Isaías 47:11 - Tayta Diosninchi Isquirbichishan

¹¹ Gammanga fiyupa disigrasyami chayamoj-aywan. Chay disigrasya imay cananpaj cashantapis manami musyanquipächu. Fiyupa mana alli chayashunayquipaj cajpitaga manami imanöpapis gueshpinquipächu. Mana yarpashayqui fiyupa mana allicunami illajpita chayashunquipaj.

Isaías 47:11 ပူးပေါင်းရင်းမြစ်များ

Nehemías 4:11

Chiquimajcunaga yarparan wañuchimänanpaj yaycamuptin mana musyanäcunata, ni mana ricanäcunata, wañuchimaptenga arurcaycashätapis jinancho cachaycärinäpaj cashanta.

Salmos 35:8

Quiquincunata illajpita mana alli chayachun. Toglla churashallanman quiquincuna watacächun. Mana allicunaman tunichun.

Salmos 50:22

«Nogata mana yarpämajcuna, sumaj tantiyacuy. Illajpitami gamcunataga ichic-ichicllaman rurarishayqui. Chauraga manami pipis salbashunquipächu.

Salmos 55:15

¡Chiquimajcunaga illajpita wañuchun! ¡Mana allillata rurashanpita cawaycajllatana pachapis micucurcuchun!

Salmos 73:19

¡Illajpitami ushacanga paycunaga! ¡Fiyupa mancharirmi ushacanga!

Proverbios 13:21

Juchasapacunataga imanöllapis disigrasya chayaycanmi. Alli runacunami ichanga allita rurashanpita allillata chasquin.

Isaías 13:6

Llaquicur shanaypa shanar gaparpay-llapa. Munayniyoj Tayta Dios castigananpäga wallcanami pishiycan. Tayta Diosga llapantami usharenga.

Isaías 29:5

Ichanga mana yarpashapitami Noga munayniyoj Tayta Diosga chiquishojcunata castigashaj. Paycunataga castigashaj räyuwan, timlurwan, löcu wayrawan, löcu tamyawan. Chay aypalla chiquishojcunaga quëdangapaj ñuchu allpamanno ticrashami. Aypalla gaticachäshojcunaga cangapaj chaqui pangata wayra apashanömi.

Isaías 30:13

Chaypitami gamcunaga juchayoj canqui. Juchayquega altu perga shillisha caycajnömi caycan. Perga shillicar mana yarpashapita amicäcojnömi canga.

Isaías 37:36

Chay nishan chacayllami Tayta Diospa anjilnin chayaycur wañuchiran Asiria suldärucuna pachacaraycajta pachac pusaj chunca pichgan waranga (185,000) runacunata. Warannin tuta waquin suldärucuna riccharcamorga tariran wañusha mashtarpaycajtana.

Isaías 45:7

Nogami camacächë junaj cananpaj, chacay cananpäpis. Nogami camacächë alli goyay cananpaj, disigrasya chayananpäpis. Llapan chaycunataga noga Tayta Diosmi camacächë.

Isaías 47:9

Ichanga illajpita juc junajllami disigrasyacuna chayashunquipaj: Wawaynajmi, biyüdami quëdanquipaj. Chay-jina brüju ruraj cashayquipis, majiquëru cashayquipis manami salbashunquipächu.

Isaías 48:8

Chaycunapaj parlajta gamcunaga manami wiyarayquichu. Cananyajpis manami musyashcanquipischu. Rinriqui mana quichacajno mana wiyajmi cashcanqui. Nogaga musyarämi mana wiyacoj cashpayqui juccunata adurashayquita. Musyarämi yurishayquipita-pacha ‹mana wiyacoj› nishushayquitapis.

Isaías 57:1

Alli runacuna wañuptin paypäga pipis manami imapis gocunchu. Tayta Diosta sirbej runacunapis wañucur mananami mana alli ruraycunata ricannachu. Tayta Dios chayno shuntacuycashanta manami pipis tantiyanchu.

Jeremías 51:29

Tayta Dios imanöpis rurananpaj nishanno llapanta camacächiptin cay pachapis sicsicyashpan chucchuytami gallaycun. Babiloniatanami fiyupa manchariypaj chunyajman ticrarachenga.

Jeremías 51:43

Siudänincunapis ricacusha manchariypaj chunyajmi, chaqui jircami, pipis mana tiyanan, pipis mana purinan.

Jeremías 51:8

Ichanga illajpitami Babilonia tunisha ushacajpaj. ¡Paypaj llapaniqui wagay! Jampicunawan jampiy. Capaschari allchacanmanpis.

Lamentaciones 1:21

«Runacunaga wiyaycanmi llaquicur wagaycashäta. Ichanga shogamänanpaj manami pipis canchu. Llapan chiquimajcunami musyaycan mana allicho caycashäta. Paycunami cushicurcaycan gam chayno castigamashayquipita. Tayta Dios, nogata castigaycämashayquino paycunatapis castigayna ari.

Ezequiel 7:26

Paycunapäga mana alli goyayllanami jananman jananmanpis chayangapaj. Mana alli willapallanami imaypis canga. Yanganami ashenga profëtatapis ‹Tayta Dios ¿ima nintaj?› nir tapucunanpaj. Tantiyachej cüracunapis manami canganachu. Alli willapänanpaj auquincunapis manami canganachu.

Mateo 18:34

Chayno nir mandajnenga fiyupa rabyar uywayninta carsilman wichgaycachisha. Chaychöna fiyupa castigasha llapan jagata päganancama.»

Lucas 12:59

Carsilpitaga manami llojshinquipächu llapanpita manaraj pägarga.»

Lucas 17:27

Chay wichan runacunaga cushisha micurcaycaran, upyarcaycaran, majachacarcaycaran Noé büquiman yaycunan junajcama. Mana yaycojcunataga löcu tamya tamyaptin yacu ñitir illgächiran.

1 Tesalonicenses 5:3

Cutimunan junäga runacuna cawarcaycanga «Alli goyayllami caycan» nir. Niycaptinmi mana yarpashapita paycunamanga castïgu chayapayconga. Llapanta usharenga. Mayganpis manami gueshpengachu. Gueshyaj warmita mana yarpashapita nanay charishannömi ñacay chayapayconga.

Apocalipsis 3:3

Yarpay alli willacuyta yachacushayquita. Juchayquicunata cachaycur Tayta Dios munashannöna caway. Juchayquita mana cachaycuptiquega suwa shamojnömi illajpita shamushaj castiganäpaj.