Isaías 40:12 - Tayta Diosninchi Isquirbichishan

¹² ¿Pitaj maqui paltanta ucrurcachillar lamar yacuta tupusha? ¿Pitaj imano jatun caynintapis syëluta cuartasha? Cay pachacho caycaj llapan ñuchu allpata ¿pillaga juc tupuman tupushachuraj? Puytush lömacuna, puntacuna ayca lasashantapis musyananpaj ¿pillaga pësashachuraj?

Isaías 40:12 ပူးပေါင်းရင်းမြစ်များ

Job 28:25

Tayta Diosmi wayrapa callpantapis gosha. Yacutapis nisha maycamalla chayananpäpis.

Proverbios 30:4

¿Pitaj syëluman wichasha? ¿Syëlupita caymanpis pitaj urämusha? ¿Piraj llapan wayrata aptaranman? ¿Piraj lamar yacuta jacunwan guepinman? ¿Piraj camacächiran cay pachapa lindancunata? Llapan chaycunataga pipis rurashami canga. Quiquinta rejsir jutinta yachashpayquega mä willamay. Wamranpa jutintapis mä willamay.

Isaías 48:13

Maquëwanmi allpata sumaj camacächishcä. Maquëwanmi syëluta mashtacächirä. Jutinta rimarcuptëmi chaycunaga llapanpis ruracäcuran.

Jeremías 31:37

Imay junajllapis janaj syëlu tupusha captenga cay pacha imacho jamaraycashantapis imayllapis ricaptenga Israelcunataga mana allicunata rurashanpita gargömanmi.» Tayta Diosmi chayno nisha.

Amós 4:13

Rasunpa chaynömi ruranga. Tayta Diosga caycan puntacunatapis camajmi, wayratapis yurichimojmi. Paymi runacunata musyachin imata pay yarpaycashantapis. Paymi achicyajtapis ticrachin chacayman. Paymi purin cay pachachöga intërupa. Paypaga jutinpis munayniyoj Tayta Diosmi.

Apocalipsis 20:11

Chaypita ricarä jatuncaray yuraj achicyaycachaycaj sillunta. Chaychömi Tayta Dios jamaraycaran. Chay örami syëlupis cay pachapis illgacäcuran. Mananami mas ricacarannachu.