Isaías 47:5 - Tayta Diosninchi Isquirbichishan

⁵ «Caldeacho caycaj Babilonia jipash upällalla jamacuy. Mananami pipis ‹nasyuncunapa mandajnin rayna› nishunquipänachu. Chacajmanna aywacuy.

Isaías 47:5 ပူးပေါင်းရင်းမြစ်များ

Salmos 31:17

Tayta Dios, gammanmi gayacamö. ¡Pengaychöga ama cachaycamaychu ari! Fiyucunata pengaymanga churaycuy. Pantiyun uchcullachöna ushacächun.

Salmos 46:10

Caynömi niran: «Diosniqui cashäta tantiyacuy. Maquëchöna caway. Nogami intëru nasyuntapis maquëcho caycächë. Nogami cay mundutapis chararaycä.»

Isaías 13:10

Intipis yagarcamullarnami chacacäconga. Quillapis mananami achicyanganachu. Goyllarcunapis manami achicyanganachu. Janaj pachaga pasaypa yanauyaycajmi ricacongapaj.

Isaías 14:23

Chay partitaga ticrarachishaj mitu-mitu gochamannami, chushyajcuna tiyanallanmannami. Illgächicuna pichanawanmi illgächiypa pichashaj.» Munayniyoj Tayta Diosmi chayno nisha.

Isaías 14:4

Chauraga Babiloniapa rayninta manacajman churashpayqui cayno rimanquipaj: «¡Masqui ricay, ñaupata ñacachicöga imanöshi caycan! ¡Ricay, imanöshi caycan chay fiyu runaga!

Isaías 21:9

Parninpa-cama cawallucuna carrëtan garachasha aywaycämojtami ricaycä. Aywaycämojcuna nisha: ‹¡Canan Babiloniataga illgarachengami! Ïduluncunapis llapanmi agullasha pampacho mashtarpaycanga› nir.»

Isaías 23:2

Tiro runacunawan Sidón nigusyanticunapis upällallami carcaycan. Paycunaga büquicunawanmi nigusyuta aroj.

Isaías 47:1

Tayta Diosmi cayno nin: «Caldeacho caycaj Babilonia jipash allicho jamaraycashayquipita llojshiy. Allpamanna jamacuy. Japalla jipash sillunniquipita jatariy. Pampamanna jamacuy. Mananami pipis ‹pishi töpay cuyayllapaj jipash› nishunquipänachu.

Isaías 47:7

‹Imaycamapis raynallami cashaj› nirayqui. Ichanga noga ruranäpaj cashanta manami yarpashcanquichu. Imano ushacänayquipaj cashantapis manami musyashcanquichu.

Jeremías 25:10

Chaynöpami camacächishaj cushicur fistata ruraycunapis manana cananpaj. Majachacar fistata rurashanpis manami canganachu. Maraynincunacho agajpis manami canganachu. Ni achquincunapis manami ratanganachu.

Jeremías 8:14

«Runacunanami nenga: « ‹¿Imanirtaj cayllachöga carcaycanchi? ¡Llapanchi juclla aywacushun curalasha caycaj siudäcunaman chaycho wañunanchïpaj! Tayta Diosninchïmi wañunanchïpaj camacächisha. Juchata rurashanchïpitami wañunanchïpaj bininasha yacuta upuchimashcanchi.

Lamentaciones 1:1

Ay Jerusalén, ñaupataga aypalla runami chaycho tiyaran. Cananga imano chunyajshi ricacusha. Ñaupataga sumaj rejsisha siudämi caran. Cananga biyüda warminömi caycan. Achca siudäcunapa raynannömi caran. Cananga quiquinnami chay nasyuncunapa uywaynin caycan.

Lamentaciones 2:10

Cuyayllapaj Sión siudächo caj rispitädu auquincunapis upällallami pampacho jamarpaycan. Llaquicurmi umancunaman allpata wiñacurcaycan, gachga röpacunata jaticurcaycan. Jerusalén jipashcunaga pengay-tucushpanmi uysurpaycan.

Habacuc 2:20

Tayta Diosmi ichanga caycan santo Templuncho. ¡Paypa ñaupanmanga rispëtuwan upällalla yaycuy!»

Zacarías 2:13

Tayta Diospa ñaupanchöga pï-may runacunapis upällalla cacuchun. Noganchïman payga shamun fiyupa rispitäducho tiyaycashan janaj pachapitami.

Judas 1:13

Mayu cantunman tucuy-niraj ganrata yacu jitarimushannömi paycunapis manacajcunallata rurar pengayman chayan. Chaypitami goyllar shicwashanno paycunapis yanauyaycajman chayar chaycho imaycamapis ñacangapaj.

Apocalipsis 17:18

Puca waräcuyta muntaraycaj mañösa warmiga jatuncaray siudämanmi tincuycan. Chay siudäpa mandajnenga may-chaycho tiyaj mandajcunatapis munayninchömi charararan.»

Apocalipsis 18:7

Payga ima-aycayojpis car fiyupa alli-tucushpanmi cawaran. Chayno alli goyashanpita cananga payta ñacachiy, llaquicachiy. Payga shonguncho caynömi nej: ‹Nogaga raynanömi caycä. Manami biyüdachu cä. Manami imaypis ñacashächu› nir.

1 Samuel 2:9

«Paymi sirbejnincunataga rican. Fiyu runacunami ichanga juchallancho wañun. Callpallanwanga pipis manami alli llojshinchu.