Isaías 46:3 - Tayta Diosninchi Isquirbichishan

³ Tayta Dios cayno nin: «Jacobpita mirar aywaj Israelcuna cawarcaycäga wiyamay. Gamcunataga manaräpis yurishayquipita-pachami purichishcä. Nogami margasha purichishcä.

Isaías 46:3 ပူးပေါင်းရင်းမြစ်များ

Salmos 28:9

Acrashayqui runacunata salbay Tayta Dios. Gam acrashayqui cajcunataga bindisyunta goycullay. Uyshërunöpis sumaj ricaycullay. Margashalla apaycuy imaycamapis munayniquicho goyänanpaj.

Salmos 71:6

Mamäpa pachancho caycashpallänami gammanga yäracaycämurä. ¡Gammi yurichimarayqui! ¡Imaypis gamllatami alabaycäshayqui!

Éxodo 19:4

‹Gamcuna ricashcanquimi Egiptucunata imano castigashätapis. Musyanquimi caycashäman imano pushamushätapis. Wawancunata anca sumaj apashannömi Egiptupita apamushcä.

Isaías 1:9

Munayniyoj Tayta Dios noganchïta juc ishcayllatapis cawaycajta mana cachaycamashaga canan öra caycashwan caran Sodomawan Gomorra quëdashannönami.

Isaías 10:20

Chay wichanga wallcallapis quëdaj Israel runacuna mananami Asiria runacunaman yäracongapänachu. Chaypa ruquenga yäraconga Israelpa Santo Diosnillanmannami.

Isaías 10:21

Chay quëdaj Jacob famillyacunaga munayniyoj Tayta Diosllamannami yäraconga.

Isaías 10:22

Israel runacuna lamar cantuncho agushnöraj aypalla cashpanpis wallcajllanami cutimonga. Paycunataga Tayta Diosmi jusganga. Illgächinanpaj camacächishanami caycan.

Isaías 11:11

Chay wichanga Tayta Dios yapaymi acrashan runacunata shuntanga. Cutichimonga Asiriapita, Egiptupita, Patrospita, Etiopiapita, Elampita, Sinarpita, Hamatpita, lamar cantunpa caj nasyuncunapitapis.

Isaías 37:4

Tayta Diosniquega wiyashami canga Asiriapa raynin cachamushan mandaj suldärun ashllishpan imata nishantapis. Cawaj Diostami ashllisha. Ashllishanpita Tayta Diosniqui castigaycunman. Mañacushpayqui ruwacuycuy ari quëdajcunallapäpis› nir.»

Isaías 4:3

Chaura Sión lömacho quëdajcunata, mana wañur Jerusalencho tiyaj cajcunata «Paycunaga Dios acrashan runacuna» nengami. Paycunaga cawananpaj apuntasha cajcunallami canga.

Isaías 44:21

«Jacobpita miraj Israelcuna, gamcunaga nogata sirbimaj cashayquita ama gongaychu. Gamcunaga nogatami sirbimanqui. Gamcunataga nogami rurashcä. Israelcuna ama gongaycamaychu.

Isaías 46:12

Wiyamay rumi shongu runacuna. Gamcunaga manami salbasharächu caycanqui.

Isaías 48:1

Jacobpita miraj cashpayqui Israel jutita aparajcuna wiyay. Judá trïbu runacuna wiyay. Gamcunaga juranquipis Tayta Diospa jutinchömi. Israelpa Diosnintami mañacunquipis. Ichanga janan shongullami Tayta Diosta rispitaj-tucunqui.

Isaías 51:1

Tayta Diosmi cayno nin: «Allita rurar cawayta munajcuna, Noga nishäno rurayta munajcuna wiyamay. Masqui tantiyacuy maynin gagapita jorgusha cashayquitapis, maynincho caycaj rumicunapita llojshimushayquitapis.

Isaías 51:7

«Alli caj imano cashantapis musyajcuna, yachachishäcunata ruraj runacuna wiyamay. Runacuna tucuyta nishuptiquipis ama llaquicuychu. Ashllishuptiquipis ama jagayaychu.

Isaías 63:9

Llapan ñacaycunapitami runacunataga salbaran. Paycunata salbananpäga manami anjilnintachu cachamuran. Chaypa ruquenga quiquin Tayta Diosmi cuyapäcoj cashpan paycunata salbaran. Paymi jatarcachishpan margacurcur shuntasha. Imaypis chaynömi yanapasha.

Deuteronomio 1:31

Chunyajchöpis rurashannömi ruranga. Tayta Diosninchëga cayman chayamunayquiyaj pushamushurayqui papänin tacsha wamranta margashalla apajnömi.›