Isaías 45:14 - Tayta Diosninchi Isquirbichishan

¹⁴ Israelcunata Tayta Diosga caynömi nin: «Egipto runacunapis, Etiopía runacunapis, jatusaj Sabá runacunapis maquiquichömi canga. Chay runacunapis, murushan micuynincunapis, nigusyuncunapis gamcunapanami canga. Paycunaga cadinawan watashami guepayquita shamongapaj. Gamcunapa ñaupayquiman gongurpacuycurmi ruwacushunquipaj. Chaynöga ruranga ‹Rasunpa gamcunachömi Diosga caycan. Paypita mas jucga manami dios canchu› nirmi.»

Isaías 45:14 ပူးပေါင်းရင်းမြစ်များ

Génesis 27:29

Gamtaga achca runacuna sirbiycushunqui. Llapan nasyun runacuna gamta rispitaycushunqui. Wauguiquicunapis gampa munayniquicho caycullächun. Gamta chiquishoj cäga maldisyunädumi canga. Gamta bindisashoj cäga bindisashami canga.»

2 Samuel 21:20

Chaypita yapay Gatcho pillya caran. Chaycho juc runa caran jatuncaray. Dëdun caran ishcay chunca chuscu (24); cada maquincho sojtacama, chaquincunachöpis sojtacama. Chaypis caran jatusaj runacuna casta.

Ester 8:17

Carta chayashanchöga llapan siudäcunacho, probinsyacunacho, marcacunacho Israel runacuna fiyupa cushicuran. Fistata rurar alli micuycunata micuran. Israelcunata manchacushpan achca juc-lä runacuna Israel cayman ticracuriran.

Job 1:15

Chayno caycaptëcunami illajpita chayaraycäramusha Sabeo runacuna. Nircur uywayquicunata gaticusha. Nogacuna caj runacunataga cuchilluwanmi wañurgärachisha. Nogallami gueshpimushcä gamta willanäpaj.»

Job 11:19

Puñuptiquipis manami imapis manchachishunquipänachu. Achcajmi yanapänayquipaj ruwacushunquipaj.

Salmos 149:6

Llapan callpayquiwan Tayta Diosta alabay. Nircur ishcan-läpa afilasha sablita aptay.

Salmos 149:8

Chaynöpami prësu chariycur fiyupa lasaj fyërru cadinacunawan watanqui raycunata, munayniyoj runacunata.

Éxodo 11:8

Chayrämi llapan autoridäniquicunapis ricamaj shamongapaj. Gongurpaycur nimangapaj ‹Llapan Israelcunata pushacurcur aywacuyna ari tayta› nir. Chayno nimaptinrämi aywacushäpaj.» Chayno nircur faraón cajpita Moisesga fiyupa rabyasha aywacuran.

Isaías 10:33

Ricay-llapa Asiria runacunata. Paycunaga jatun guerucunanömi. Tayta Diosga munayninwanmi chay guerucunata sajtargärin. Jatusajnin caj guerucunatapis muturishanami. Mas jatunnin cajcunapis pampachönami jitarpaycan.

Isaías 18:1

¡Ay imanöraj canga Etiopía nasyuncho caycaj mayucunapita mas washacho caycajcuna! Chay nasyunchöga aypalla chinrascunami inririycan.

Isaías 18:7

Chay wichanga jatuncaray llushwaypa-llushwaycaj, may-chay nasyun manchacushan runacunapis, fiyupa callpasapa munayniyoj runacunami y nasyunninpis aypalla mayucunapa chaupillancho caycaj runacunami munayniyoj Tayta Diospaj ofrendancunata apamonga. Sión lömamanmi garayninta apamonga. Chay jircachömi munayniyoj Tayta Diosta aduranga.

Isaías 19:21

Tayta Diosga camacächenga Egiptucuna musyar payta rispitananpaj. Chaura Egipto runacunapis tantiyacongami Tayta Dios fiyupa munayniyoj cashanta. Tayta Diosllatanami aduranga. Sacrifisyu uywacunata pishtarcur paypaj rupachenga. Apapanga chaqui micuy ofrendacunatapis goycunanpaj. Tayta Diospaj imatapis rurananpaj auninga, cumlenga.

Isaías 19:22

Tayta Diosga Egiptucunata castigarcushpan yanapanganami. Paycunapis Tayta Dios nishallantanami ruranga. Chaura Tayta Diospis paycunata cuyapashpan yanapanganami.

Isaías 23:18

Ichanga manami quiquincunapänachu shuntanga, ni churanga. Chaypa ruquenga gänashancuna canga Tayta Diospänami. Tayta Diosta sirbejcunatami goycärengapaj alli micusha, alli röpasha goyänanpaj.

