Isaías 36:16 - Tayta Diosninchi Isquirbichishan

¹⁶ «Chayno nishantaga ama riguiychu. Nogataga Asiriapa rayninmi cachamasha paywan parlacunayquipaj. Pay nishantana ruray. Chayno carga cada-ünuyquimi übasniquipa wayuyninta, ïgusniqui wayushanta micunquipaj. Yacutapis upunquipaj quiquiqui rurashayqui ishtanquiquipitami.

Isaías 36:16 ပူးပေါင်းရင်းမြစ်များ

Génesis 32:20

Sumaj willaparan: «Llapaniquipis Esaüwan tincorga caynölla ninqui: ‹Jacobga chayrämi aywaycämun› nir.» Jacobga yarparan cayno: «Ñaupäta paypaj uywacunata gatichiptëga rabyasha caycashanpitapis allchacangami. Chaura nogaga tincurcushaj rabyashanpita allchacashwannami. Chauraga alli shiminpanami tincurcuptë chasquimanga» nir.

Génesis 33:11

Gampaj apamushätaga chasquimay ari. Tayta Dios yanapämaptinmi rïcuyashcä. Chaymi ima-aycäpis aypalla caycan.» Jacob yaparir-yaparir ruwaptin Esaüga chasquiran.

2 Samuel 8:6

Nircurmi Davidga suldäruncunata churaran Damasco siudäta mandananpaj. Chaura Siria runacunaga Davidpa munayninchöna caycaran. Impuestutapis pägaranna. Chaynömi Tayta Diosga Davidta yanaparan maypa aywashanchöpis binsinanpaj.

1 Reyes 4:20

Judächo Israelcho caran aypalla runacuna yupaytapis mana atipaypaj. Fiyupa aypallana caran ima-aycancunapis micunanpaj upunanpäpis. Cushisha jaucallanami goyaj.

1 Reyes 4:25

Salomón cawashanyäga Judá runacunawan Israel runacuna Danpita Beersebacama tiyacuran allilla. Cada-ünunpa imapis mana pishiranchu. Übasninpis ïgusninpis achca caran.

2 Reyes 18:31

Chayno nishantaga ama riguiychu. Nogataga Asiriapa rayninmi cachamasha paywan parlacunayquipaj. Pay nishantana ruray. Chayno carga cada-ünuyquimi übasniquipa wayuyninta, ïgusniqui wayushanta micunquipaj. Yacutapis upunquipaj quiquiqui rurashayqui ishtanquipitami.

2 Reyes 5:15

Chaura llapan yan'guincunawan cutiran Eliseo cajman. Chayaycur Naamanga niran: «Cananga cuentata gocushcänami tayta. Cay pachacho manami canchu juc Diosga. ¡Israel-llachömi Tayta Diosga! Chaymi cananga gamta goycunäpaj apamushäcunata chasquiycamay ari tayta.»

Proverbios 27:18

Ïgusta alli cuydäga poguptin wayuynintapis micongami. Patrunninta alli atindejpis alli rispitashami canga.

Proverbios 5:15

Mösu caycällar majachacashayqui warmillawan cuyanacushpayqui alli goyay. Majayquega caycan pashtaj pucyunömi. Chaymi yacunarga quiquiquipa pashtaj pucyullayquipita upucunqui. ¿Pucyuyquipita pashtamoj yacuyquega cällicunapa läsacunapa aywar pirdicunmanchuraj? Pucyuyquiwan chaycho pashtamoj yacuga gamllapami. Quiquillayquipa caycaptenga ama dëjaychu juccuna upunanta. ¡Alli rispitasha cachun quiquiquipa pashtaj yacuyquega! Chaymi majachacashayqui warmillawan cuyanacushpayqui alli goyäcuy.

Isaías 36:17

Nircorga pushashunquipaj quiquiquipa nasyunniqui-niraj nasyun aypalla rïgu cashanman, übas cashanman. Chaychömi tantatapis bïnutapis ruranquipaj.

Miqueas 4:4

Chauraga mana manchacuypanami runacuna goyangapaj. Cada-ünunnami jamarpäcongapaj übas yöranpa, ïgus yöranpa llantuncunacho. Munayniyoj Tayta Diosmi nisha chayno cananpaj.

Zacarías 3:10

Chay junaj chayamuptenga jucniqui-jucniquimi marca-masiquicunawan goturpanquipaj übas yörayqui chaquincho, ïgus yörayqui chaquinchöpis. Munayniyoj Tayta Diosmi chayno në.› »

2 Corintios 9:5

Chaymi quimsan ermänucuna ñaupamonga shuntäshishunayquipaj. Chaynöpami shuntanayquipaj aunishayqui ofrendayquega listuna caycanga noga chayamur apanäpaj. Chayamuptëraj ofrendata shuntaptiquega runacuna yarpanga mana munaycar churaycashayquitami.

1 Samuel 11:3

Chaura Jabes mayur runacuna niran: «Cananpita ganchis junajcama shuyaycamay Israelcunapa nasyunninman willachimunäpaj. Yanapämänanpaj pipis mana shamuptenga nimashayquinönami canga.»

1 Samuel 25:27

Chaymi ruwacö tayta. Garayniqui apamushäta aypunacuchun llapan yan'guiquicuna.