Isaías 40:4 - Tayta Diosninchi Isquirbichishan

⁴ Llapan ragracunatapis pampayächiy. Puytush lömacunatapis parijay. Wicsu nänicunatapis dirichay. Uchcu-uchcu nänicunatapis pampachay.

Isaías 40:4 ပူးပေါင်းရင်းမြစ်များ

Proverbios 2:15

Chay runacunaga allita ruraycashantami cachaycusha. Llutancunata rurarmi pantacasha carcaycan.

Isaías 40:3

Juc runami gayacuypa willacuycan cayno nir: «Tayta Diosninchi shamunanpaj nänita allchay. Diosninchi shamunanpaj chunyajpa nänita dirichay.

Isaías 40:5

Chayrämi Tayta Diosga munayniyoj cayninta ricacächenga. Chaytaga llapan runacunami ricangapaj. Quiquin Tayta Diosmi chayno cananpaj nisha.»

Isaías 42:11

Cushicuchun chunyaj chaqui jircacunapis siudänincunapis, Cedarpita miraj runacuna witichinalla wasincunacho tiyajcunapis. Selacho tiyaj runacuna cushicuypita cantachun. Altunnin puntacunacho cushicuywan gaparpächun.

Isaías 45:2

«Gampa ñaupayquita nogami aywashaj. Altu jircacunatanami pampachargärishaj. Runsi puncucunatapis paquirgärishämi. Fyërrupita caj rancancunatapis ichic-ichicllami rurargärishaj.

Isaías 49:11

Jircacunapapis juc nänitami rurarishaj. Nänicunapis parijashami canga.

Isaías 62:10

¡Siudäpa sawan puncucunapa llojshiy-llapa! ¡Runacuna purinanpaj nänita aruy! Jatun nänita aruy-llapa. Nänicho rumicuna caycajtapis jitariy-llapa. Llapan nasyun runacuna musyananpaj señalta jawiy.

Ezequiel 17:24

Chauraga jircacho caj yöracuna llapanmi musyanga noga Tayta Dios cashäta. Nogaga alli-tucoj caj yöratami sajtarë. Nircorga tacshannin manacaj cajtanami jatunyächë. Nogami chaquirachë berdiraycaj yöratapis. Chaquisha caycaj yöratana yapay chillguichë. Noga Tayta Diosmi chayno në. Nishätaga llapantami cumlëpis.› »

Ezequiel 21:26

Noga Tayta Diosmi cayno në: Umayquicho caj vinchata y corönayquitapis illajpitami guechushunquipaj. Chauraga llapanpis mas jucnönami cangapaj. Manacajman churasha cajcuna allicho canga. Allicho caycajcunanami manacajman churasha canga.

Zacarías 4:7

Jatuncaray jircano car munayniyoj captinpis Zorobabelpa ñaupanchöga pampanöllami caycan. Templuta aruyta ushaycuptin runacunaga almirar «¡Imano cuyayllapäshi! ¡Imano cuyayllapäshi!» nengami› nir.»

Lucas 18:14

Chaymi impuestuta cobräga perdunashana wasinman cutisha. Fariseo cajtami ichanga Tayta Dios mana perdunashachu. «Alli-tucoj cäga manacajman churashami cangapaj. Manacajman churasha caycajcunami ichanga alliman churasha cangapaj.»

Lucas 3:5

Llapan ragracunatapis pampayächiy. Puytush lömacunatapis parijay. Wicsu nänicunatapis dirichay. Uchcu-uchcu nänicunatapis pampachay.

1 Samuel 2:8

Tayta Diosmi pobricunatapis alliman churan. Limusnërucunatapis alliman churan. Nircur mas munayniyojcunawan jamachin. Munayniyojcunapa mandajnin cananpaj churan. Tayta Diosmi cay munduta camasha. Paymi sumaj jamachisha.