Isaías 46:13 - Tayta Diosninchi Isquirbichishan

¹³ Nogami camacächishaj salbanäpaj caycäga juclla chayamunanpaj. Salbanäpäga manami aycäpis pishinnachu. Sión runacunataga nogami salbashaj. Quiquëmi Israelchöpis caycäshaj.»

Isaías 46:13 ပူးပေါင်းရင်းမြစ်များ

Salmos 14:7

¡Ima alliraj canman Sionpita Israelcunata salbananpaj chayaycamuptin! Acrashan runacunata Tayta Dios alliman churaptin Jacobpita mirar aywaj Israelcunaga llapanmi cushiconga.

Salmos 46:1

Diosmi imapitapis pacamajninchëga. Ñacaycashanchi örapis juclla yanapämanchi.

Salmos 46:5

Tayta Dios waran-waran chaycho captinmi mana cuyucongachu. Paymi chararanga.

Salmos 85:10

Cuyanacuypis rasun cajpis jucllachacangami. Alli ruraypis jauca goyaypis jucnayllanömi cawanga.

Salmos 85:9

Tayta Diosga jananchïchönami caycan rispitajcunata salbananpaj. Payga cay pachacho noganchïwanmi imaypis caycanga.

Isaías 12:2

Tayta Diosmi salbaman. Payman yäracurmi imapitapis mana manchacöchu. Tayta Diosmi callpata goman, imapitapis pacaman. Paymi salbamajnë.»

Isaías 28:16

Chaypitami Tayta Diosga nin: «Sionmanmi juc rumita churaj-aywä. Chaymanga churashaj acrasha rumitami. Chay rumiga cangapaj llapanpita mas allimi. Jinachöpis chay rumimi simintupa isquïnancho puntu rumi cangapaj. Chayman yäracoj cäga allimi goyanga.

Isaías 43:7

Nogata rispitamaj cajtaga Noga rurashä cajtaga Nogata aduramaj cajtaga llapanta cutichimushaj.

Isaías 44:23

¡Tayta Dios imanöpis rurashanpitaga cushicuywan gaparay ari syëlu! ¡Pacha rurincho caycajcunapis bïbar gaparpay! ¡Jircacunapis llapan munticunapis fiyupa cushicushpayqui gaparpay! ¡Cushicur gaparpay Jacobpita mirar aywaj Israelcunata salbashpan Tayta Dios fiyupa munayniyoj cashanta musyachishanpita!

Isaías 45:8

«Chauraga syëlu quichacäcuptin bindisyunta mashtamushaj. Chaycunaga cangapaj shullay shicwamojno, pucutaypita tamyamojnömi. Chaycunata allpachöga cushishami chasquenga. Chaynöpami salbacoj cashäga imapis wayojno achcaman miranga. Chaynönami alli cajllata ruraypis waytajno canga. Chaycunataga noga Tayta Diosmi camacächë.

Isaías 51:5

Wallcanami pishin salbanäpaj. Manapis aycällatanami munaynëwan llapan nasyun runacunata mandashaj. Lamar cantun nasyuncho tiyaj runacuna nogallamanmi yäracamonga. Munayniyoj cashallämanmi yäracamonga.

Isaías 54:17

Ichanga gamta illgächishunayquipaj manami pipis pillyanacunata rurashachu. Achäquita ashipäshojcunataga llapantami upällachinquipaj. Chaynömi canga nogata sirbimajcunapäga. Chaynöpami nogaga salbashaj.» Tayta Diosmi chayno nin.

Isaías 56:1

Tayta Dios cayno nin: «Rasun cajllata ruray-llapa. Alli cajllata ruray-llapa. Manapis aycällatanami salbashaj. Chayno salbashpämi munayniyoj cashäta musyachishaj.

Isaías 60:21

«Marcayquichöga alli runacunallanami tiyanga. Chaychöga paycunallami imaycamapis tiyacongapaj. Paycunami caycan lantashä lantapita chillguimojcunaga. Paycunataga quiquëmi churashcä munayniyoj cashäta juccunata musyachinäpaj.

Isaías 60:9

Chaycunaga shuntacasha aywarcaycämoj büquicunami. Ñaupa puntantanami Tarsis büquicuna aywaycämun. Chay büquicunaga wamrayquicunatami gorintawan guellaynintawan-cama fiyupa carupita apaycämun. Paycunaga aywaycämun Jerusalencho fiyupa almiraypajcunata rurashäpita aduramänanpämi. Nogaga Israelcunapa Santo Tayta Diosninmi caycä.

Isaías 61:11

Imanömi chacracho muru pashtamun, wertachöpis imanömi lanta chillguir wiñan, chaynömi Tayta Diosga camacächenga rasun caj alli ruraytana yapay gallaycunanpaj, alabansacunatapis cantananpaj. Chaytaga llapan nasyun runacunami ricanga, wiyanga.

