Isaías 43:25 - Tayta Diosninchi Isquirbichishan

²⁵ «Chaypis nogaga Diosniqui cashpämi conträ rurashayquicunata gongaycöna. Jucha rurashayquicunatapis manami yarpäshänachu.

Isaías 43:25 ပူးပေါင်းရင်းမြစ်များ

2 Crónicas 6:21

Caycho mañacuptë nogatapis acrashayqui Israelcunatapis wiyaycullay. Mañacushuptiqui janaj syëlucho caycashayquipita wiyaycamuy. Cuyapar nogacunata perdunaycamanqui ari.

Salmos 103:12

Inti yagamunanpita inti yagananga fiyupa caruchömi caycan. Chaynömi noganchïpitapis juchanchïcunataga caruman jitarisha.

Salmos 103:3

Paymi perdunaman llapan mana allita rurashäcunapita. Allchacächiman ima gueshyäcunapitapis.

Salmos 25:11

Tayta Dios nogapa juchäga aypallami. Gam alli cashayquita parlananpaj perdunaycamay ari.

Salmos 25:7

Jucha rurashäcunata ichanga ama yarpaycuychu. Mösu car mana allita rurashäta gongaycuyna. Tayta Dios, fiyupa cuyapäcoj alli car yarpaycamay ari.

Salmos 51:3

Musyämi contrayqui jatarishäta. Juchäcunatapis yarpaycämi.

Salmos 51:4

Gamta mana wiyacushpämi contrallayqui jatarishcä. Ricaycämaptiquimi llutanta rurashcä. «Juchasapa» nimar rasun cajtami niycämanqui. Manami «Juchaynaj cä» nëmanchu.

Salmos 51:9

Juchata rurashäcunataga gongaycuyna. Mana allita rurashäcunata ama yarpaynachu.

Isaías 1:18

Tayta Diosmi nin: «Shamuy-llapa. Cananmi sumaj parlar alli tantiyashun. Puca fiyupa tiñicashano gamcuna juchayoj captiquipis, Nogami limyuyächishayqui rashtanöna yuraj canayquipaj. Muräduman tiñisha tëlano captiquicunapis, Nogami limyuyächishayqui merïnu millwano yuraj canayquipaj.

Isaías 37:35

Nogami cay siudäta chapäshaj. Imapitapis salbashaj sirbimajnë Davidta aunishäta yarpar, quiquëpis rispitacachicushpä› nir.»

Isaías 38:17

Rasunpaga quiquëpitami ñacaycunachöpis goyashcä. Gamga wañur illganäpitami salbamashcanqui. Gamga llapan juchäpitapis perdunamashcanquimi.

Isaías 43:11

Nogallami Tayta Diosga cä. Nogallami salbacöga cä.

Isaías 44:22

Conträ rurashayquicunata, jucha rurashayquicunata nogami ushacächishcä pucutayta illgächejnöpis. Yapay nogamanna cutimuy ari. Nogami gamcunataga salbashcä.»

Isaías 48:11

Nogaga rispitamänayquipämi chayno rurashcä. ¿Imanöpataj munäman manacajman churamänayquitaga? Nogata rispitamänayquipa ruquin jucta rispitanayquitaga manami camacächishächu.

Isaías 55:7

Fiyu runacunaga mana allicunata ama rurachunnachu, mana allita rurananpäga ama yarpächunnachu. Tayta Diosman yapay cutichun. Chaura paypis cuyapangami. Payga amatar alli cashpanmi perdunacun.

Isaías 64:8

Imano casha captëpis Tayta Dios gammi canqui nogacunapa papänëga. Nogacunaga cä mitullapitami. Gamnami canqui manca ruraj. ¡Llapanëpis cä gam ruramashallayquimi!

Isaías 64:9

Tayta Dios, ama fiyupaga rabyacurcuychu ari. Juchäcunatapis ama para-simriga yarparaychu ari. ¡Nogacunaga acrashayqui runacunami cä!

