Isaías 38:7 - Tayta Diosninchi Isquirbichishan

⁷ Chaynöpis aunishäta cumlinäpaj cashanta musyananpaj juc milagrutami rurashaj.

Isaías 38:7 ပူးပေါင်းရင်းမြစ်များ

Génesis 9:13

Pucutaymanmi turmanyata churashcä. Cay pachacho tiyajcunawan noga conträtu rurashä musyacänanpaj chay turmanyami señal caycan.

1 Reyes 13:3

Tayta Dios willachishanga rasunpa cashan musyacänanpaj niran: «Cananmi juc milagruta ricanqui: Altarmi paquir shallucäconga. Chaycho caycaj uchpanami pampaman mashtacäconga.»

2 Crónicas 32:31

Caru Babiloniapita-pacha mandajcuna cachata cachamuran Ezequiasman watucoj, Judá nasyuncho imano milagru päsashantapis musyacachaj. Ezequías imano yarpashantapis musyananpämi Tayta Diosga quiquillanta cachaycuran.

Isaías 37:30

Ray Ezequiastana Isaías niran: «Rasunpa cananpaj cashanta musyanayquipaj caynömi canga: «Cay watapis, watanpis gamcunaga micunquipaj quiquillan wiñacamoj micuy wayushantami. Watannin cajchönami ichanga mururcärirpis shuntanquipaj. Übasta lantarcurpis wayuyninta micunquipaj.

Isaías 38:22

Manaraj chayno captin Ezequiasga Isaiasta tapusha caran: «¿Imanöpataj musyashaj Tayta Diospa Templunman aywanäpaj cashanta?» nir.