Isaías 37:27 - Tayta Diosninchi Isquirbichishan

²⁷ Chay siudäcunacho tiyajcunanami quëdasha fiyupa mancharir pengay-tucusha. Jircacho caj berdi guewacuna quëdasha wasi janancho llullu guewacuna fiyupa usyawan chaquicäcojno.

Isaías 37:27 ပူးပေါင်းရင်းမြစ်များ

Génesis 41:6

Chay alli ispïjayoj rïgucuna wiñamushan sapinpita chillguimusha yapay ganchis pallga mana alli rïgucuna. Chay rïgucunaga caran chunyajpita shamoj wayrawan chaquisha.

2 Reyes 19:26

Chay siudäcunacho tiyajcunanami fiyupa mancharir pengay-tucusha quëdasha. Jircacho caj berdi guewacuna, wasi janancho llullu guewacuna fiyupa usyawan chaquicäcojnömi quëdasha.

Salmos 103:15

Runaga guewanöllami cawan. Yurin jircacho wiñamoj waytanöllami.

Salmos 129:6

Wasi janan tëjacunacho usyawan guewa wañuytajno ushacächun.

Salmos 37:2

Paycunaga guewa chaquejnöpis rätumi ushacäcun. Llullu guewa wañuytacäcojnömi ruracäcun.

Salmos 92:7

Fiyucuna guewano mirashpanpis, llapan mana allita rurashancuna alli llojshipaptinpis paycunaga carcaycan para-simri illgänallanpämi.

Isaías 19:16

Chay junaj Egiptucunaga cangapaj warminömi. Fiyupa mancharishpan ima ruraytapis manami camäpacongapächu Tayta Dios paycunata castigananpaj maquinta jogariycajta ricashpan.

Jeremías 37:10

Gamcunaman suldärucuna yaycamojta ushajpaj wañuycärachiptiquipis, wallcajlla pachacarashancho gueshyaycar quëdajcunallapis aywaycamur siudätaga sindipaycärinmanmi.»

Jeremías 5:10

¡Chaymi contrancuna yaycuchun übas wertacunata muturinanpaj! Chillguiycajcunatapis rachirgärichun. Chaycunaga manami nogapanachu.

Ezequiel 35:13

Gamga jatunta-jatunta rimarmi manacajman churamarayqui. Chayno parlashpayquega nogata chiquimar washämi parlarcaycarayqui. Chaytaga llapantami noga wiyashcä.

Números 14:9

Ichanga Tayta Diospaj ama rabyaychu. Ama manchacuypischu chay nasyuncho tiyaj runacunataga. Chay runacunata noganchëga fäsimi binsirishun. Paycunataga manami pipis yanapanchu. Noganchïwan ichanga Tayta Dios caycan. ¡Chaymi ama manchacuychu-llapa!»

Mateo 10:27

Chaymi chacaypa noga nishätaga junajpa willacuy. Yachayllapa gamcunata willapashätaga gayacuypa willacuy llapan wiyananpaj.

1 Pedro 1:24

Alli willacuynin mana ushacaj cashantaga Tayta Diospa palabranchöpis niycan: «Llapan runacunapis guewanöllami. Cuyayllapaj cashanpis waytano ushacajllami. Guewapis chaquicäcunmi, waytapis wañuytacäcunmi.