Isaías 41:16 - Tayta Diosninchi Isquirbichishan

¹⁶ Paycunaga wayra apacuptin illgashannömi ushacangapaj. Löcu wayra shamur wacpa-caypa machirishannömi illgangapaj. Chaynöpami Tayta Dios yanapäshushayquipita fiyupa cushicunquipaj. Santo Diosniquipäga fiyupa cushishami caycanquipaj.

Isaías 41:16 ပူးပေါင်းရင်းမြစ်များ

Salmos 1:4

Fiyu runacunapäga manami chaynöchu. Paycunaga carcaycan wayra apashan chaqui panganömi.

Isaías 12:6

Sioncho tiyajcuna, cushicuypita gaparpay, cantay. Chayno ruranqui Israelpa Santo Tayta Diosnin gamcunacho fiyupa munayninwan captinmi.»

Isaías 17:13

Tayta Dios ollgöpariptenga chay runacuna carumanmi gueshpir aywaconga, ogshata wayra jircacunapa apacushanno, löcu wayrapis ñuchu allpata apashanno.

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Isaías 28:5

Chay junaj quëdaj acrashan runacunapäga munayniyoj Tayta Diosmi cangapaj fiyupa alli corönan, fiyupa cuyayllapaj adurnun.

Isaías 29:19

Tayta Dios yanapaptinmi umildicunaga cushiconga. Pobricunapis cushishami goyangapaj Israelcuna sirbishan Santo Tayta Dios yanapaptin.

Isaías 29:5

Ichanga mana yarpashapitami Noga munayniyoj Tayta Diosga chiquishojcunata castigashaj. Paycunataga castigashaj räyuwan, timlurwan, löcu wayrawan, löcu tamyawan. Chay aypalla chiquishojcunaga quëdangapaj ñuchu allpamanno ticrashami. Aypalla gaticachäshojcunaga cangapaj chaqui pangata wayra apashanömi.

Isaías 35:10

Tayta Dios salbar jorgamushan cajcunaga cutimongami. Cantashpanmi Sionman yayconga. Chaychöga imaypis cushishallami goyangapaj. Paycunapäga cushicuywan alli goyayllanami cangapaj. Llaquicuypis nanaypis manami canganachu.

Isaías 40:24

Paycunaga carcaycan lanta-mallwata chayraj lantaycushanömi, chayraj allpaman sapichaycajnömi. Paycunaman Dios pücarcamuptenga wañuytar chaquicäcunmi. Ogshata löcu wayra apacushannöllami ushacäcunpis.

Isaías 51:3

Ragällan caycaj Sión siudätaga nogami cuyapäshaj. Chunyaj chaqui jircatami wertamanna ticrarachishaj. Chaura cangapaj Edencho cashan wertanömi. Chaychöga cangapaj cushicuyllana, jauca goyayllana, alabansacunata cantayllana.

Isaías 60:19

«Manami nistanquipänachu junajpa inti achicyapäshunayquita, ni quilla chacaypa achicyapäshunayquitapis. Noga Tayta Diosnami cashaj imaycamapis achquiquino. Noga Tayta Diosniquimi achicyapäshayqui.

Isaías 65:18

Ruranäpaj caycajpäga imaycamapis fiyupa cushicuy-llapa. Mushoj Jerusalentami camashaj chaycho fiyupa cushicuy cananpaj.

Jeremías 15:7

Rïgu päjata jorquëtiwan jitajnömi gamcunataga siudäniquicunapita jorgurcur jitarishayqui. Gamcuna tiyashayquega chunyajmi quëdanga. Mana alli ruraycunata mana cachashayquipitami illgächishayqui.

Jeremías 51:2

Disigrasya chayaptin, chay nasyunmanga wacpita-caypitami pillyaj yayconga. Camacächishaj Babiloniataga contran fiyu runacuna rïguta wayrajnöpis rurarinanpaj. Chaura chay nasyunchöga ni juc runapis manami tiyangapänachu.

Jeremías 51:20

Mastapis Tayta Dios niran: «¡Babilonia, gamga canqui pï-maytapis tacacuna cumbämi, guërracho pillyacuna armämi! Gamwanmi nasyuncunata ushashcä. Raycuna mandashantapis illgächishcä.

Jeremías 51:33

Israelcunapa munayniyoj Tayta Diosninmi nin: «Babiloniaga caycan rïguta ërar cawallu lluchcanan ëranömi. Paycunapäga cosëchan chayaycämunnami.»

Daniel 2:35

Chaura jinan öra tacucäcuran fyërru, mitu, runsi, guellay, gori. Chaymi llapan ticracuriran ñuchu allpamanna. Chauraga usya wichay rïguta wayrasha päjancunata apacojnömi wayrana apacuran. Imanpis manami quëdaranchu. Illgajpaj goycoj rumi ichanga jatuncaray puntamanna ticracurisha. Nircur intëru cay pachata chapacurcusha.

Oseas 11:9

Manami fiyupa rabyasha caycashämannöchu rurashaj. Efraintaga yapay manami illgächishänachu. Nogaga Diosmi cä, manami runachu. Noga gamcunacho caycäga Santumi cä. Manami gamcunata illgächejchu shamushaj.

Joel 2:23

Sioncho tiyajcuna, gamcunaga cushicuy-llapa. Noga rurashäpita cushicuy. Nogami tamyatapis tamyachipämushcä timpuncho. Tamyachimushcä murupacuy wichanpis, micuy waytanan wichanpis. Unay watacuna tamyachimushänömi tamyachimushcä.

Miqueas 5:8

Chaynöpis Jacobpita miraj quëdajcunaga intëru nasyuncunachömi aypacasha caycangapaj. Animalcunacho manchacuypaj liyun caycajnömi caycangapaj. Liyonga uyshacunata charishpan rachir-usharinmi. Cawaycajtaga manami ni jucnayllatapis cachaycunchu.

Habacuc 3:18

jinallami nogaga Tayta Diosta alabaycäshaj. Imapitapis salbamashanpitami cushicushpä Diosnëtaga alabashaj.

Mateo 3:12

Payga jorquëtita aptaraycannami rïguta wayrananpaj. Wayrarcurnami rïgunta wasinman churanga. Punshantanami ichanga mana imaypis upej ninaman gaycurenga.»

Romanos 5:11

Chaypis manami chayllachu. Tayta Diosninchïwan alli cawananchïpämi Tayta Jesucristo camacächisha. Tayta Jesucristumi Tayta Dioswan amistachimashcanchi. Chaypitami payta alabaycanchi.

Filipenses 3:3

Chayno yachachiptinpis noganchëga manami yäracunchïchu jananchi señalasha cashanman. Noganchëga Espíritu Santu yanapämaptinchïmi Tayta Diosta aduranchi. Chaypitami Jesucristo noganchïpaj rurashanpita cushicunchi.