Isaías 43:26 - Tayta Diosninchi Isquirbichishan

²⁶ ¿Imallaga canchuraj gamcuna allita rurashayqui? Mä tapunacushun. Mä juchaynajchush caycanqui.

Isaías 43:26 ပူးပေါင်းရင်းမြစ်များ

Génesis 32:12

Gamga nimarayqui noga alli goyänäpämi, nogapita mirajcuna lamar cantuncho agushno mirananpämi, aypalla captin mana pipis yupayta atipananyaj cananpämi» nir.

Job 16:21

Juc runa runa-masinpaj parlashanno pillapis Tayta Diospa ñaupancho nogapaj faburnë parlarcuchun.

Salmos 141:2

Mañacamushäga gam cajman chayamuchun insinsuno. Maquëta jogariraycämushäna cachun tardipa apamushä ofrendano.

Salmos 74:22

¡Apuray Tayta Dios! ¡Munayniyoj cashayquita musyachiy! ¡Musyashayquinöpis mana tantiyajcunaga mana chawaypami contrayqui rimarcaycan!

Isaías 1:18

Tayta Diosmi nin: «Shamuy-llapa. Cananmi sumaj parlar alli tantiyashun. Puca fiyupa tiñicashano gamcuna juchayoj captiquipis, Nogami limyuyächishayqui rashtanöna yuraj canayquipaj. Muräduman tiñisha tëlano captiquicunapis, Nogami limyuyächishayqui merïnu millwano yuraj canayquipaj.

Isaías 41:1

Tayta Diosmi cayno nin: «Lamar cantuncho caycaj nasyun runacuna upällalla wiyamay. Intëru nasyuncho caycaj runacunapis sumaj balurchay. Parlananchïpaj shamuy-llapa. Tapunacunanchïpaj shuntacämuy.

Isaías 43:9

Llapan nasyun runacuna shuntacay. Llapan marca runacuna shuntacay. Chaycho caycajcuna ¿mayganraj rimir-puntata rimaran acrashä runacunata yanapänäpaj cashanta? Chayno cananpaj rimasha cashpanga mä testïgucunata pushamuchun. Mä chay testïgucuna nichun paycuna willacushanta. Wiyaj cäga llapanpis ‹¡Au, rasunpa nishannömi casha!› nengami.»

Isaías 50:8

¿Piraj nogawan churacanman? ¡Pipis nogawan churacayta munaptenga juezman iwal aywashaj! ¿Pillaga caycanchuraj dimandamaj? ¡Cashpanga shamur mä nimächun ari! Ñaupächömi caycan juchaynaj cashäta nimänanpaj.

Ezequiel 36:37

«Noga Tayta Dios në: Mas juctapis rurashärämi. Imata ruranäpäpis Israelcuna mañacamashanta camacächishämi. Chay particho tiyaj runacunataga uyshano mirananpämi camacächishaj.

Lucas 10:29

Chayno niptinpis layta yachaj runaga allicho llojshiyta munar tapuran: «¿Pitaj chay cuyanäpaj caycaj runa-masëga?»

Lucas 16:15

Chaymi Jesús niran: «Gamcunaga runacunapa ñaupancho alli-tucurcaycanquimi. Ichanga Tayta Dios musyaycanmi gamcuna imano cashayquitapis. Runacuna fiyupa rispitashuptiquipis Tayta Diospäga mana allimi carcaycanqui.

Romanos 10:3

Paycunaga manami tantiyanchu Tayta Diosninchi alli ricananpaj camacächishanta. Paycunaga yarpan quiquincuna layta cumlishanwan alli ricasha caytami. Chaynöpami mana cäsushachu Tayta Dios alli ricananpaj cashantapis.

Romanos 11:35

¿Piraj payta imallatapis gosha cutichinanpaj?

Romanos 8:33

Tayta Dios acrashanna caycajcunataga ¿piraj «juchata rurashami» nenga? Tayta Diosninchëga llapan jucha rurashanchïpitami perdunamashcanchi.