Isaías 35:4 - Tayta Diosninchi Isquirbichishan

⁴ Manchacojcunata niy: «¡Ama manchacuychu! ¡Balurchay! ¡Caychömi Tayta Diosga caycan salbashunayquipaj! ¡Chiquishojcunataga gamta rurashushayquimannömi castiganga!»

Isaías 35:4 ပူးပေါင်းရင်းမြစ်များ

1 Crónicas 28:20

Chaymi Davidga wamran Salomonta niran: «Sumaj balurchay. Juclla aruyta gallaycuy. Ama guellanaychu ni manchacuypischu. Noga sirbishä Tayta Diosga yanapäshunquipämi. Payga manami cachaycushunquipächu Templucho cananpaj cajcunata manaraj ushachiptiquega.

Salmos 116:11

Imata ruraytapis mana camäpacurmi «runaga llapanpis llullallami» nirä.

Salmos 145:19

Payta rispitajcuna imatapis mañacushantaga llapantami camacächin. Mañacuptin imapitapis salbanmi.

Salmos 50:3

Tayta Diosninchëga manami mana musyacayllachu shamonga. Paypa ñaupantaga shamonga ima-aycatapis rupar ushacurcoj ninami. Paypa intërun tumarejpana shamun fiyu wayra.

Salmos 94:1

Tayta Dios, gammi caycanqui juez cay pachachöga. Arriglayna ari. Juchayoj cajtaga castigay. ¡Alli-tucojcunataga rurashanman-tupu ayñita cutichiy!

Isaías 1:24

Chaypitami, Israelcunapa munayniyoj Tayta Diosnin cayno nin: «Cananmi ichanga chiquimajcunataga jusgashayqui imallata rurashayquipitapis. Gamcunataga ayñitami cutichishayqui.

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Isaías 28:16

Chaypitami Tayta Diosga nin: «Sionmanmi juc rumita churaj-aywä. Chaymanga churashaj acrasha rumitami. Chay rumiga cangapaj llapanpita mas allimi. Jinachöpis chay rumimi simintupa isquïnancho puntu rumi cangapaj. Chayman yäracoj cäga allimi goyanga.

Isaías 31:5

Imanömi äbi gueshwancho chipshan caycajta täpar jananpa tumapan, chaynömi Jerusalentaga munayniyoj Tayta Dios chapangapaj. Imapitapis ricanga, salbanga, washanga, libri cananpaj ima-aycapitapis jorgonga.»

Isaías 32:4

Mana tantiyajcunapis llapantami alli tantiyanga. Gägucunapis mana ñacapacayllapa clärunami rimangapaj.

Isaías 33:22

Chay büquicunapa wascancunapis manami watarangapächu guerun ichirajcunaman. Wayra tangananpaj bëlunpis manami mashtacangachu. Chaynöga cangapaj Tayta Dios juezninchi captinmi. Paymi caycan layninchïta ruraj; Paymi rayninchïpis. Paymi salbamäshunpaj. Chauraga chiquinacushanchïpa ima-aycantapis aypallatami guechushunpaj. Guechurcur raquipänacushaga gapracunapis chasquengami. Wegrucunapis yaycongapämi ima-aycantapis guechur apacunanpaj.

Isaías 34:8

Chayno canga chay junaj Tayta Dios ayñita cutichiptinmi. Chay watami Sionga ñacachejcunata ayñita cutichenga.

Isaías 37:20

Tayta Diosnë, cananga Asiriapa munaynincho canäpita salbaycamay ari. Chaynöpami cay pachacho caj runacunaga llapan musyanga gam japallayqui rasunpa Tayta Dios cashayquita.»

Isaías 37:6

Isaiasga niran: «Patrunniquita willay Tayta Dios cayno nishanta: ‹Imatapis Asiria raypa suldäruncuna nogapa conträ parlashanpitaga ama manchacuychu.

Isaías 40:2

Paycunataga alli shimillayquipa willapaycuy. Cananpitaga manana llaquisha goyänanpaj cashanta willaycuy. Paycunaga manami uywaynachu canga. Paycunataga juchancunapita castigashcänami. Paycunataga llapan juchanpita perdunashcänami.»

Isaías 44:2

Nogami gamcunata ruraj Tayta Diosniqui caycä. Mamayquipa pachancho yurinayquipäpis nogami camacächirä. Nogami gamcunataga yanapaycä. Jesurún, Jacobpita miraj sirbimajnëcuna, acrashä runacuna ama manchacuychu.