Jeremías 31:34

Noga pï cashätapis musyananpaj mananami jucnin-jucninpis yachachinacongapänachu. Noga pï cashätapis mas jatunpita tacshacama llapannami musyanga. Llapan juchancunatami perdunashaj. Chayno perdunaycorga mananami yarpäshänachu ima jucha rurashancunatapis. Noga Tayta Diosmi chayno në.»

Jeremías 50:20

Chay wichan Israelcunawan Judá runacunaga carcaycangapaj juchancunapita, mana allita rurashanpitapis perdunashanami. Cawaycajcunataga perdunashämi. Noga Tayta Diosmi chayno në.

Ezequiel 18:22

Chaura mana alli rurashancunataga manami yarparäshänachu. Alli cajta rurashanpitami payga cawanga.

Ezequiel 20:14

Ichanga juc-lä nasyun runacuna manacajman mana churamänanpämi, Egiptupita jorgamushäta ricajcuna jamurpämänanta mana munarmi pasinsacurä.

Ezequiel 20:22

Ichanga juc-lä nasyun runacuna manacajman mana churamänanpämi, Egiptupita jorgamushäta ricajcuna jamurpämänanta mana munarmi pasinsacurä.

Ezequiel 20:9

Ichanga juc-lä nasyun runacuna manacajman mana churamänanpämi, ñaupancho caycaj nasyun runacuna nogata mana jamurpämänanpämi mana castigarächu. Chay nasyuncunapa ricay-ñawinchömi aunirä Israelcunata Egiptupita jorgunäpäpis.

Ezequiel 33:16

Cananpita rasun cajta, alli cajllata rurashanpita chay runaga cawangami. Ñaupata juchata rurashancunataga manami yarpäshänachu.›

Ezequiel 36:22

«Chaypita, Israel runacunata gam niy: ‹Tayta Diosga caynömi nin: Israelcuna, gamcunaga may nasyunmanpis chayashayquicho rispitädu jutëtami manacajman churarayqui. Chaypis jutë-raycumi chay nasyuncunapita jorgushayqui; manami gamcuna-raycuchu.

Ezequiel 36:32

Noga Tayta Diosmi në: Ruranäpaj caycajtaga manami gamcuna-raycuchu rurashaj. Israel runacuna, gamcuna ichanga juchayquipita pengacunquiman.

Marcos 2:7

«Cay runaga ¿imanirtaj chayno riman? Chayno rimashpanga Dios-tucuycanmi. Diosllami juchataga perdunan.»

Lucas 5:21

Chayno niptin Moisés isquirbishanta yachachejcunawan fariseucunaga yarpachacur niran: «¿Pitaj chay runa Tayta Dios-tucur chayno rimananpäga? Diosllami juchataga perdunan.»

Hechos 3:19

Cananga juchayquicunapita arpinticuy. Tayta Diosmanna yäracuy. Chayrämi llapan juchayquita Tayta Dios perdunashunquipaj, alli cawaytana tarichishunquipaj.

Romanos 5:20

Moisés isquirbishan layga masrämi musyachimashcanchi llapanchïpis fiyupa juchasapa cashanchïta. Chayno caycashapis Tayta Diosmi ichanga cuyapäcoj car mana yamacaypa perdunamashcanchi.

Efesios 1:6

Chaynöga rurasha cuyapämashanchïpita imaypis Tayta Diosninchïta alabananchïpämi. Cuyay wamran-raycumi Tayta Diosga chasquimashcanchi.

Efesios 1:8

Chaynöpis cuyapämashpanchïmi alli yarpayta gomashcanchi sumaj tantiyacunanchïpaj.

Hebreos 10:17

Chayno mastapis nin: «Chayno perdunaycorga mananami yarpäshänachu ima jucha rurashancunatapis.»

Hebreos 8:12

Llapan juchancunatami perdunashaj. Chayno perdunaycorga mananami yarpäshänachu ima jucha rurashancunatapis.»