Isaías 37:35 - Tayta Diosninchi Isquirbichishan

³⁵ Nogami cay siudäta chapäshaj. Imapitapis salbashaj sirbimajnë Davidta aunishäta yarpar, quiquëpis rispitacachicushpä› nir.»

Isaías 37:35 ပူးပေါင်းရင်းမြစ်များ

1 Reyes 11:36

Juc trïbullatami Salomonpa wamrantaga cachapaycushaj, sirbimajnë Davidpa castan Jerusalencho achicyaj pachata ricar mandaycänanpaj. Chay siudätami acrashcä imaycamapis tiyanäpaj.

1 Reyes 15:4

Chaypis Davidta cuyapashpanmi paypa castan Jerusalencho achicyaj pachata ricar mandaycänanpaj Tayta Dios yanaparan. Chaynöpa Jerusalencho mandaj caycaran.

2 Reyes 20:6

Gamga cawanquipaj cananpita chunca pichga (15) wata masrämi. Jerusalén siudätawan gamtaga salbashayquipämi Asiriapa rayninpita. Davidta cuyashäta yarpärirmi cay siudätaga chapäshaj, quiquëpis rispitachicushpä.› »

1 Crónicas 17:19

Tayta Dios, cuyamashayquita musyachimänayquipämi llapanta munashayquino rurashcanqui.

Isaías 31:5

Imanömi äbi gueshwancho chipshan caycajta täpar jananpa tumapan, chaynömi Jerusalentaga munayniyoj Tayta Dios chapangapaj. Imapitapis ricanga, salbanga, washanga, libri cananpaj ima-aycapitapis jorgonga.»

Isaías 38:6

Jerusalén siudätawan paytaga salbashäpämi Asiriapa rayninpita. Nogami cay siudätaga chapäshaj.

Isaías 43:25

«Chaypis nogaga Diosniqui cashpämi conträ rurashayquicunata gongaycöna. Jucha rurashayquicunatapis manami yarpäshänachu.

Jeremías 30:9

Chaura paycunaga rispitar sirbimanga noga Tayta Diosllantanami. Churapashä raynintapis sirbenga. Chay rayga Davidnömi mandangapaj.

Ezequiel 20:9

Ichanga juc-lä nasyun runacuna manacajman mana churamänanpämi, ñaupancho caycaj nasyun runacuna nogata mana jamurpämänanpämi mana castigarächu. Chay nasyuncunapa ricay-ñawinchömi aunirä Israelcunata Egiptupita jorgunäpäpis.

Ezequiel 36:22

«Chaypita, Israel runacunata gam niy: ‹Tayta Diosga caynömi nin: Israelcuna, gamcunaga may nasyunmanpis chayashayquicho rispitädu jutëtami manacajman churarayqui. Chaypis jutë-raycumi chay nasyuncunapita jorgushayqui; manami gamcuna-raycuchu.

Zacarías 9:15

Acrashan runacunataga munayniyoj Tayta Dios chapangami. Chaura paycunami lluchcargärengapaj contrancuna waracashan rumicunatapis. Binsiycur paycunaga bïnuta upyajnömi cushiconga. Altarman wiñananpaj tasunman yawarta juntachishannörämi cöpancunamanpis bïnuta wiñanga.

Efesios 1:14

Chay Espíritu Santupa munaynincho cawarmi musyanchi syëluman chayar chasquinanchïpaj cashanta. Chayno Tayta Diosninchi camacächisha imaycamapis alabananchïpämi.

Efesios 1:6

Chaynöga rurasha cuyapämashanchïpita imaypis Tayta Diosninchïta alabananchïpämi. Cuyay wamran-raycumi Tayta Diosga chasquimashcanchi.

Deuteronomio 32:27

Ichanga contrancuna cushipämänanta manami munashcächu. Manami munächu paycuna alli-tucur «Tayta Diosnin chapaycaptinpis illgächishcanchi» ninanta.›