Isaías 47:6 - Tayta Diosninchi Isquirbichishan

⁶ Acrashä runacunapämi rabyacurcurä. Chaymi cuyashä nasyun runacunataga pengayman churarä. Chaynöpami gam Babiloniapa maquiquiman cachaycurä. Chaura paycunataga manami cuyapashcanquichu. Auquincunatapis fiyupa lasaj yüguta matancapajnömi ñacachishcanqui.

Isaías 47:6 ပူးပေါင်းရင်းမြစ်များ

2 Samuel 24:14

Chaura Davidga Gadta niran: «Cananga imata niytapis manami puydëchu. Mas alli canman Tayta Dios munashanno ruramashami. Payga fiyupa cuyapäcojmi. Manami munächu runacunapa maquincho ñacaytaga.»

2 Crónicas 10:11

Papänë ñacachisha-cashuptiqui nogaga mas fiyuparämi ñacachishayqui. Pay läsuwan astisha-cashuptiqui nogaga fyërru puntayoj runsalwanrämi astishayqui› nir.»

2 Crónicas 28:9

Chaycho caycaran Tayta Diospa profëtan Oded. Paymi Samariaman suldärucuna prësuta yaycuycächiptin tariparcur niran: «Unay famillyayquicuna rispitashan Tayta Diosmi Judäcunapaj fiyupa rabyacurcusha. Chaynöpami gamcunapa munayniquiman churamusha. Gamcunaga fiyupa rabyawanmi wañuchishcanqui. Chayno rurashayquitaga Tayta Diospis musyaycanmi.

2 Crónicas 36:17

Chaynöpami Tayta Diosga camacächiran Caldea nasyunpa raynin aywaycur Judá runacunata wañuchinanpaj. Chay runacunaga cuchuypa llapanta wañuchiran jinan Templucho. Manami cuyaparanchu mösucunata, jipashcunata, auquincunata, gueshyajcunatapis. Llapantami Tayta Diosga cachaycuran Caldea runacuna wañuchinanpaj.

2 Crónicas 36:20

Cawaycar quëdajcunatana Babiloniaman prësu aparan. Chaychöga uywaynincuna cananpaj churaran. Chaynölla goyaran Persia nasyunpa raynin intëruta mandanancama.

Esdras 5:12

Paycunaga nimasha unay caj awiluncuna syëlucho caycaj Diosta rabyachishanpita Babiloniapa raynin Caldea runa Nabucodonosorpa munayninman cachaycushanta. Chay rayshi Templunta juchuchiran; quiquincunatana Babiloniaman prësu aparan.

Salmos 69:26

Paycunaga llaquicaycächishayqui runatami gaticacharcaycan. Paycunaga ñacaycächishayqui runatami manacajman churaycäman.

Isaías 10:6

Paytami cachä acrashä juchasapa runacunata magananpaj. Rabyachimaj nasyun runacunamanmi cachä. Chayman cachä ima-aycantapis suwapänanpaj, guechunanpaj, cällicho caycaj mituta-jina lluchcargärinanpämi.

Isaías 13:16

Taytan maman ricapaycaptinmi tacsha wamrancunataga pampaman pagshirgärengapaj. Wasincho caj ima-aycantapis apacongapaj. Warmintapis yaycoj fiyu runacunami charipacongapaj.

Isaías 14:17

¿Cay runachi intëru pachata chunyajta cachaycoj, siudäcunatapis illgächej, prësucunatapis mana cacharej?› nir.

Isaías 14:6

Paycunaga juc-lä nasyun runacunata fiyupami ñacachej. Mana cachaypami wirur-ushaj. Mana cuyapaypami gaticachaj.

Isaías 43:28

Mandashojniquicunapis Templöta ganrachisha. Chaynöpami camacächishcä Jacobpita mirar-aywaj Israelcunata ushacächinanpaj, manacajman churananpaj.

Jeremías 50:42

Paycunaga sablincunawan, lëchancunawanmi carcaycan. Paycunaga fiyu runacunami. Manami pitapis cuyapanchu. Pillyashpanpis gaparpan lamar yacu pullchajyar gaparajnörämi. Cawallun muntashallami aywanpis. Babiloniacunawan pillyananpäga camaricushallanami carcaycan.

