Isaías 44:8 - Tayta Diosninchi Isquirbichishan

⁸ Ichanga balurchay, ama manchacuychu. Nogami chayno nirä. Chaycunataga unaynami willacachirä. Gamcunami testïgöpis carcaycanqui. Nogapita mas juc diosga manami canchu. Manami mas juc canchu chapäshunayquipäga. Juctaga manami rejsëchu.»

Isaías 44:8 ပူးပေါင်းရင်းမြစ်များ

Génesis 46:3

Chaura Dios niran: «Nogaga papäniquipa Diosninmi caycä. Egiptuman aywaytaga ama manchacuychu. Chaychömi yanapäshaj wamrayquicuna juc nasyunpaj aypajpaj mirananpaj.

Génesis 48:19

Papänenga pay nishanno rurayta mana munashpan niran: «Nogapis musyaycämi maygan mayur cashantaga. Mayur cajpis mirashpanga cangapaj jatun nasyunmi. Shullcan cajmi cangapaj mas munayniyoj nasyunpaj. Paypita mirajcunaga achca nasyunpämi mirangapaj.»

2 Samuel 22:32

Tayta Diospita mas jucga manami canchu. Paynöga manami pipis washämashwanchu.

Esdras 1:2

«Noga Ciro Persiapa rayninmi në: Syëlucho caycaj Tayta Diosmi llapan nasyuncunata munaynëcho cananpaj churamusha. Chayno mandanäpaj churamarmi nimasha Judá particho caycaj Jerusalencho juc Templuta aruchipänäpaj.

Esdras 8:22

Fiyu runacunapita chapämänanpaj muntädu suldärucuna yan'gämänanpaj rayta ruwacuytaga fiyupami pengacurä. Raytaga maynami nirä «Dios chapämangami payta adurajcunataga. Diosta mana wiyacojcunatami ichanga fiyupa rabyawan castigan» nir.

Salmos 18:31

Tayta Diospita mas jucga manami pipis canchu. Paynöga manami pipis washämashwanchu.

Salmos 18:32

Tayta Diosmi jinyuyächiman. Ima rurashäcunachöpis alli llojshichiman.

Salmos 86:10

¡Gam japallayquimi Diosga canqui! Gamllami canqui munayniyoj, milagrucunata rurajpis.

Isaías 17:10

Chaynöga canga ima-aycapitapis salbashoj Tayta Diosta gongaycushayquipitami. Manami yarpashcanquichu Tayta Dioslla imapitapis chapäshoj cashanta. Gamga micuyniquicunatapis muruycanqui juc-lä nasyun runacunapa diosninta rispitashpayquimi.

Isaías 26:4

Imaypis Tayta Diosllaman yäracuy-llapa. Payga mana ushacaj gaganömi.

Isaías 30:29

Gamcunapämi ichanga cangapaj cushicur cantay. Fiyupa rispitädu fistata rurar cushicushayquino canga. Gamcunaga fiyupa cushishami carcaycanquipaj, pinculluta wiyapallapa Tayta Dios acrashan lömaman aywar. Chaychöga Tayta Diosmi Israelcunata ima-aycapitapis chapanga.

Isaías 41:23

Mä willamächun chaypitaga imana cananpaj cashantapis. Chauraga rasunpa dioscuna cashanta musyashämi. Imallatapis mä rurachun allita mana allitapis chay rurashancunata ricar almiranäpaj.

Isaías 42:9

Masqui yarpachacuy. Ñaupata willacachishäcunaga llapanmi cumlishana. Cananga yapaymi juc willacuycunatana willacachishaj. Gamcunataga musyaycächë manaraj imapis captinmi.»

Isaías 43:10

Tayta Diosga caynömi nin: «Nogata sirbimaj runacuna gamcunami testïgö canqui. Gamcunataga acrashcä rejsimänayquipämi, nogaman yäracamunayquipämi, pï cashätapis tantiyacur musyanayquipämi. Imaypitapis nogallami Diosga cä. Nogapita mas juc diosga manami cangapischu.

Isaías 43:11

Nogallami Tayta Diosga cä. Nogallami salbacöga cä.

Isaías 43:12

Nogaga salbanäpaj cashantami willacachirä. Nircorga willacachishänöllami salbashcä. Manami juc runacuna ‹diosnë› nishanchu salbashurayqui. Noga salbashätaga gamcuna musyarcaycanquimi.

Isaías 43:9

Llapan nasyun runacuna shuntacay. Llapan marca runacuna shuntacay. Chaycho caycajcuna ¿mayganraj rimir-puntata rimaran acrashä runacunata yanapänäpaj cashanta? Chayno cananpaj rimasha cashpanga mä testïgucunata pushamuchun. Mä chay testïgucuna nichun paycuna willacushanta. Wiyaj cäga llapanpis ‹¡Au, rasunpa nishannömi casha!› nengami.»

Isaías 44:2

Nogami gamcunata ruraj Tayta Diosniqui caycä. Mamayquipa pachancho yurinayquipäpis nogami camacächirä. Nogami gamcunataga yanapaycä. Jesurún, Jacobpita miraj sirbimajnëcuna, acrashä runacuna ama manchacuychu.

Isaías 44:6

Israelcunata salbaj ray munayniyoj Tayta Diosmi cayno nin: «Nogaga gallarinanpita-pacha imaycamapis caycämi. Nogapita mas juc diosga manami canchu.

Isaías 45:19

Noga manami pacayllapaga parlächu. Ni chacaj pachacunachöpis manami parlächu. Jacobpita mirajcunata nogaga manami nishcächu: ‹Imapis mana cashancunacho ashimay› nir. Noga Tayta Diosga rasun cajllatami parlä. Alli cajllatami musyachë.

