Isaías 37:20 - Tayta Diosninchi Isquirbichishan

²⁰ Tayta Diosnë, cananga Asiriapa munaynincho canäpita salbaycamay ari. Chaynöpami cay pachacho caj runacunaga llapan musyanga gam japallayqui rasunpa Tayta Dios cashayquita.»

Isaías 37:20 ပူးပေါင်းရင်းမြစ်များ

1 Reyes 8:43

wiyaycuy ari syëlucho tiyaycashayquipita-pacha. Llapan mañacushushayquita tariycachinqui. Chayrämi intërucho manchacushunquipaj Israelcuna manchacushushayquino. Gamtaga cay Templu rurapashächo mañacuna cashanta tantiyaconga.

1 Reyes 8:59

Llapan mañacushäta Tayta Diosninchi yarparächun imay-yajpis chacaypa junajpapis. Imaypis alli ricamäshun nogatapis acrashan Israelcunatapis.

1 Reyes 8:60

Chayrämi intëru nasyuncho musyanga imanöpis Tayta Diosninchi cashanta, paynöga mas juc mana cashanta.

Salmos 46:10

Caynömi niran: «Diosniqui cashäta tantiyacuy. Maquëchöna caway. Nogami intëru nasyuntapis maquëcho caycächë. Nogami cay mundutapis chararaycä.»

Salmos 59:13

Rabyacurcushpayqui chipyaj illgarachiy. Intëruchöpis musyacächun gam Tayta Dioslla Israel runacunachöga ray cashayqui ari. Selah

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Isaías 33:22

Chay büquicunapa wascancunapis manami watarangapächu guerun ichirajcunaman. Wayra tangananpaj bëlunpis manami mashtacangachu. Chaynöga cangapaj Tayta Dios juezninchi captinmi. Paymi caycan layninchïta ruraj; Paymi rayninchïpis. Paymi salbamäshunpaj. Chauraga chiquinacushanchïpa ima-aycantapis aypallatami guechushunpaj. Guechurcur raquipänacushaga gapracunapis chasquengami. Wegrucunapis yaycongapämi ima-aycantapis guechur apacunanpaj.

Isaías 35:4

Manchacojcunata niy: «¡Ama manchacuychu! ¡Balurchay! ¡Caychömi Tayta Diosga caycan salbashunayquipaj! ¡Chiquishojcunataga gamta rurashushayquimannömi castiganga!»

Isaías 37:16

«Israelpa munayniyoj Tayta Diosnin, gamga mandashpayqui jamaraycanqui querubín anjilcunapa chaupinchömi. Japallayquimi cay munducho tiyajcunapa Tayta Diosnin canqui. Gammi camarayqui syëluta cay pachatapis.

Isaías 42:8

Nogaga cä Tayta Diosmi. Chaymi jutëpis caycan. Chaymi camacächishaj nogallata aduramänanpaj. Manami camacächishächu nogata alabamänanpa ruquin ïdulucunata alabanantapis.

Isaías 45:5

Nogami Tayta Dios cä. Nogapita mas juc diosga manami canchu. Manapis rejsiycämaptiquimi gamtaga yanapäshayqui.

Ezequiel 36:23

Chayno jorgushpämi nasyuncunata musyachishaj jutë rispitädu cashanta. Jutëta manacajman churasha captiquipis gamcunata jorguptëmi juc-lä nasyun runacunaga musyanga noga Tayta Dios cashäta. Noga Tayta Diosmi chayno në.

Ezequiel 39:21

«Chaynöpami juc-lä nasyuncunata musyachishaj munayniyoj cashäta. Llapan nasyun runacunami ricanga imano rurashanpitapis jusgashäta, castigashäta.

Joel 2:17

Tayta Diosta sirbejcunapis llojshimuchun. Paycunaga runsi altar ñaupanman ichichun. Nircur wagashpan Tayta Diosta mañacuchun cayno nir: «Tayta Dios, acrashayqui runacunataga perdunaycuy. Gampa cajta pipis manacajman churanantaga ama munaycuychu. Juc-lä nasyun runacuna munaynincho chararänantaga ama munaycuychu. Ama camacaycachiychu paycuna acrashayqui runacunata ‹¿Maytaj chay Diosniqui?› ninantaga.»

Malaquías 1:11

Mundu intërucho may-chaychöpis nogataga rispitamanmi. May-chaychöpis nogapa jutëcho insinsuta rupaycächinmi. Nogapäga alli ofrendallatami churanpis.