Isaías 35:9 - Tayta Diosninchi Isquirbichishan

⁹ Chaychöga manami tiyangachu liyuncuna. Micucoj animalcunapis manami chaymanga yaycongachu. Chay nänipaga salbacusha cajcunallami cutimonga.

Isaías 35:9 ပူးပေါင်းရင်းမြစ်များ

Salmos 107:2

Tayta Dios salbashan cajcuna willacuy chiquishojcunapita Tayta Dios salbashushayquita,

Éxodo 15:13

«Jorgushayqui runacunataga cuyapashpayquimi pushaycanqui. Munayniquiwanmi tiyashayqui rispitädu pachaman pushaycanqui.

Isaías 1:27

Sión runacunata salbanan junäga llapan rurashanpitami jusganga. Salbacoj cajcunaga allillata rurashpan Tayta Diosllamannami yapay yäraconga.

Isaías 30:21

Alli ruraycashayquipita wac-läman u cay-läman tunejnöpis llutanman chayajno captiqui, guepayquipitami gayacamushunquipaj. Chaymi nishunquipaj «Caypami näniga. Cay alli nänipa aywayga» nir.

Isaías 30:6

Egiptuman aywajcunaga chunyaj Neguevpami päsarcaycan bürruncunata y camëlluncunata cargasha. Päsarcaycan micucoj liyuncuna tiyashanpami, culebracuna, buylaj culebracuna tiyashanpami. Ima-aycantapis, cuestaj cösancunatapis apacurcaycan mana bälej Egipto nasyunman.

Isaías 43:19

Cananga mushojtanami ruraj-aywä. Chayga yurimojnami-aywan. ¿Manachu cuentata gocunqui? Chunyaj chaqui jircapami juc nänita rurashaj. Imapis mana wayushan chaqui jircachömi mayuta yurichishaj.

Isaías 5:29

Shamoj runacuna gaparashanpis wiyacaycan liyuncuna gaparashanno, gaparar micunanpaj cäsata charejno, pipis guechuyta mana puydiptin micunanpaj apacojnömi.

Isaías 51:10

May-may ruri caycaj lamar yacutapis gammi chaquirachirayqui. Nircorga chay lamarta nänimanna ticrarachirayqui llapan salbashayquicuna chaypa päsananpaj.

Isaías 62:10

¡Siudäpa sawan puncucunapa llojshiy-llapa! ¡Runacuna purinanpaj nänita aruy! Jatun nänita aruy-llapa. Nänicho rumicuna caycajtapis jitariy-llapa. Llapan nasyun runacuna musyananpaj señalta jawiy.

Isaías 62:12

Israelcunapa jutintaga «Santo runacuna», «Tayta Dios salbashan runacuna» nengami. Jerusalentanami «Fiyupa cuyay siudä», «Mana cachaycushan siudä» nenga.

Isaías 63:4

Nogaga maynami yarpaycarä juc junaj llapanpita jusganäpaj. Acrashä runacunata salbanäpaj caj chayamushanami.

Isaías 65:25

Uyshawan atojpis juc pachallachömi goyanga. Liyunpis wäcanömi guewata miconga. Culebranami allpata miconga. Rispitädu jircächöga alli goyayllanami canga.» Tayta Diosmi chayno nisha.

Jeremías 30:10

«Noga Tayta Diosmi në: «Jacobpita mirar aywaj Israelcuna, ama manchacuychu. Sirbimajcuna ama manchariychu. Caru nasyunman apashushayquipitami gamcunata y llapan wamrayquicunata jorgamushayquipaj. Chaypitaga allinami goyäcunquipaj. Alli goyäcuptiqui pipis manami manchachishunquipänachu.

Ezequiel 34:25

« ‹Uyu uyshano caycaj acrashä runacunawanmi alli parlacushaj allillana goyänanpaj. Israel nasyunpitaga micucoj animalcunata illgächishämi. Chaura paycunaga jäcoj intëru jircacunacho mana manchacuypana tiyacongapaj. Munticunachöpis puñucongapaj.

Ezequiel 34:27

Frütacunapis alli wayonga. Chacracho micuycunapis allimi wayonga. Chaura paycunaga mana yarpachacuypana quiquinpa chacrancho goyäconga. Acrashä runacunataga jäpa runacunapa maquincho caycajtami salbashaj. Chayrämi musyangapaj noga Tayta Diosnin cashäta.

Oseas 2:18

Chay wichanga Israelcuna jauca goyänanpämi parlashaj jirca animalcunawan, pärej äbicunawan, culebracunawan. Cay nasyunpitaga lëchatapis, sablitapis illgächishämi. Guërrapis manami canganachu. Chayrämi acrashä runacunaga jauca goyäcongapaj.

Levítico 26:6

Tiyashayqui nasyunchöga jaucallami goyäcunquipaj. Mishquilla puñucunquipaj. Nogami chapäshayqui micucoj animalcunapita. Wañuchinacuypis manami cangachu.

Gálatas 3:13

Chayno niptinmi laycunata llapanta cumliyta mana camäpacur llapanchïpis maldisyunädu caycaranchi. Chaymi Tayta Diosninchi wamran Jesucristuta cachamuran ruquinchi maldisyunädu runano cruscho wañunanpaj. Tayta Diosninchïpa palabranchöpis niycan: «Guerucho warcuypa wañuchisha car maldisyunädumi caycan.»

Tito 2:14

Jesucristoga llapan jucha ruraycunapita jorgamänanchïpämi noganchi-raycu wañuran. Chaynöpis perdunamashpanchïmi shuntamashcanchi cuyashan wamrancunana car pay munashanta rurar goyänanchïpaj.

1 Pedro 1:18

Gamcunaga mamayqui taytayquipita-pachami jucha rurayllacho cawarayqui. Chayno cawaycaptiquimi Tayta Diosninchëga rantiypa-japuy jorgusha-cashunqui. Rantisha-cashunqui manami goripa chaninwanchu, ni guellaypa chaninwanpischu.

Apocalipsis 5:9

Paycunami mushoj alabansata cantar Cashni uyshata alabaran cayno nir: «Gammi runacuna-raycu wañushcanqui. Chaymi gamlla rölluta chasquircur pachganayquipaj caycanqui. Wañur yawarniquita jichaptiquimi yäracoj cajtaga Tayta Dios salbasha may trïbu runacunatapis, ima rimayta rimaj runacunatapis, may marca runacunatapis, may nasyun runacunatapis.