Isaías 46:9

Unaypita-pacha imano päsashantapis yarpay. Nogallami Diosga cä. Manami mas juc Dios canchu. Nogaman tincöga manami juc dios canchu.

Isaías 48:3

Paymi cayno nin: «Unay imano cashantapis manaraj päsaptinmi willacachirä. Quiquëmi musyachirä. Illajpitami rurarä. Chauraga willacachishänöllami rasunpa llapanpis caran.

Isaías 48:5

Chaymi manaraj imapis päsaptin unaypita-pachana willachirä. Chayno willachirä ‹Ïdulömi chayta rurasha› nimänayquipitami, ‹Tacaypa rurachishämi chaytaga camacächisha› nimänayquipitami.

Jeremías 10:7

Gamga nasyuncunapa rayninmi canqui. Gamtaga llapanmi manchacushunqui. Gamtaga pï-maypis manchacushunayquimi camacan. Cay munducho caj raycunapis, ni yachajcunapis manami gamnöga canchu.

Daniel 2:28

Janaj pachacho caycaj Diosmi ichanga ima cananpaj cashantapis musyachimanchi. Paymi musyachisha-cashunqui shamoj watacunacho ima cananpaj cashantapis. Tayta, cananga willashayqui suyñur ricashayqui imano cashantapis. Chayno willashayqui imapaj cashantapis:

Daniel 2:47

Nircur Danielta niran: «Gamcunapa Diosniquimi ichanga llapan dioscunapitapis mas munayniyoj. Paymi raycunapa mandajnin, mana pipis musyashancunata musyachicoj. Chaymi gamtapis musyachishurayqui pipis mana musyashan suyñöta.»

Daniel 4:25

Tayta ray, gamga runacunapita gargushami canquipaj. Animalcunawan iwalna tiyanquipaj. Wäcacunanömi guewata micunquipaj. Shullaypis ushmashunquipaj. Gamga chaynölla tiyanquipaj ganchis watacama. Janaj pachacho caycaj Tayta Dios llapan runacunapaj munayniyoj cashanta, pay pitapis munashan cajta mandaj cananpaj churashanta reconösinayquicamami chaynölla canquipaj.

Daniel 6:22

Diosnëmi cachamusha anjilninta. Chay anjilmi liyuncunapa shiminta wichgarcusha mana imatapis ruramänanpaj. Diosmi musyan nogaga ima mana allitapis mana rurashäta. Gampa contrayquipis manami imatapis rurashcächu.»

Joel 2:27

Israelcuna, gamcunami musyanquipaj Noga Tayta Diosga gamcunawan caycashäta, Noga japallä gamcunapa Tayta Diosniqui cashätapis. Acrashä runacunaga mananami yapayga pengaycho cangapänachu.

Juan 1:1

Imapis manaraj captillanna Camacächej Palabraga mayna caycaran. Chay Palabraga Dioswan caycaran. Quiquinmi Dios caran.

Juan 10:30

Chaymi nogaga në Papänëwan noga jucnaylla cashäta.»

Juan 6:10

Jesusna niran: «Llapan runacunata jamachiy.» Chaura runacunaga tajta pampaman jamacuran. Yupaptenga ollgu cajlla caran pichga warangano (5,000).

Hechos 1:8

Gamcunaman Espíritu Santu chayamuptinmi ichanga munayninta chasquinquipaj. Chayrämi nogapita willacunquipaj Jerusalencho, Judea probinsyacho, Samaria probinsyacho, may-chay nasyunchöpis.»

Hechos 14:15

«Taytacuna, ama chayta ruraychu. Nogacunapis gamcunano runallami cä. Nogacunaga shamushcä cay manacaj custumricunata ruraycashayquita cachaycur Tayta Diosmanna yäracunayquipaj willapajmi. Paymi llapantapis camaran: syëlutapis, cay pachatapis, lamartapis, ima-aycatapis.

Deuteronomio 32:31

«Contranchïcunata chapäga manami noganchïta chapämajninchïnöchu. Chaytaga quiquincunapis musyanmi.

Deuteronomio 32:39

¡Nogallami llapanpaj munayniyoj Dios caycä! Nogapita mas jucga manami canchu. Nogami munayniyoj caycä pitapis cawayta gonäpaj, wañuchinäpäpis. Nogami pitapis gueshyachë, allchacächëpis. Ñawëpitaga manami pipis gueshpinchu.

Deuteronomio 32:4

Paymi imapitapis chapämajninchi. Pay rurashancunaga fiyupa allimi. Imatapis allillatami ruran. Payga manami imaypis llullacunchu. Payga llapantapis allimi rican. ¡Alli cajtami ruran; rasun cajllatami riman!

Deuteronomio 4:35

Chayno jorgushushayquita ricarmi musyanqui Tayta Dios japallan rasunpa Dios cashanta. Paypita mas juc diosga manami canchu.

Deuteronomio 4:39

«Chaymi cananga yarpänayquipaj umayquiman churacuy. Janaj pachacho, cay pachachöpis payllami Tayta Diosga. Mas juc diosga manami canchu.

Hebreos 12:1

Chayno achca runacunami Tayta Diosninchïman yäracusha. Chaymi paycuna ricaycämashaga cörrinanpaj guepinta cachaycojno noganchïpis llapan juchata rurashanchïta cachaycushun. Nircorga Tayta Diosman yäracur pay munashannölla cawashun.

1 Juan 1:2

Paytaga cawachicoj captin Tayta Diosmi cachamur rejsichisha. Nogacunaga payta ricashcämi. Chaymi gamcunata willapä mana ushacaj cawayta tarinayquipaj.

1 Samuel 2:2

¡Tayta Dios gamllami juchaynäga canqui! ¡Manami pipis yanapäcunchu gamnöga, Tayta! ¡Manami gampita jucga canchu!