Isaías 40:21 - Tayta Diosninchi Isquirbichishan

²¹ ¿Manachu gamcunaga musyarayqui? ¿Manachu parlajta wiyarayqui? ¿Manachu ñaupapita-pachana willapäshurayqui? ¿Manachu tantiyashcanqui cay pachata camashanpita-pachana?

Isaías 40:21 ပူးပေါင်းရင်းမြစ်များ

Génesis 1:1

Gallarinancho manaraj imapis captin Tayta Dios camaran syëlutawan cay pachata.

Job 26:7

Imapis mana cashanmanmi syëluta Tayta Dios mashtaran. Imapis mana cashanmanmi cay pachatapis warcusha.

Salmos 115:8

Chay ïdulucunanömi caycan chay ïdulucunata rurajcunapis. Chay ïdulucunanömi caycan chay ïdulucunaman yäracojcunapis.

Salmos 50:6

Syëlucho cajcunami nin Diosga pï-maypäpis alli cashanta, alli arriglaj juez cashanta. Selah

Isaías 27:11

Chaychöga yörapa rämancunapis chaquir shicwanga. Chay shicwajta shuntarcurnami warmicuna yanuconga. Chaynöga canga chay runacuna yarpayniynaj captinmi. Chaypitami paycunata Camaj Diosga mana cuyapangachu ni llaquipangapischu.

Isaías 37:26

Gamga ¿manachu musyarayqui noga Tayta Dios chaycunata llapanta camacächishäta? Unaypitanami chayno cananpaj camacächirä. Chaymi cananga cumlishcä. Chaynöpami gamga curalasha siudäcunatapis illgächir cachaycunqui ragällanta, muntuy-muntuy goturaycajta.

Isaías 40:28

Ichanga gamcuna ¿manachu musyanqui? ¿Manachu wiyashcanqui? Imaycamapis cawaj Tayta Dios mundu intëruta camäga manami yamacanchu, manami uticanpischu. Pay yarpashanga mana atipaypämi.

Isaías 44:20

Chayga uchpata micojnömi. Chayno ruräga quiquillanmi llutanta yarpar ruraycan. Chay runacunaga manami yarpachacongapischu: «Aptaraycashä ïduluga ¿manachuraj manacajlla?» nir.

Isaías 46:8

«Chaycunapaj yarpachacuy-llapa. Conträ caycajcuna sumaj yarpachacuy.

Isaías 48:13

Maquëwanmi allpata sumaj camacächishcä. Maquëwanmi syëluta mashtacächirä. Jutinta rimarcuptëmi chaycunaga llapanpis ruracäcuran.

Isaías 51:13

Nogami syëlutapis mashtacächej y allpatapis sumaj tacyachëga caycä. Nogami camashoj Tayta Diosniqui caycä. Chaura fiyupa ollgusha contrayquicuna illgächiyta munaycäshojcunata ama manchacuychu. ¿Imanirtaj contrayquicunata manchacunquiman?

Hechos 14:17

Ichanga manami cachaycamashcanchïchu. Payga imaypis cuyapaycämanchïmi. Chaymi tamyachimun micuyta alli shuntanapaj. Alli cawaytapis tarichimanchi cushisha cawanapaj.»

Romanos 1:28

Tayta Dios munashanno cawayta mana munaptinmi payga cachaycusha llutan yarpaynincunacho cawacunanpaj, marca pengay goyänanpaj.