Isaías 46:11 - Tayta Diosninchi Isquirbichishan

¹¹ Inti yagamunan caj-läpitami juc runata gayashcä. Aycha micoj äbinöpis carupitami shamonga. Ruranäpaj yarpaycashäcunata paymi rurangapaj. Imano ruranäpäpis yarpashcänami. Chaytaga cumlishämi.

Isaías 46:11 ပူးပေါင်းရင်းမြစ်များ

Esdras 1:2

«Noga Ciro Persiapa rayninmi në: Syëlucho caycaj Tayta Diosmi llapan nasyuncunata munaynëcho cananpaj churamusha. Chayno mandanäpaj churamarmi nimasha Judá particho caycaj Jerusalencho juc Templuta aruchipänäpaj.

Job 23:13

«Tayta Diosga imatapis rurayta yarparga jinan örami rurarin. Rurananpaj yarpaycashantaga manami pipis rucachinchu.

Salmos 119:24

Estatutuyquicunata cumlir noga fiyupa cushicö. Chaycunami nogataga tantiyachiman.

Salmos 76:10

Gam rabyacurcuptiquega mas ollgojnin runapis upällacur rispitarmi alabashunqui.

Isaías 10:12

Sión lömatawan Jerusalenta Asiriapa rayninwan ushaycacherga paytapis Tayta Dios castigangami. Castiganga alli-tucushanpita, ollgoj car munayniyoj-tucushanpita.

Isaías 18:6

Chay witichishancunaga jircachömi mashtaraycar quëdanga. Usya wichanga aycha micoj äbicunami micuconga. Tamya wichannami chucaru jirca animalcuna micuconga.

Isaías 22:25

«Juc junaj ichanga mana cuyucuypa juc pachacho jatiraycaj läbus shicwaconga. Paypis, payman yäracoj famillyancunapis llapanmi yagaconga.» Munayniyoj Tayta Diosmi chayno nisha.

Isaías 25:1

Tayta Dios, gammi canqui Diosnë. Nogaga gamtami rispitashpä alabashayqui. Almiraypajcunata rurashayquipitami adurashayqui. Unaypita-pachami yarpashayquicunaga caycan rasun cajlla, alli cajlla.

Isaías 37:26

Gamga ¿manachu musyarayqui noga Tayta Dios chaycunata llapanta camacächishäta? Unaypitanami chayno cananpaj camacächirä. Chaymi cananga cumlishcä. Chaynöpami gamga curalasha siudäcunatapis illgächir cachaycunqui ragällanta, muntuy-muntuy goturaycajta.

Isaías 38:15

«Ichanga ¿imataraj noga nëman? Quiquiquimi willachimashcanqui. Nircorga chayno rurashcanqui. Fiyupa llaquicur goyashäpitami umildillana goyäcushaj.

Isaías 41:2

Llapanta binsircur alli llojshej raytaga ¿pitaj inti yagamunan caj-läpita yurichimusha? Chay rayga waquin nasyunpa raynincunatapis maquinchömi chararaycan. Paytaga maygan raycunapis manami ichipanchu. Payga raycunata sablinwan ñuchu allpamannömi rurarin. Lëchancunawanmi ogshatano wacpa-caypa machirin.

Isaías 41:25

«Inti yagamunan caj-lächömi juc runata yurichishcä. Paytaga jutinpami gayashcä. Payga norte caj-läpami chayamonga. Mandajcunatapis mituta-jinami lluchcarenga. Manca-ruraj mituta lluchcajnömi rurarenga.

Isaías 44:28

Nogami ray Cirota në: ‹Gammi canqui uyshërö. Gamga llapantapis noga munashänömi ruranquipaj› nir. Paymi Jerusalenta nenga: ‹Gamtaga yapaymi allchashunquipaj› nir. Templutanami nenga: ‹Yapaymi simintuyquita pergayta gallaycongapaj› nir.»

Isaías 45:13

Nogami ray Cirotapis llapanta binsinanpaj yurichishcä. Nircorga llapan rurashancunapis alli llojshinanpaj camacächishaj. Paymi siudänëta allchachenga. Sirbimajcuna prësu apashancunatapis cuticamunanpaj cachayconga. Chayno cachaycunanpäga päguta ni imatapis manami chasquengachu.» Munayniyoj Tayta Diosmi chayno nisha.

Isaías 56:9

Jirca animalcuna, munti animalcuna shamuy uyshacunano caycaj Israelcunata micucurcunayquipaj.

Jeremías 44:28

Egiptucho wañuypita gueshpiycur Judá nasyunman cutejcunaga juc ishcayllami canga. Chaura Egiptuman tiyaj shacamojcunapäga mä imanöshi canga. Noga nishächush u paycuna nishanchush cumlenga.

Jeremías 50:29

«¡Lëchawan illapay yachajcunata llapanta shuntay Babiloniaman magaj yaycupaycärinanpaj! ¡Siudä cantunpa tiyacaycäriy pipis mana gueshpinanpaj! ¡Rurashanmanno ayñita cutichiy! ¡Imanömi jucta ruraran chayno paycunatapis ruray! Paycunaga Israelcunapa Santo Tayta Diosnin caycaptëmi mana rispitamashpan rabyachimasha.

Jeremías 50:44

«Jordán mayu cantun shatapita liyun llojshir alli guewa caycashancho animalcuna caycajman aywajnömi nogaga illajpita shamushäpaj. Chaura Babiloniacunaga manchacamashpan gueshpir aywaconga. Nircurna camacächishaj acrashä runa paycunapa mandajnin cananpaj. ¿Piraj nogamanga tincunman? ¿Piraj nogawan churacanman? ¿Pï michicojraj nogata ichipämanman?

Jeremías 50:45

Babiloniacunapaj noga munayniyoj imano yarpashätapis wiyay-llapa. Babilonia nasyuncho tiyajcuna imano cananpaj yarpaycashätapis wiyay. Chaycho tiyajcunataga tacshannincunatapis apacongami. Nasyun intërutami pasaypa ushacashata cachayconga.

Ezequiel 39:4

Gamga suldäruyquicunawan, juc nasyuncunapita yan'gaycäshoj runacunawan iwalmi Israel jircacunacho wañunquipaj. Chaychömi gamcunataga cachaycushayquipaj aycha micoj äbicuna, micucoj jirca animalcuna micushunayquipaj.

Números 23:19

Tayta Diosga manami runacunanöchu. Payga manami llullacunchu. Imata aunircurpis manami cutiricunchu. Aunishantaga cumlinmi.

Hechos 4:28

Chaynöpami unaypita yarpashayquita paycuna cumlisha.

Hechos 5:39

Tayta Diospita rasunpa ruraptenga manami imanöpapis illgächinquipächu. Pajta Tayta Diospa contran ima jatariycanqui.»

Efesios 1:11

Nogacunatapis Jesucristu-raycumi Tayta Diosga unaypita-pacha acracamasha erensyata chasquinäpaj. Tayta Diosninchëga llapantapis yarpashanno ruraj carmi aunimashan partisyunta gomanga.

Efesios 3:11

Chaytami Tayta Diosninchi unaypita-pacha yarparan. Chaymi cananga chay nishan cumlishana caycan Jesucristo noganchi-raycu wañushanpita.

Apocalipsis 16:12

Sojta caj anjilnami Éufrates mayuman tacshimuran chararaycashan bäsucho caycaj castïguta. Chaymi mayu chaquicäcuran inti yagamunan caj-lä nasyunpita shamoj mandajcuna suldäruncunawan päsamunanpaj.