Isaías 42:14 - Tayta Diosninchi Isquirbichishan

¹⁴ Tayta Diosmi cayno nin: «Achca watami mana rimacushcächu. Shongullächo yarparashcä, upällalla cacushcä. Cananmi ichanga gueshyacoj warmi nanaywan gaparashanno gayarayparaj willacushaj.

Isaías 42:14 ပူးပေါင်းရင်းမြစ်များ

Job 32:18

Rimanäpäga aypallami caycan. Mananami upällallaga cacömannachu.

Job 32:20

Parlarcuptërämi shongöpis achicyärenga. Gamtaga imanöpapis cutichishayquirämi.

Salmos 50:2

Cuyayllapaj Sión siudäpita-pachami Tayta Diosga achicyaypa achicyaycan intëruman.

Salmos 50:21

Chayno llapanta ruraptiquipis upällami cacushcä. ¿Gamnölla cashätachu yarpashcanqui? Chayno rurashayquipitaga piñacushayquimi. Llapanpitami jusgashayqui.

Isaías 30:18

Chaypis, Tayta Diosga shuyaraycäshunquimi gamcunata cuyapäshunayquipaj. Payga fiyupami munaycan cuyacoj cayninta gamcunata musyachishuyta. Tayta Diosga rasunpa alli cajta ruraj Diosmi. Alli cawaytami tarenga payman yäracojcunaga.

Isaías 57:11

«¿Pita manchacushpayquitaj nogata engañamashcanqui? ¿Pita rispitashpayquitaj nogata gongaycamashcanqui? ¿Unaypita-pacha mana rimacuptëchu gamcunaga mana rispitamanquichu?

Isaías 64:12

Chayno rurasha caycaptinpis ¿manachu imatapis ruranqui Tayta Dios? ¿Chayno rurasha caycaptinpis upällachuraj cacunqui? ¿Chaynöllachu imaypis fiyupa llaquicachimanqui?

Isaías 65:6

Chay runacuna imanöpis rurashanga llapanmi nogapa ñaupächo isquirbiraycan. Chaymi castigänillataga mana cachashächu. Paycunataga castigashaj

Jeremías 15:6

Gamcunami cachaycamashcanqui. Gamcunami chiquicarcamashcanqui. Chayno cashayquipita mana awantarnami castigar illgächishayqui. Noga Tayta Diosmi chayno në.

Jeremías 4:31

Guechpa wawanta warmi gueshyacunanpaj nanaycho car gaparajno gaparpaycajtami wiyä. Sioncho tiyajcunami maquillan chojpasha gaparpaycan ‹¡Cananllapänachari caräpis! ¡Wañuchicojcunami wañuycachimanga!› nir.»

Jeremías 44:22

Ichanga mana alli rurashayquicunata Tayta Diosga manami awantashanachu. Gamcunaga Tayta Diosta fiyupami rabyachishcanqui. Chaypitami cananga nasyunniquicho siudäcunaga juchusha ragällan caycan. Pipis mana tiyaptin manchariypaj y pï-maypis ricacunanpämi caycan.

Lucas 18:7

Chacaypapis junajpapis acrashan runacuna gayacuypa mañacuycaptenga ¿manachuraj Tayta Diospis yanapanga? U ¿yanapänanpaj shuyarächengachuraj?

2 Pedro 3:15

Tantiyacuy Taytanchi Jesucristo imanir manaraj cutimushanta. Payga shuyaraycan runacuna arpinticunantami. Chayno cananpaj cashantaga ermänunchi Pablupis Tayta Diosninchi tantiyachiptin isquirbimushanami.