Isaías 37:12 - Tayta Diosninchi Isquirbichishan

¹² Nogapa unay caj awilöcuna illgächishan marcacunata maygan diosninpis manami salbashachu. Manami salbaranchu Gozanta, Haranta, Resefta, Bet-edén runacuna Telasarcho tiyajtapis.

Isaías 37:12 ပူးပေါင်းရင်းမြစ်များ

Génesis 11:31

Chay tiyaycashan Ur marcapita Tarëga aywacuran Canaán partiman. Chayno aywacurmi pushacuran wamran Abramta, llumchuynin Saraita, willcan Lot-tapis. Harán siudäman chayaycärerga chayllachöna tiyacuran.

Génesis 11:32

Haranllachöna Tarëga wañucuran ishcay pachac pichgan (205) watayoj caycashancho.

Génesis 12:14

Nishannöllami Abram Egiptuman chayaycuptin Egipto runacuna Saraita ricaran cuyayllapaj camaraj warmita.

Génesis 2:8

Chaypitana Tayta Diosga Edencho wertata ruraran. Chayga caycaran inti yagamunan caj-lächo. Nircur rurashan runata chay wertaman churaran.

Génesis 28:10

Beersebapita aywacur Jacobga aywacuran Haranman näni aywajpa.

Génesis 29:4

Chay uyshërucunata Jacobga tapuran: «Gamcunaga ¿maypitataj canqui taytacuna?» nir. Chaura paycunaga niran: «Haranpitami cä» nir.

2 Reyes 17:6

Samaria siudäta binsiycur chayman yaycuptinmi ray Oseasga isgun wata ray caycaran. Nircurmi Salmanasarga Israel runacunata prësu charishpan Asiria nasyunman suldäruncunawan aparan. Asiriaman chayaycurmi Halah marcaman y Gozancho caycaj Habor mayu läduncho caycaj marcacunaman churaran chaycho tiyananpaj. Media runacunapa siudänincunamanpis churaran chaycho tiyananpaj.

2 Reyes 18:11

Asiriapa raynenga Israel runacunata prësu aparan Asiriaman. Nircur tiyananpaj churaran Habor particho caycaj Halah marcaman, Gozán mayupa lädunman, Media runacunapa siudänincunaman.

2 Reyes 19:12

Nogapa unay caj awilöcuna illgächishan marcacunata maygan diosninpis salbarantächu. Manami salbaranchu Gozanta, Haranta, Resefta, Bet-edén runacuna Telasarcho tiyajtapis.

Isaías 36:18

«Ezequías ‹Tayta Diosmi salbamäshun› nishuptiquega ama riguiychu. Manami maygan dioscunapis salbashachu nasyunnincunata Asiria raypa maquinpitaga.

Isaías 36:19

¿Maytaj Hamatpa, Arfadpa diosnincuna? ¿Maytaj Sefarvaimpa diosnincuna? Samaria siudätapis Asiriapa rayninpita manami salbashachu.

Isaías 36:20

Asiria raypa maquinpitaga manami maygan nasyunpa diosnincunapis salbashachu. Chayno caycaptenga ¿imanirtaj yarpanqui Jerusalenta Tayta Dios salbananpaj cashanta?»

Isaías 37:13

Masqui yarpachacuy. ¿Cananga maytaj Hamatpa, Arfadpa, Sefarvaimpa, Henapa Ivapa raynincuna?»

Ezequiel 27:23

Gamwanmi ranticunacoj Harán, Cane, Edén runacuna, chayno Sabächo, Asiriacho, Mediacho tiyaj llapan nigusyanticunapis.

Ezequiel 28:13

Edén wertachömi caycarayqui. Röpayquipis caycaran tucuy-niraj achicyaj rumicunawan burdashami. Chay achicyaj rumicunapa jutenga caynömi caran: Rubí, crisólito, jade, topacio, cornalina, jaspe, zafiro, granate, esmeralda. Aläjayquicuna, arëtiquicuna gorillapita caran. Chaycunaga gam yurishayquipita-pacha camarishanami caycaran.

Amós 1:5

Damasco siudäman yaycuna puncu rancaraycajtapis callpaycurmi amirishaj. Avén guechwa pampacho mandaycajtapis illgächishämi. Chaynömi rurashaj Bet-edén siudächo mandaycajtapis. Siria runacunatanami nasyunninpita prësu apanga Kir partiman.» Tayta Diosmi chayno nisha.

Hechos 7:2

Estebanna niran: «Wiyamay taytacuna. Unay awilunchi Abraham manaraj Haranman aywacuptillanmi munayniyoj Tayta Diosga Mesopotamiacho yuriparan.