Isaías 43:3

Nogami cä gamcunapa Tayta Diosniqui, salbashojniqui. Gam Israelcunapa Santo Diosniquimi caycä. Gamcunata jorgamunäpäga ruquiqui churashcä Egiptutami, Etiopiatami, Sabätami.

Isaías 44:8

Ichanga balurchay, ama manchacuychu. Nogami chayno nirä. Chaycunataga unaynami willacachirä. Gamcunami testïgöpis carcaycanqui. Nogapita mas juc diosga manami canchu. Manami mas juc canchu chapäshunayquipäga. Juctaga manami rejsëchu.»

Isaías 45:24

Chaura chay runacunana nenga: ‹Tayta Diosman yäracuptillanchïmi alli llojshipämanchi, munayniyojpis canchi› nir. Llapanmi chiquimajcunaga fiyupa pengaycho ricaconga.

Isaías 49:23

Raycunami wamrachacushunquipaj. Raypa jipash wamrancunanami uywashunquipaj. Paycunaga rispitashushpayquimi gongurpaconga. Chaquiquiman ñuchu allpa lagacajtapis lajwangami. Chaymi musyanquipaj noga Tayta Dios cashäta. Musyanquipaj nogaman yäracamoj cäga mana pengaycho ricacushanta.»

Isaías 54:3

Gamcunaga achcayar wac-läman cay-lämanpis aypallamanmi mashtacanquipaj. Gampita mirajcunaga achca nasyuncunatami guechur charicarcärengapaj. Canan chunyaj caycaj siudäcunachöpis paycunaga juntami tiyangapaj.

Isaías 55:5

Gamga mana rejsishayqui runacunatami gayanquipaj. Mana rejsishayqui marca runacunanami gam cajman cörriypa shamongapaj. Chaynöga cangapaj Israelcunapa Santo Tayta Diosnin gamta fiyupa rispitädu cayman churasha-cashuptiquimi.»

Isaías 60:3

Llapan nasyun runacunami shamongapaj gamcho achqui caycajman. Raycunapis shamongapaj gamcho pacha warajno achicyaptinmi.

Isaías 61:9

Gamcunapita mirar aywajcunaga may nasyunchöpis fiyupa rejsishami canga. Pï-may ricajpis paycunapäga nenga ‹Tayta Dios yanapashan runacunami› nir.»

Jeremías 16:19

Tayta Dios gammi callpata gomanqui. Mana allicuna chayamänantapis gammi chapämanqui. Allpapa jucaj cuchunpita jucaj cuchuncamapis gammanmi llapan nasyun runacuna shamonga. Paycuna nishunquipaj: «Unay awilöcunaga cachapaycamasha imapäpis mana bälej munayniynaj dioscunallatami.

Ezequiel 23:42

Chaypitana wiyacaran aypalla runacuna fistacho gaparpashan. Chayga chunyajpita shamoj runacunami caran. Paycunaga camaränanpaj warmicunata adurnaran. Ricrancunaman brasalëtacunata jatiparan. Umanmanpis corönata jatiparan.

Ezequiel 31:3

Mä yarpäshun Asiria nasyunta. Chay nasyonga caran Libanucho caycaj sedrunömi. Fiyupa rämayoj car llapan muntita llantuparan. Fiyupa jatun cayllawanmi puntanga pucutaycamaraj chayaran.

Joel 3:8

Judá runacunamanmi ranticushaj ollgu warmi wamrayquicunata. Paycunanami ranticonga Sabá runacunaman. Chay runacunaga musyashayquinöpis fiyupa caruchömi tiyarcaycan. Noga Tayta Diosmi nishcä chayno cananpaj.» Sercacho caycaj nasyuncunapaj Joel niran:

Números 13:32

Chayno nirmi Israel-masincunata manchachir cayno niran: «Ricapacamushä partiga mana allimi. Wañuyllami tumaycan. Chaycho tiyaj runacunapis jatusajllami.

1 Corintios 14:25

Chayno imano cashantapis tantiyacurmi gongurpaycur llapan shongunwan Tayta Diosta aduranga. Ermänucunata Tayta Dios yanapashantapis tantiyaconga.

1 Tesalonicenses 1:9

Chaynöllami may-chaychöpis musyaycan alli chasquicamashayquita y ïdulucunata aduranayquipa ruquin Tayta Diosninchïtana aduraycashayquita.

Apocalipsis 3:9

«Marcayquicho Israel-tucojcuna ‹Dios acrashanmi cä› niycarpis manami Dios munashannöchu cawaycan. Man'chäga Satanás munashantami rurarcaycan. Paycunataga ñaupayquiman gongurpacamunanpämi cachamushaj y noga gamcunata cuyashäta musyachishaj.