Isaías 43:14 - Tayta Diosninchi Isquirbichishan

¹⁴ Israelcunata salbaj Santo Tayta Diosmi nin: «Gamcunata salbanäpäga runacunatami Babiloniaman cachashaj. Paycunami llapan runacunata binsir gaticachanga. Caldea runacunatapis alli-tucur büquincunacho caycajta gaticachanga.

Isaías 43:14 ပူးပေါင်းရင်းမြစ်များ

Job 19:25

Noga musyämi washämajnë cawashanta. Paymi cay pachachöga faburnë jatarenga.

Salmos 19:14

Tayta Dios gammi chapämanqui, imapitapis salbamanqui. Cay parlashätaga yarpashäcunataga chasquiycamay ari.

Isaías 23:13

¡Masqui ricay Caldeacuna tiyashanta! Chay nasyonga unay manami caranchu. Asiria runacunami yanaparan chunyaj chaqui jircacho goyajcuna tiyananpaj. Cananga Caldeacunami escaluncunata rurasha Tirocho caj palasyucunata juchuchinanpaj. Paycunaga pasaypa usharcur ragällantami cachaycusha.

Isaías 41:14

Jacobpita mirar aywaj Israelcuna, curunölla cashpayquipis ama manchacuychu. Nogami yanapäshayqui. Nogami gamcunapa Santo Tayta Diosniqui caycä. Nogami imapitapis jorgoj caycä.

Isaías 43:1

Cananmi ichanga Jacobpita mirar aywaj Israelcuna, camashoj Tayta Diosniqui cayno nishunqui: «Ama manchacuychu. Nogami gamtaga salbashcä. Jutiquipami gayashcä. Nogapanami canqui.

Isaías 44:24

Tayta Diosmi gamcunataga manaräpis yuriptiqui rurashurayqui. Paymi imapitapis ricashunqui. Paymi nin: «Nogami ima-aycatapis camaj Tayta Dios caycä. Syëlutapis allpatapis nogami mashtar sumaj camacächishcä. Pipis manami yanapämashachu.

Isaías 44:6

Israelcunata salbaj ray munayniyoj Tayta Diosmi cayno nin: «Nogaga gallarinanpita-pacha imaycamapis caycämi. Nogapita mas juc diosga manami canchu.

Isaías 47:4

Israelcunapa munayniyoj Santo Tayta Diosnin ima-aycapitapis salbacojmi cayno nin:

Isaías 48:17

Gam Israelcunapa Santo Tayta Diosniquimi, salbashojniquimi cayno nin: «Nogami cä Tayta Diosniqui. Nogami yachachë gamcunapaj alli cajta. Nogami pushaycä munashä nänipa aywanayquipaj.

Jeremías 51:13

Babilonia nasyun runacuna, gamcunaga carcaycashcanqui jatun mayucunapa lädunchömi. Llapanniquipis gampaga fiyupa aypallami casha. ¡Cananga chayamushanami ushacänayquipaj öra! ¡Manami canquipänachu!

Jeremías 51:24

«Chaypis Judá runacuna, gamcuna ricaycaptiquimi Babilonia runacunataga ayñita cutichishaj imanöpis Sionta rurashanno. Noga Tayta Diosmi chayno në.

Ezequiel 39:7

Nogami camacächishaj acrashä Israelcunachöga Santo jutë rejsisha cananpaj. Mananami mastaga camacächishänachu Santo jutë manacajman churasha cananpäga. Juc-lä nasyuncho tiyajcunapis musyangami nogalla Israelcunapa Santo Tayta Diosnin cashäta.

Miqueas 4:10

Sión siudächo tiyajcuna, nanaywan guempuycachay. Nanaycho caycaj warminöpis gaparay ari. Gamcunaga cay siudäpita aywacunquipämi. Chunyaj jircacunachömi tiyanquipaj. Babilonia nasyunmanmi prësu apashunquipaj. Chaypitanami Tayta Diosga salbashunquipaj contrayquipa munayninpita.

Apocalipsis 5:9

Paycunami mushoj alabansata cantar Cashni uyshata alabaran cayno nir: «Gammi runacuna-raycu wañushcanqui. Chaymi gamlla rölluta chasquircur pachganayquipaj caycanqui. Wañur yawarniquita jichaptiquimi yäracoj cajtaga Tayta Dios salbasha may trïbu runacunatapis, ima rimayta rimaj runacunatapis, may marca runacunatapis, may nasyun runacunatapis.