Isaías 43:20 - Tayta Diosninchi Isquirbichishan

²⁰ Chauraga jirca-allgucunapis, avestruz äbicunapis agradësicamangami. Nogaga chaqui jircachömi yacuta pashtachimö. Chaqui jircachömi mayuta yurichimö. Chayno yurichimö acrashä runacuna upunanpämi.

Isaías 43:20 ပူးပေါင်းရင်းမြစ်များ

1 Crónicas 16:13

sirbejnin Israelpita mirar aywajcuna, acrashan Jacobpa wamrancuna.

Salmos 104:21

Liyuncunapis yargashpan gaparpan. Tayta Diosta mañacun micuyta tarichinanpaj.

Salmos 148:10

Tayta Diosta alabay-llapa manshu animalcuna, chucaru animalcuna, äbicuna, culebracuna.

Salmos 33:12

Tayta Diosta rispitaj nasyun runacunaga cushishami cawanga. Paycunataga Tayta Diosmi payllata sirbinanpaj acrasha.

Isaías 13:22

Palasyucunachöpis atojcunallami aullar tiyanga. Alli palasyucunachöpis jirca animalcunallami tiyanga. Babilonia nasyunpaga öran chayaycämunnami. Manami aycäpis pishinnachu.»

Isaías 30:25

Wañuchinacuy cashan wichan, pacacuna siudäcunapa perganta juchuchishan wichanga intëru puntacunapita, altunnin puytush lömacunapitapis yacu shamongapaj chayasha mayu-jinarämi.

Isaías 32:2

Raypis mandäshejcunapis cada-ünun cangapaj wayra chayananta chapajno, löcu wayrapita pacacunano, chaqui jircacunata pargunapaj sicyano, chaqui jircacho jatuncaray gagapa llantuyninno.

Isaías 33:21

Chaychömi noganchïtaga Tayta Dios musyachimäshun munayniyoj cashanta. Chaypaga päsangapaj achca mayucunami, jatuncaray sicyacunami. Chaymanga chiquinacushanchïcuna manami yaycongapächu tacsha büquicunawan ni jatuncaray büquicunawanpis.

Isaías 35:7

Chunyaj chaqui jircapis yacu pashtacaramuptin gochami ricaconga. Chaqui jircachönami pucyucuna pashtacaramonga. Canan jirca allgucuna tiyaycashanchönami wiñamongapaj shogushcunawan guewacuna.

Isaías 41:17

«Imanpis mana caj pobricunaga yacuta ashirpis manami tarinchu. Yacunayllawan gallunpis chaquisha caycan. Noga Tayta Diosmi ichanga yanapäshaj. Israelcunapa Tayta Diosnenga manami cachaycushächu.

Isaías 41:18

Yacu mana cashan jircacunachömi mayucunatapis yurichishaj. Guechwa ragran quinranchöpis pucyucunatami pashtachimushaj. Chunyaj chaqui jircacunatapis ishtanquimanmi ticrarachishaj. Yacu mana cashan jircacunapami mayu-mallwacunata aywachishaj.

Isaías 43:19

Cananga mushojtanami ruraj-aywä. Chayga yurimojnami-aywan. ¿Manachu cuentata gocunqui? Chunyaj chaqui jircapami juc nänita rurashaj. Imapis mana wayushan chaqui jircachömi mayuta yurichishaj.

Isaías 48:21

Chunyaj chaqui jircacunapa pushaptinpis manami yacunaranchu. Gagatapis paymi shillirachiran. Nircorga chaypitana aypalla yacuta llojshichimuran» nir.

Isaías 49:10

Chauraga yargaypis ni yacunaypis manami canganachu. Intipis, ni acaypis manami ñacachengapächu. Chaynöga canga paycunata noga cuyaptëmi, pusharaptëmi. Chuya yacu pashtajcunamanmi pushashaj.

Isaías 65:15

Sirbimajcunataga mushoj jutitami churapäshaj. Gamcunapa jutiquitami ichanga rimangapaj pitapis maldisyunashpan.

Jeremías 31:9

Arpinticusha carmi wagaraycar cutimonga. Noganami shogashpä chuya yacu aywaycajman pushashaj. Pampa nänillanpami pushamushaj imamanpis mana tacacänanpaj. Nogami cä Israelpa taytan. Israelga guechpa wamrämi.»

Joel 3:18

Chay wichanga intëru jircacunacho, intëru lömacunachöpis bïnuwan lëchi canga yacu-jina aypallami. Judächo caj ragracunapapis aypalla yacumi aywanga. Templöpitanami yacu pashtaycangapaj. Chaynami parguycangapaj Sitim guechwa pampata.

Marcos 13:20

Tayta Diosga acrashan runacunata cuyaparmi ñacay junajcunata wallcayächenga. Man'chäga manami pipis salbacunmanchu.

Juan 4:10

Chaura Jesús niran: «Gamchush musyanquiman Tayta Dios allita tarichishunayquipaj cajta y pï yacuta mañacuycäshushayquitapis; chauraga gampis yacuta mañacamanquimanmi. Mañacamaptiquega imaycamapis cawachicoj yacutami tarichëman.»

Juan 4:14

Noga tarichishä yacuta upoj cäga mananami imaypis yacunanganachu. Noga tarichishä yacuga quiquin runachömi pucyuno canga. Chaymi chay yacuga canga imaycamapis cawachicoj yacu.»

1 Pedro 2:9

Gamcunami ichanga canqui Tayta Dios acracushan, sirbej cürancuna, payllapaj raquicushan nasyun runacuna, quiquin Tayta Diospa marcan runacuna. Paymi jucha ruraypitaga chacaypita-japuy achicyajmanno jorgamashcanchi. Chaymi Tayta Diosninchi almiraypajcunata rurashanta willacunayquipaj carcaycanqui.

Apocalipsis 17:14

Nircur waräcuywan chay mandajcuna Cashni uyshapa contran jatarenga. Chaypis raycunapa Raynin carmi Cashni uysha binsenga. Payga binsenga Tayta Dios acrashan runacunawanmi. Chay runacunaga caycan Tayta Dios gayashanmi, payta wiyacojcunami.»

Apocalipsis 21:6

Chaypita yapay nimuran: «Llapanpis cumlishanami. Nogaga gallaycunanpita ushanancamami caycä. Yacunajcunataga dibaldillami cawachicoj yacuta upuchishaj.

Apocalipsis 22:17

Espíritu Santupis Jesucristuta chasquicojcunapis «¡Juclla cutimuyna tayta!» niycan. Cay librucho isquirbiraycajcunata liguimushanta wiyajcunapis «Cutimuyna tayta» nichun. Yacunajcunaga shamuchun. Munajcunaga dibaldilla upuchun imaycamapis cawachicoj yacuta.