Isaías 46:1 - Tayta Diosninchi Isquirbichishan

¹ Bel diosga uysucäcunmi. Nebo diospis tunicunmi. Chay dios-niraj ïdulucunataga uywacunaman cargacurcur-rämi apan. Chaycunaga fiyupa lasarmi uywacunata uticächin.

Isaías 46:1 ပူးပေါင်းရင်းမြစ်များ

Job 39:11

¿Callpayoj captinchuraj chay uywaman yäracunqui? ¿Arupäshunayquipäpis yäracunquimanchuraj?

Éxodo 12:12

Chay chacayga Egipto nasyun intërupami noga purishäpaj. Llapan Egiptucunapa guechpa wamrancunatami wañuchishaj. Chaynömi uywancunapatapis rimir caj wawantaga wañuchishaj. Egiptupa diosnincunata castigashäpaj. Noga Tayta Diosmi chayno në.

Isaías 2:18

Chay öraga ïdulucunatapis ushajpämi illgächenga.

Isaías 2:20

Chay junäga runacuna ïduluncunata goripita, guellaypita adurananpaj rurashantapis cachaycärengapaj ucushcuna tiyanan, chicchicuna tiyanan uchcucunachömi.

Isaías 21:9

Parninpa-cama cawallucuna carrëtan garachasha aywaycämojtami ricaycä. Aywaycämojcuna nisha: ‹¡Canan Babiloniataga illgarachengami! Ïduluncunapis llapanmi agullasha pampacho mashtarpaycanga› nir.»

Isaías 30:6

Egiptuman aywajcunaga chunyaj Neguevpami päsarcaycan bürruncunata y camëlluncunata cargasha. Päsarcaycan micucoj liyuncuna tiyashanpami, culebracuna, buylaj culebracuna tiyashanpami. Ima-aycantapis, cuestaj cösancunatapis apacurcaycan mana bälej Egipto nasyunman.

Isaías 45:20

«Juc nasyun runacunaga mana tantiyashpanmi guerupita rurasha ïduluncunata matancasha purichin. Mana salbananpaj caycaptinpis ‹diosnë› nir mañacun. Paycunatami në: Cawaycar quëdaj cajcunaga shuntacarcushpayqui shamuy-llapa.

Isaías 46:7

Rurapashantaga matancacarcärirmi apan. Nircorga jamaränanman churaycun. Chaychöga mana cuyucuypami cacun. Yanapänanpaj may-jina gayacuptinpis manami imachöpis yanapanchu. Ñacananpaj caycar fiyupa llaquicuycaptinpis manami pitapis salbanchu.

Jeremías 10:5

Chay ïdulucunaga caycan nunayllucunata ichichishannöllami. Chaycunaga manami rimanchu. Chaycunataga apariyparaj apan. Quiquillanga manami aywanchu. Chaytaga ama manchacuychu. Pitapis manami imatapis ruranchu allita ni mana allitapis.»

Jeremías 50:2

«Nasyuncunaman willacuy. Llapanta musyachiy. Señalpaj bandërata churay. Willapashätaga juctapis mana gongaypa willacuy. Cayno niy: ‹Babiloniataga maynami charisha. Bel diospis pengaychömi caycan. Marduc diosga fiyupa mancharishami caycan. Ïduluncunaga, manacaj diosnincunaga pengaychömi, mancharishami carcaycan.›

Jeremías 50:38

¡Mayuncunapis chaquicäcuchun! Chaynöga cachun melanaypaj ïduluncuna Babiloniacho aypalla captin. Chay runacunaga mana bälej ïduluncunawanmi pasaypa pirdicasha caycan.

Jeremías 51:44

«Babiloniapa diosnin Belta castigashämi. Llapan micushancunatapis gumitachimushämi. Chaura maygan nasyunpis mananami masga payman aywangapänachu. ¡Ni Babiloniapa pergancunapis ichiraycäga manami quëdangachu!

Jeremías 51:47

Chaynömi chayamongapaj Babiloniacho caycaj ïdulucunata ushajpaj illgächinäpaj caycaj junaj. Chayrämi nasyun intëru pengaycho ricaconga. Wañushacunapis llapan siudänincunachömi mashtarpanga.

Jeremías 51:52

Juc junajmi ichanga Babiloniacho caycaj ïdulucunata illgächishaj. Chaura malubracusha caycajcunaga nasyun intërucho nanaywan gaparpangapaj.

Daniel 11:8

Chayno rurashpanmi diosnincuna-nirajta jundiypa rurashanta apacurcur Egipto nasyunman cuticonga. Goripita guellaypita ima-aycan caycajcunatapis apacongapaj. Chaypita unaycamami ishcan nasyuncuna mana rimapänacuyllapa cacongapaj.

Daniel 3:14

rayga tapuran: «¿Rasunchu gamcuna mana aduranquichu nogapa diosnëcunata, ni goripita rurachishätapis?

Nahúm 1:14

Nínive runacuna, gamcunapäga Tayta Dios caynömi nisha: «Gamcunapita mirar aywäga manami cangapänachu. Diosniquicunapa templuntapis juchuchishämi. Uywa-niraj ïduluyquicunatapis illgächishämi. Gamcunatapis melanaypaj captiquimi ushajpaj usharishayquipaj.»

Números 32:38

Nebo, Baal-meón, Sibma siudäcunata. Waquin siudäcunapa jutinta rucachishpan quiquincunapa jutintana churaparan.

Mateo 23:4

Yachachir paycunaga laypa jananman masta mastami yapaycan. Chaymi caycan fiyupa lasajta guepircur runa-masincunata aparipashanno. Quiquincuna ichanga manami ni juc dëdullanwanpis yanapanchu.

1 Samuel 5:3

Warannin tuta Asdod runacuna yaycur tariran babulpa ñaupancho Dagón lätacasha jitaraycajta. Chaura Dagontaga jogarcärir cashgan ichichiran.