Isaías 47:3 - Tayta Diosninchi Isquirbichishan

³ Galalla caycajtami pï-maypis ricashunquipaj. Pengayniquitapis ricachun ari. Chaynömi sumaj castigashayqui. Chay castïgupitaga manami pipis gueshpengachu.»

Isaías 47:3 ပူးပေါင်းရင်းမြစ်များ

Génesis 3:7

Chay frütata micurcärerga jinan öra tantiyacuran galalla carcaycashanta. Chaura ïgus yörapa öjanta jirarcurna pengayninta chapacuran.

Isaías 20:4

Isaías cashantanöllami Asiriapa rayninpis prësu apangapaj Egipto runacunatawan Etiopía runacunataga: auquincunatapis, mösucunatapis. Paycunata apangapaj gala-chaquillata, ruri caj röpallantawan, gala-siquillata fiyupa pengacachishpan.

Isaías 3:17

Chaypita castigashpämi umantapis garachuwan galayächishaj. Llapan runa ricaymi gala-umalla purenga.»

Isaías 35:4

Manchacojcunata niy: «¡Ama manchacuychu! ¡Balurchay! ¡Caychömi Tayta Diosga caycan salbashunayquipaj! ¡Chiquishojcunataga gamta rurashushayquimannömi castiganga!»

Jeremías 13:22

Gamcuna capas yarpachacunqui ‹¿Imanir-raj cayno caycä?› nir. Quiquiquicunapa juchayquipitami gamcunataga garapachaycur munashanta rurarcaycäshunqui.

Jeremías 13:26

Chaypitami nogapis gamcunata garapachashpä justanniquita umayquiman shucuparcushayqui. Chayno ruraptërämi pengaycho canquipaj.

Jeremías 51:11

«Media jutiyoj nasyunpa raynincuna, lëchayquicunata afilay. Chapacunayquipaj caj escüduyquicunatapis camaricuy. Nogaga Babiloniata illgächiytami munä. Paycunaga Templötami pasaypa illgächiran. Chaypitami ayñita cutichishaj.

Jeremías 51:4

Babilonia nasyunchöga llapan siudäcunapa cällincunachömi wañusha runa mashtarpäconga.

Jeremías 51:56

Babiloniata illgächej aywaycämunnami. Pillyaj suldäruncunatami prësu charenga. Pillyananpaj caycaj lëchancunatapis ushajpämi paquirgärenga. Noga Tayta Diosga cada-ünuntami imanöpis rurashanman-tupu cutichishaj.

Ezequiel 16:37

Chaypitami, nogaga shuntamushaj llapanta pï-maywanpis cacushayqui cajtaga, amatar cuyashayqui cajtapis, llapan chiquishayquicunatapis. Paycunata shuntashaj gampa ñaupayquiman. Paycunapa ñaupanchönami röpayquita lojtipäshayqui galallata llapan ricashunayquipaj. Chaynöpami pasaypa pengayman churashayqui.

Nahúm 3:5

Munayniyoj Tayta Dios caynömi nin: «Nogaga gampa contrayquimi caycä. Juc-lä nasyuncuna galallata ricashunayquipämi umayquiyaj justanniquitapis shucuparcushayqui. Chaymi fiyupa pengaycho ricacunquipaj.

Romanos 12:19

Ermänucuna, chiquishojniquicunata ama bingansata cutichiychu. Chaypa ruquenga Tayta Diosninchïpa maquinman churaycuy pay jusgananpaj. Tayta Diosninchïpa palabranchöpis caynömi niycan: «Rurashanman-tupu quiquëmi runacunataga jusgashaj.»

Deuteronomio 32:35

Llutanta rurashanman-tupu quiquëmi runacunataga jusgashaj. Juchan aypämuptenga manami jananpashächu. Ushacächinäpaj juchan aypaycämunnami. Öran chayaycämunnami paycunata jusganäpaj.›

Apocalipsis 16:19

Jatun Babilonia siudätaga runacuna llutanta rurashanpitami Tayta Dios rabyar fiyupa castigaran. Chaymi chay siudäga quimsaman raquicäcuran. Waquin siudänincunanami juchur ushacaran.

Apocalipsis 18:20

Syëlucho cajcuna, fiyupa cushicuy. Tayta Diospa apostulnincuna, profëtancuna, llapan yäracojcunapis cushicuy. Gamcunata ñacachishushayquipitami Tayta Dios chay siudäta ushacächisha.