Isaías 42:12 - Tayta Diosninchi Isquirbichishan

¹² Tayta Diostaga alabay-llapa. Lamar cantun nasyuncho tiyaj runacunapis paytaga alabay-llapa.

Isaías 42:12 ပူးပေါင်းရင်းမြစ်များ

Salmos 22:27

Tucuy casta carpis, may nasyunpita carpis Tayta Diosmanna yäraconga. Cay pachacho tiyajcunaga llapan runacunami Tayta Diosta adurananpaj shamonga.

Salmos 66:2

Tayta Diostaga alabay-llapa. Paytaga munayniyoj cashanpita alabay-llapa.

Salmos 97:1

¡Tayta Diosninchïmi rayga! ¡Cay pachacho caycajcuna cushicuy! ¡May caru lamar chaupin tishgucunacho caycajcunapis cushicuy-llapa!

Isaías 12:4

Chayrämi ninquipaj: «Tayta Diosta agradësicuy. Paypaj willacuy. Imata rurashantapis intëru marcacunaman willacuy. Tantiyachiy Tayta Dioslla llapanpita mas munayniyoj cashanta.

Isaías 42:4

Payga manami jamayta tarengachu cay pachacho alli goyay cananpaj manaraj arriglashancama. Lamar läduncho caj nasyun runacunapis pay yachachishanta wiyananpämi shuyaraycan.»

Isaías 43:21

Chay runacunataga quiquëpämi rurarä. Paycunataga alabamänanpämi rurarä.

1 Samuel 6:5

Chaymi ruranqui chupu-nirajcunata, imatapis ushaj ucush-nirajcunata. Nircorga Israelpa Diosninta alabanquicuna. Chayno ruraycäriptiquega capaschari mananapis castigashunquinachu gamcunata, tiyashayqui chacrata, ni diosniquicunatapis.