Isaías 40:24 - Tayta Diosninchi Isquirbichishan

²⁴ Paycunaga carcaycan lanta-mallwata chayraj lantaycushanömi, chayraj allpaman sapichaycajnömi. Paycunaman Dios pücarcamuptenga wañuytar chaquicäcunmi. Ogshata löcu wayra apacushannöllami ushacäcunpis.

Isaías 40:24 ပူးပေါင်းရင်းမြစ်များ

2 Samuel 22:16

Tayta Dios ollgöpaptin, sinchipa pücariptin, lamar rurin alayri ricacäcuran. Munduta tucnarajcunapis alayri ricacaran.

2 Reyes 10:11

Jehú wañuchiran Acabpa famillyancuna Jezreelcho caycajtaga ushajpaj, rispitädu runacunata, raywan amïgu cajcunata, cürancunata. Raypa faburnin cajcunata manami juctapis cawaycajtaga cachaycuranchu.

Job 21:18

¿Imayllaga paycunata shucucuy wayra ogshata apajno machiypa machishachuraj?

Job 4:9

Tayta Diosga mana alli runacunatami rabyar castigan. Castigar ushajpämi illgächin.

Job 8:17

Chay jachacunaga pergacunacho sapichan; nircur wiñar lätarga llapan rumitami chapacurcun.

Salmos 58:9

Cashatanöpis ruparachichun manaräpis cuentata gocuptin. Jachata achurishanno illgarachichun.

Salmos 83:13

Tayta Diosnillä, camacaycachiy ari chaquisha öjata wayra apacushanno ricacunanpaj.

Proverbios 1:27

Manchacushayqui löcu tamyano, disigrasya illajpita löcu wayrano chayashuptiqui, ima ruraytapis mana camäpacur fiyupa llaquicuycaptiquimi cushipäshayquipaj.

Isaías 11:4

Pipis mana yanapashancunata alli arriglanga. Nasyuncho caj pobricunatapis rispitacachenga. Paymi nenga ñacachicojcuna castigacänanpaj. Paypa jämaynenga espädanömi fiyucunata wañurachenga.

Isaías 17:11

Muruycushan junajlla wiñachimuptinpis, waranllan waytaptinpis, llaquicuy cashan junäga, ima jampipis mana tincushan gueshya chayamushan junäga murushayqui manami imanpis cangapächu.

Isaías 17:13

Tayta Dios ollgöpariptenga chay runacuna carumanmi gueshpir aywaconga, ogshata wayra jircacunapa apacushanno, löcu wayrapis ñuchu allpata apashanno.

Isaías 30:33

Unaypita-pachanami Asiriacunapäwan rayninpäga Tofet particho camarisha caycan fiyupa ñacananpaj. Chaychöga altar caycan fiyupa jatuncaraymi. Yantapis aypallami shancaraycan. Tayta Diosga juc pücayllawanmi sindirengapaj. Paypa shiminpitaga ratataycaj asufrimi llojshimonga.

Isaías 37:7

Nogami camacächishaj willapa chayaptin cuticunanpaj. Chaura nasyunninman cuticongapaj. Chaychönami camacächishäpaj sabliwan wañuycachinanpaj› nir.»

Isaías 40:7

Jananpa Tayta Diospa jämaynin päsariptenga guewapis chaquicäcunmi, waytapis wañuytacäcunmi. Runacunaga rasunpami guewanölla caycan.

Isaías 41:16

Paycunaga wayra apacuptin illgashannömi ushacangapaj. Löcu wayra shamur wacpa-caypa machirishannömi illgangapaj. Chaynöpami Tayta Dios yanapäshushayquipita fiyupa cushicunquipaj. Santo Diosniquipäga fiyupa cushishami caycanquipaj.

Isaías 41:2

Llapanta binsircur alli llojshej raytaga ¿pitaj inti yagamunan caj-läpita yurichimusha? Chay rayga waquin nasyunpa raynincunatapis maquinchömi chararaycan. Paytaga maygan raycunapis manami ichipanchu. Payga raycunata sablinwan ñuchu allpamannömi rurarin. Lëchancunawanmi ogshatano wacpa-caypa machirin.

Jeremías 22:30

Tayta Dios nin: «Cay runaga fiyupa mana allimanmi chayasha. Paytaga actamanpis apuntay wamraynaj runatanöna. Paypita mirar aywaj cäga Judächo yapay ray cananpaj manami mayganpis David jamarashan silluncho jamarangapänachu.»

Jeremías 23:19

Chaymi mana wiyacamajcunataga rabyashpä löcu tamyano, löcu wayra ima-aycatapis apacojno usharishaj.

Oseas 13:15

Jacha waytaraycajno Israelcuna captinpis Tayta Diosmi chunyaj chaqui jircapita fiyu wayrata wayrächimonga. Chay wayrami chaquirachenga. Wallcaycällarmi yacu aywajcuna, pucyuncunapis chaquicäconga. Chiquejcunanami ima-aycancunatapis guechur apaconga.

Oseas 13:3

Chaymi paycunaga canga pacha warayman pucutay juntarcojnölla, tutapa shullay warämushpan inti ratarcamuptin illgacäcojnölla, ogshata wayra apacushannölla, jurnupa uchcunpa goshtay llojshir aywacojnölla.

Nahúm 1:14

Nínive runacuna, gamcunapäga Tayta Dios caynömi nisha: «Gamcunapita mirar aywäga manami cangapänachu. Diosniquicunapa templuntapis juchuchishämi. Uywa-niraj ïduluyquicunatapis illgächishämi. Gamcunatapis melanaypaj captiquimi ushajpaj usharishayquipaj.»

Hageo 1:9

Gamcunaga achcata ashirpis wallcallatami tarinqui. Wasiquicunaman churacushayquitapis Nogaga juc pücayllawanmi apacushaj. Chaynöga ¿imanirtaj rurashaj? Chaynöga rurashaj tiyanä Wasi pasaypa juchuchisha captinmi. Chaynöta ricaycarpis gamcunaga yarpachacurcaycanqui quiquiquipa cajcunallapämi.

Zacarías 7:14

Chaypitami shucucuy wayra machip-machir apajnöpis wacpa caypa mashtacächishcä mana rejsishan nasyuncunaman. Paycuna aywacuptin nasyunga ricacuran pasaypa chunyajna. Chaychöga pipis manami tiyarannachu. ¡Cuyayllapaj nasyuntami paycunaga chunyajman ticrachiran!»

Zacarías 9:14

Tayta Diosga acrashan runacunapa jananpami yurircamonga. Lëchancunatami räyutanöraj jitanga. Quiquin Tayta Diosmi tucanga trompëtata. Nircorga sur caj-läpita löcu wayra aywashannömi shamonga.