Daniel 5:30

Chay chacayllami Caldeacunapa raynin Belsasartaga wañuycachiran.

Nahúm 1:10

Shiraca chaquir jiracasha caycajtanömi, chaquisha ogshata nina ushacurcojnömi usharenga.

Nahúm 3:4

Nínive, chaynöga päsashurayqui guellaypaj cacoj warmino achca nasyuncunata engañashayquipitami. Cuyayllapaj captiquimi juc-lä nasyuncunapis cuyacurcushurayqui. Chaymi engañayta, brüju rurayta yachacusha.

Habacuc 1:7

Paycunaga fiyupa manchacuypämi. Quiquincuna yarpashallantami imatapis ruran. Paycunaga quiquincunapa laynillantami bälichinpis.

Sofonías 2:15

Chay siudä runacunami caycan fiyupa alli-tucoj. Chaycho tiyajcunaga imapäpis mana yarpachacuypami goyarcaycan. Chay runacunaga caynömi parlan: «Cay siudäninchïnöga manami juc siudä canchu» nir. Ichanga chay siudäpis muntuy-muntuy juchushami quëdanga. Atojcunapa tiyananmanmi ticranga. Pï-maypis chay siudä ñaupanpa päsashpanga wichyapar maquinwan togrishpanraj manacajman churar asipanga.

2 Tesalonicenses 2:4

Chay fiyu runa shamorga manami munangachu Diosninchïta ni imatapis runacuna adurananta. Chaypa ruquenga quiquillantana aduranantami munangapaj. Chaynöpis Dios-tucushpanmi Diospa Templunman yaycur jamacuyconga llapanta mandananpaj.

Jueces 18:27

Micaía rurashancunata apacur cürantapis pushacuran. Llapanna Laisman chayaran. Chaycho tiyaj runacunaga mana yarpachacuypa alli goyarcaycaran. Chayno caycajtami llapanta sablinwan wañuycärachiran. Siudätapis rupaycärachiran.

Jueces 18:7

Chaypita, pichgaj ricapacoj aywajcunaga chayaran Lais siudäman. Chay siudächo tiyajcunaga mana yarpachacuypa tiyarcaycasha Sidón runacuna tiyashanno. Pipis mana rimaparanchu. Allilla goyäcuran. Ima-aycanpis mana pishiranchu. Sidón runacunapitaga caruchömi tiyarcaycaran. Ni piwanpis manami chayanacuranchu.