Lamentaciones 1:14

«Juchäcunaga yügunömi lasaycäman. Quiquin Tayta Diosmi watarcamasha. Callpäpis ushacaycannami. Tayta Diosga cachaycamasha ichipayta mana puydishä runacunapa munayninmanmi.

Lamentaciones 1:21

«Runacunaga wiyaycanmi llaquicur wagaycashäta. Ichanga shogamänanpaj manami pipis canchu. Llapan chiquimajcunami musyaycan mana allicho caycashäta. Paycunami cushicurcaycan gam chayno castigamashayquipita. Tayta Dios, nogata castigaycämashayquino paycunatapis castigayna ari.

Lamentaciones 2:2

Tayta Diosga manami ni jucnayllatapis cachaycushachu ichiraycajta Jacob famillyapa wasincunataga. Rabyasha caycashan öra illgarachiran Judäpa sumaj curalasha caycaj siudänincunatapis. Mandajcunatapis manacajman churasha. Waquin mandäshejcunatapis manacajman churasha.

Lamentaciones 4:16

Tayta Dios rabyacurcushpanmi wacpa caypa mashtacächisha. Nircur mananami imaypis ricärishanachu. Chaymi runacunaga cüracunata mana rispitashanachu. Auquincunatapis manami cuyapashanachu.

Lamentaciones 5:12

Mandajnëcunataga maquipitami warcurcusha. Auquincunatapis manami rispitashanachu.

Ezequiel 24:21

Israelcunata cayno ninäpaj: ‹Caynömi Tayta Dios nin: Gamcunaga Templöta amatarmi cuyanqui; amatarmi almiranquipis. Chay Templuwanmi gamcunaga alli-tucuycanqui, munayniyoj-tucuycanqui. Ichanga chay Templuta noga ganrachishämi. Jerusalencho quëdamoj wamrayquicuna warmipis ollgupis runa wañuchiypami wañonga.

Ezequiel 28:16

Achca nigusyuta arurmi mana alli ruraycunallaman, jucha rurayllamanna ticrashcanqui. Chaypitami ñaupäpita gargushcä; «Diospa jircan» nishayquicunapitapis jitarishcä. Querubín anjil täpaycäshojmi achicyaycachaycaj rumicunapa ñaupancho puriycajta jorgushurayqui.

Abdías 1:10

«Fiyupa pengaypämi ricacunquipaj. Nircurpis para-simrimi illganquipaj. Chaynöga canquipaj castayqui Israelcunata wañuchishayquipitami.

Abdías 1:16

Imanömi gamcuna rispitädu puntächo cushicur machänayquicama upurayqui, chaynömi llapan nasyuncunapis castigaptë ashgaj cöpata upongapaj. Paycunaga wicyayllami upongapaj. Chaynöpami paycunaga ushajpaj illgangapaj.

Zacarías 1:12

Chaura Tayta Diospa anjilninnami niran: «Munayniyoj Tayta Dios, ganchis chunca (70) watanami rabyasha caycanqui Jerusalenpaj, Judächo caycaj siudäcunacho tiyajcunapäpis. Yapay cuyapänayquipäga ¿ayca watarätaj pishin?»

Zacarías 1:15

Ichanga fiyupami rabyaycä imapäpis mana yarpachacuypa goyarcaycaj nasyun runacunapaj. Noga yangalla rabyasha caycaptëpis paycunaga mastami rabyachimaran Israelcunata fiyupa ñacachishpan.

Mateo 7:2

Runa-masiquita jamurpar washanta rimashayquinöllami gamcunatapis Tayta Dios jusgashunquipaj. Runa-masiquita imanöpis ricashayquimannöllami Tayta Diospis ricashunquipaj.

Deuteronomio 28:50

Fiyu runacunami canga. Manami rispitangapächu auquinta. Ni wamratapis manami cuyapangapächu.

Santiago 2:13

Runa-masinchïta mana cuyapaptinchëga Tayta Diosninchïpis mana cuyapaypami castigamäshunpaj. Runa-masinchïta cuyaparmi ichanga Tayta Dios jusganan junaj allicho llojshishun.