Isaías 42:24 - Tayta Diosninchi Isquirbichishan

²⁴ ¿Pitaj camacächisha Jacobpita miraj Israelcuna tiyashanta juccuna charicarcärinanpaj, quiquincunatapis prësu apananpaj? ¿Manachu chaytaga Tayta Dios camacächisha? Paycunaga juchatami ruraran. Tayta Dios nishancunataga manami rurayta munaranchu. Yachachishantapis manami wiyacuranchu.

Isaías 42:24 ပူးပေါင်းရင်းမြစ်များ

2 Crónicas 36:17

Chaynöpami Tayta Diosga camacächiran Caldea nasyunpa raynin aywaycur Judá runacunata wañuchinanpaj. Chay runacunaga cuchuypa llapanta wañuchiran jinan Templucho. Manami cuyaparanchu mösucunata, jipashcunata, auquincunata, gueshyajcunatapis. Llapantami Tayta Diosga cachaycuran Caldea runacuna wañuchinanpaj.

Salmos 81:12

Chaypitami cachaycushcä munashayquino cawacunayquipaj. Chaymi munashayquinöna goyäcushcanqui.

Salmos 81:13

Acrashä runacuna wiyacamar willapashäcunata cumliptenga

Isaías 30:15

Israelcunapa Santo Tayta Diosnenga nin: «Nogaman cutimushpayqui jamaycäriyna ari. Nogaman yäracamorga salbashanami canquipaj. Chayno nishuptiquipis gamcunaga manami munashcanquichu.

Isaías 42:23

Chayno caycaptinpis gamcunaga manami tantiyacunquichu. Imano cananpaj cashanta willashuptiquipis manami wiyacunquichu.

Isaías 45:7

Nogami camacächë junaj cananpaj, chacay cananpäpis. Nogami camacächë alli goyay cananpaj, disigrasya chayananpäpis. Llapan chaycunataga noga Tayta Diosmi camacächë.

Isaías 47:6

Acrashä runacunapämi rabyacurcurä. Chaymi cuyashä nasyun runacunataga pengayman churarä. Chaynöpami gam Babiloniapa maquiquiman cachaycurä. Chaura paycunataga manami cuyapashcanquichu. Auquincunatapis fiyupa lasaj yüguta matancapajnömi ñacachishcanqui.

Isaías 48:18

¡Mandamintöcunata wiyacuptiqui allimi canman caran! Chaura jauca goyashayquega mayu mana chaquiypa aywajnömi canman caran. Alli rurashayquipis canman caran lamarpa pullchajyaynin gatinayllanpa aywajnömi.

Isaías 57:17

Israelcuna juchata rurashanpitami juc timpu rabyasha caycarä. Chaynöpami paycunataga castigarcur cachaycurä. Chaura paycunaga quiquincuna munashannöna goyaran.

Isaías 63:10

Chaypis paycunaga Tayta Diospa contranmi ricacuran. Chaymi Santo Tayta Diosta rabyachiran. Chaynöpami Tayta Diosga paycunapaj rabyacurcuran. Nircur contran ricacur castigaran.

Jeremías 44:10

Canancamapis gamcunaga manami arpinticushcanquirächu. Manami manchacunquipischu. Manami cumlishcanquichu willapashäcunata ni gamcunata y unay awiluyquicunata nishä laycunatapis.

Jeremías 5:15

Tayta Diosmi cayno nin: «Israelcuna, gamcunata magashunayquipämi caru runacunata pushamushaj. Chay runacunaga fiyupa callpayoj, unay cajcunami canpis. Gamcunaga rimaynintapis manami yachanquichu. Chaymi imata nishantapis mana tantiyanquipächu.

Lamentaciones 1:14

«Juchäcunaga yügunömi lasaycäman. Quiquin Tayta Diosmi watarcamasha. Callpäpis ushacaycannami. Tayta Diosga cachaycamasha ichipayta mana puydishä runacunapa munayninmanmi.

Lamentaciones 1:18

Jerusalén nin: «Tayta Diosga rasun cajtami rurasha pay nimashanta mana wiyacushäpita. Marcacuna wiyamay-llapa. Ricamay-llapa imano nanächicuycajtapis. Nogapitaga mösucunata jipashcunatapis prësumi apacusha.

Daniel 1:2

Tayta Diosnami camacächiran Joacimta Nabucodonosor prësu charinanpaj, chayno Templucho caj cösacunatapis ushajpaj-japuy apacunanpaj. Nabucodonosorga runacunatapis Babiloniaman prësu apacuran. Babiloniachöna Tayta Diospa Templunpita apashan cösacunatapis churaran diosnincunapa templuncho ima-aycanpis churaraycashan cajman.

Amós 3:6

¿Manaraj pipis wañuptin wañushapänöna marcacho campanata tucanmanchuraj? ¿Tayta Dios mana camacächiptenga ima disigrasyallapis siudäman chayamunmanchuraj?

Mateo 22:7

«Chaura mandäga fiyupa rabyarshi suldäruncunata cachasha. Paycunashi aywaycur wañuchisha. Nircur marcancunatapis rupachir-ushasha.

Deuteronomio 28:49

Tayta Diosmi cachamongapaj juc-lä nasyun runacunata. Ancanöpis illajpitami chayamongapaj. Rimaynintapis manami tantiyanquipächu.

Deuteronomio 32:30

¿Imanöpataj warangantin runacunata jucnaylla gaticachanman? ¿Imanöpataj chunca warangantin runacunata ishcajlla gaticachanman? Chayno captinpis Israelcunata chayno gaticachasha imapitapis chapaj Tayta Dios contrancunapa munayninman cachaycuptinnami.

Jueces 10:7

Chaymi Tayta Diosga fiyupa rabyacurcuran. Cachaycuran Filistea runacunapa, Amón runacunapa munayninmanna.

Jueces 2:14

Chaypitami Tayta Diosga Israelcunapaj fiyupa rabyaran. Chaymi camacächiran suwacuna yaycuycur imancunatapis apacunanpaj. Läduncunacho tiyaj, chiquej runacuna yaycuycur magaptinpis paycunaga mananami ichiparannachu.

Jueces 3:8

Chayno ruraptinmi Tayta Diosga fiyupa rabyashpan Mesopotamia nasyunpa raynin Cusan-risataimpa munayninman cachaycuran. Chaura Israelcunaga pusaj wata sirbiran ray Cusan-risataimta.