Isaías 40:7 - Tayta Diosninchi Isquirbichishan

⁷ Jananpa Tayta Diospa jämaynin päsariptenga guewapis chaquicäcunmi, waytapis wañuytacäcunmi. Runacunaga rasunpami guewanölla caycan.

Isaías 40:7 ပူးပေါင်းရင်းမြစ်များ

Job 14:2

Payga wayta pashtarcur wañuytacäcojnöllami. Cawanpis llantuy päsacojnöllami.

Job 4:9

Tayta Diosga mana alli runacunatami rabyar castigan. Castigar ushajpämi illgächin.

Job 41:21

Jämaynenga nina upisha caycaj carbuntapis shanshachinmi. Senganpita llojshin nina.

Salmos 102:4

Guewa wañuytajnömi shongöpis ushaycan. Manami micunäpischu.

Salmos 103:15

Runaga guewanöllami cawan. Yurin jircacho wiñamoj waytanöllami.

Salmos 103:16

Illajpita wayra magariptin illgacäcun. Chaura pipis mananami ricannachu.

Salmos 90:5

Illajpitami runacunataga gam apacunqui. Suyñushancuna illgashannöllami runacunataga illgächinqui.

Salmos 90:6

Nogacunaga caycä guewa wiñarcamur, tutapaj waytaraycar warämur tardipaga wañuytar chaquicäcojnöllami.

Isaías 11:4

Pipis mana yanapashancunata alli arriglanga. Nasyuncho caj pobricunatapis rispitacachenga. Paymi nenga ñacachicojcuna castigacänanpaj. Paypa jämaynenga espädanömi fiyucunata wañurachenga.

Isaías 37:27

Chay siudäcunacho tiyajcunanami quëdasha fiyupa mancharir pengay-tucusha. Jircacho caj berdi guewacuna quëdasha wasi janancho llullu guewacuna fiyupa usyawan chaquicäcojno.

Isaías 40:24

Paycunaga carcaycan lanta-mallwata chayraj lantaycushanömi, chayraj allpaman sapichaycajnömi. Paycunaman Dios pücarcamuptenga wañuytar chaquicäcunmi. Ogshata löcu wayra apacushannöllami ushacäcunpis.

Isaías 51:12

Tayta Diosmi cayno nisha: «Noga quiquëmi gamcunataga shacyächë. ¿Pitataj manchacunqui? ¿Runa-masiquitachu? ¿Guewanölla wañoj runacunatachu manchacunqui?

Hageo 1:9

Gamcunaga achcata ashirpis wallcallatami tarinqui. Wasiquicunaman churacushayquitapis Nogaga juc pücayllawanmi apacushaj. Chaynöga ¿imanirtaj rurashaj? Chaynöga rurashaj tiyanä Wasi pasaypa juchuchisha captinmi. Chaynöta ricaycarpis gamcunaga yarpachacurcaycanqui quiquiquipa cajcunallapämi.

Santiago 1:10

Rïcu caj ermänupis ushapacayman chayar ama pengacuchunchu. Rïcu cayga wayta shicwacushanno päsajllami.

Santiago 1:11

Fiyupa shanaywan guewa chaquiptin waytanpis cuyayllapaj caycashanpita shicwacunmi. Chaynömi rïcucunapis mas rïcu cayta ashiycashallancho ushacanga.