Isaías 40:15 - Tayta Diosninchi Isquirbichishan

¹⁵ Tayta Diospäga nasyuncuna caycan jutuy yacunöllami. Paypäga nasyuncuna caycan ichicnaylla allpa balansacho caycajnöllami. Lamar chaupincho caycaj nasyuncunapis juc agushnöllami caycan.

Isaías 40:15 ပူးပေါင်းရင်းမြစ်များ

Génesis 10:5

Chaycunami caran Jafetpita mirajcuna. Chaura paycunaga lamar cantunpa mashtacaran mirar nasyuncuna cananpaj. Paycunaga cada nasyuncho juc rimayta-camana parlaj.

Salmos 62:10

Mana allita rurashayquicunamanga ama yäracuychu. ¡Runapa ima-aycantapis guechushpayqui ama alabacuychu! Rïcuyashpayqui guellayniquimanga ama yäracuychu.

Salmos 62:9

Runacunaga ricayllanmi caycan. Llullacuynöpis yangallami caycan. Llapanta jucllacharcur balansacho pësaptin manami ni aycapis lasanmanchu.

Isaías 11:11

Chay wichanga Tayta Dios yapaymi acrashan runacunata shuntanga. Cutichimonga Asiriapita, Egiptupita, Patrospita, Etiopiapita, Elampita, Sinarpita, Hamatpita, lamar cantunpa caj nasyuncunapitapis.

Isaías 17:13

Tayta Dios ollgöpariptenga chay runacuna carumanmi gueshpir aywaconga, ogshata wayra jircacunapa apacushanno, löcu wayrapis ñuchu allpata apashanno.

Isaías 2:22

Runacunamanga amana yäracuynachu. Runaga manami aycäpis bälinchu. Runaga cawanpis jämayta cacharcuynöllami.

Isaías 29:5

Ichanga mana yarpashapitami Noga munayniyoj Tayta Diosga chiquishojcunata castigashaj. Paycunataga castigashaj räyuwan, timlurwan, löcu wayrawan, löcu tamyawan. Chay aypalla chiquishojcunaga quëdangapaj ñuchu allpamanno ticrashami. Aypalla gaticachäshojcunaga cangapaj chaqui pangata wayra apashanömi.

Isaías 40:22

Tayta Diospaga jamanan caycan syëlupa jananchömi. Runacunataga chuspitanöllami ricaycämanchi. Paymi syëlutaga llantucunatanöpis mashtacächiran. Toldu wasi lluylluraycajta runa ichichir mashtajnömi mashtaran.

Isaías 41:5

Lamarcho caycaj nasyuncunacho tiyaj runacuna chay raytaga ricashami. Ricaycorga fiyupami mancharisha. Allpapis juc cantupita juc cantucamarämi cuyurisha. Chayamunanpäga manami aycäpis pishinnachu.

Isaías 59:18

Chayno camaricurcurmi Tayta Diosga cada-ünunta imanöpis rurashanmanno cutichenga. Contrancunataga castigangami. Chiquej cajtaga imanöpis rurashanmannömi cutichenga. Chaynömi ruranga lamar cantun nasyuncunacho tiyaycajtapis.

Isaías 66:19

Nogami señalta ricachishaj. Waquintaga juc-lä nasyuncunamanmi chayachishaj. Chayanga Tarsisman, Libiaman, Lidiaman, (chay nasyuncho tiyajcunaga fiyupami yachan lëchawan illapayta), Tubalman, Greciaman. Waquintanami chayachishaj fiyupa caru lamar cantuncho caycaj nasyuncunamanpis. Chay nasyun runacunaga manami imaypis wiyashachu casha nogapaj parlajta. Manami ricashachu casha munaynëwan rurashäcunatapis. Chayman chayajcunami munayniyoj cashäta chay nasyuncunacho willacongapaj.

Jeremías 10:10

Tayta Diosninchïmi ichanga rasunpa Dios caycan. Paymi caycan cawaj Dios, imaycamapis mana rucaj Ray. Pay rabyacurcuptenga cay pacha sicsicyanmi. Pay rabyaptenga manami ima nasyunpis awantanchu.

Daniel 11:18

Chaypitaga lamar cantuncho caycaj siudäcunamanna magaj yaycongapaj. Chaura waquenga paycunapa maquincho ricacongapaj. Chayno alli chölu-tucuycajtami juc mandaj binsiycur pengayman churanga.

Daniel 4:32

Gamga manami runacunawan iwalnachu tiyanquipaj. Animalcunawan iwalnami goyanquipaj. Wäcacunanöpis guewata micullarmi cawanquipaj ganchis watacama. Janaj pachacho caycaj Tayta Dioslla pitapis ray cananpaj churashanta reconösinayquicamami chaynölla canquipaj.»

Daniel 4:35

Paypäga manami imapischu cay pachacho tiyaj runacunaga. Payga munashannömi imatapis ruran, janaj pachacho cay pachachöpis. Paytaga manami pipis ichipanchu. Manami pipis tapunpischu ‹¿imanirtaj chayno rurashcanqui?› nir.

Sofonías 2:11

Llapan dioscunata illgächishpan chay nasyun runacunataga Tayta Dios fiyupami mancharachengapaj. Intëru munducho tiyajcunapis Tayta Diosllatanami adurangapaj. Chaura may-chaychöpis payllanami adurasha cangapaj.