Isaías 61:3

Sioncho llaquicuycajcunata shoganäpaj: pengacuycashanpa ruquin corönatana jatipänäpaj, llaquicuycashanpa ruquin cushicuyta tarichinäpaj; wagaycashanpa ruquin cushicur cantananpaj. Chaymi paycunataga nengapaj «Sinchi guerucuna» nir. Paycunaga caycangapaj Tayta Dios munayniyoj cashanta juccunata musyachinanpämi.

Isaías 62:1

Sión, gamta cuyashpämi upällallaga mana cacushächu. Jerusalén, gamta cuyashpämi jamaytapis mana tarishächu intërupa manaraj alli goyay cashancamaga; Tayta Dios manaraj salbashushayquicamaga.

Isaías 62:11

Cay pachacho juc cuchupita juc cuchucamami Tayta Diosga Sión siudäta willachisha: «Salbashojniquega chayamushanami. Juccunapa munaynincho caycajta guechurcurmi Tayta Diosga acrashancunata shuntaycämun» nir.

Jeremías 33:9

Jerusalenta yanapashäta musyashpanmi llapan nasyun runacuna rispitamanga, alabamanga. Noganami cay siudäpaj fiyupa cushicushaj. Jauca goyänanpaj Jerusalenta alli yanapashäta mayaycorga intëru munducho tiyajcunami almiranga, mancharenga.»

Joel 2:32

Chayno captinpis nogaman yäracamushpan mañacamaj cäga salbashami canga. Sión lömacho, Jerusalenchömi acrashä cajcunaga salbacongapaj.»

Joel 3:17

Acrashan runacunata Tayta Dios niran: «Chay junaj chayamuptin gamcuna tantiyacunquipaj noga Tayta Diosniqui cashätami. Nogaga tiyashaj Templö caycashan Sión lömachömi. Chay Jerusalén siudäga cangapaj acracushä siudämi. Jäpa runacuna yapayga chay siudäta manami imaypis munaynincho chararanganachu.

Miqueas 7:9

Tayta Dios mana munashanta rurarmi juchata rurashcä. Chaymi awantashaj castigamaptinpis. Payga imano cashätapis jusgamangami. Nircorga allimi arriglamanga. Tayta Diosga achicyajmanmi jorgamanga. Paymi salbamanga.

Habacuc 2:3

Cananga manami chayamunrächu öra chay ricaycashayquicuna cumlinanpäga. Ichanga imano carpis cumlengapämi. Gamga ayca wata päsaptinpis shuyaray. Chaycunaga päsanga imaypis päsananpaj caj junajchömi.

Hageo 1:8

Puntacunaman ayway-llapa. Chaypita guerucunata apaycamushpayqui Templuta yapay jatarachiy. Templuta jatarachiptiqui nogaga cushicushämi. Chaymi nogaga alabasha cashaj.

Juan 17:10

Paycunaga noganchïpami. Chay disïpulöcuna tucuyta rurar alli cawaptinmi nogaga alabasha cashaj.

Romanos 1:17

Chay alli willacuychöga tantiyachimanchi Jesucristuman yäracullar salbasha cananchïpämi. Chaymi palabranchöpis isquirbiraycan: «Alli runaga Tayta Diosman yäracushanpitami salbasha canga» nir.

Efesios 1:6

Chaynöga rurasha cuyapämashanchïpita imaypis Tayta Diosninchïta alabananchïpämi. Cuyay wamran-raycumi Tayta Diosga chasquimashcanchi.

2 Tesalonicenses 1:10

Jesucristuman yäracojcunami ichanga cushicushpan Taytanchi Jesucristuta adurangapaj. Chaynömi gamcunapis paypa ñaupanman chayar cushisha aduranquipaj. Chayno canga Jesucristupa alli willacuyninta willacushäta wiyacushayquipitami.

2 Tesalonicenses 1:12

Alli cawaptiquega llapan runami Taytanchi Jesucristuta alabanga. Chaymi Jesucristupis gamcunata alli ricashunquipaj. Chaynöga cawanquipaj cuyacoj Tayta Diosninchi, y Tayta Jesucristupis yanapäshuptiquimi.

Hebreos 10:37

Tayta Diospa palabranchöpis niycan: «Shamunanpaj cäga chayamongapänami. Manapis aycällatanami chayamonga.

1 Pedro 2:6

Tayta Diospa palabranchöpis niycan: «Sionmanmi juc rumita churaj-aywä isquïnancho puntu rumi cananpaj. Chay rumiga cangapaj llapanpita mas allimi. Payman yäracoj cäga manami manacajllapäga yäracongachu.»