Isaías 47:3

Galalla caycajtami pï-maypis ricashunquipaj. Pengayniquitapis ricachun ari. Chaynömi sumaj castigashayqui. Chay castïgupitaga manami pipis gueshpengachu.»

Isaías 49:25

Tayta Diosmi ichanga cayno nin: «Callpayoj runata guechongami quiquinpaj imatapis apacuycashanta. Binsej fiyu runatapis guechongami quiquinpaj charishanta. Achäquita ashipäshojcunawanga nogami musyanacushaj. Wamrayquicunataga quiquëmi salbashaj.

Isaías 49:4

Ichanga noga yarparä: «Yangallapämi arushcäpis. Manacajllachömi callpätapis ushashcä. Chayno carpis Tayta Diospa maquinchömi caycä. Arushäpita imano cutichimänanpäpis Tayta Diospa munayninchömi caycan» nir.

Isaías 59:18

Chayno camaricurcurmi Tayta Diosga cada-ünunta imanöpis rurashanmanno cutichenga. Contrancunataga castigangami. Chiquej cajtaga imanöpis rurashanmannömi cutichenga. Chaynömi ruranga lamar cantun nasyuncunacho tiyaycajtapis.

Isaías 61:2

Tayta Dios cachamasha allita rurananpaj chayamushana cashanta willacunäpämi; contranchïcunata ayñita cutichinanpaj chayamushantana willacunäpämi. Chaynöpis Tayta Dios cachamasha llaquicuycajcunata shacyächinäpaj;

Isaías 63:4

Nogaga maynami yarpaycarä juc junaj llapanpita jusganäpaj. Acrashä runacunata salbanäpaj caj chayamushanami.

Isaías 66:15

Tayta Diosga nina ratataycajchömi chayamongapaj. Carrëtancunapis caycan shucucuy wayra gachwaycajnömi. Payga fiyupa rabyasha cashpanmi nina ratataycajwanraj runacunata castigangapaj.

Isaías 7:4

Rayta ninqui: ‹Ama llaquicuychu. Ichanga alcäbu cacunqui. Rezinwan Peka fiyupa rabyasha captinpis ama manchariychu ni jucajyaypischu. Paycunaga tisun goshtaycajnöllami caycan.

Daniel 10:18

«Chaymi runano caycaj yapay yataycamaran. Chauraga callpä mastana yurircuran.

Daniel 10:19

Callpä yurircuptin nimaran: ‹Ama manchacuychu, ni llaquicuypischu. Diosmi amatar cuyashunqui. ¡Balurchay ari!› «Chayno parlapaycämaptillan mas allina ricacurä. Chaura nirä: ‹Allchacarcachimashcanquinami. Willamay ari tayta.›

Oseas 1:7

Judá nasyun cajtami ichanga cuyapäshaj. Quiquëmi salbashaj. Nogaga salbashaj manami guërrawanchu, lëchawanchu, sabliwanchu, cawallucunawanchu, ni cawalluta muntacuy yachajcunawanpischu.»

Habacuc 2:3

Cananga manami chayamunrächu öra chay ricaycashayquicuna cumlinanpäga. Ichanga imano carpis cumlengapämi. Gamga ayca wata päsaptinpis shuyaray. Chaycunaga päsanga imaypis päsananpaj caj junajchömi.

Hageo 2:4

¡Imano captinpis balurchay Zorobabel! ¡Cüracunapa mandajnin Josué balurchay! Cay nasyuncho tiyaycajcunapis llapaniqui balurchay. Aruy-llapa. Gamcunawanmi noga caycä. Noga munayniyoj Tayta Diosmi chayno në.

Malaquías 3:1

Chaymi munayniyoj Tayta Diosga nin: «Willacojnëtami cachamoj-aywä nänita allchapämänanpaj. Gamcuna shuyaycashayqui Cachaga illajpitami Templuman yaycoj-aywan. ¡Chayamojnami-aywan gamcuna ricayta munarcaycashayqui cacha conträtuta apamöga!»

Lucas 21:28

Chay nishäno llapanpis cajta ricar gamcunaga cushicunqui. Chayno captin musyanquipänami llapan ñacaypita jorgunäpäna cashäta» nir.

Efesios 6:10

Ermänucuna, Jesucristo fiyupa munayniyoj car yanapäshushayquiwan sumaj callpachacuy ari.

1 Tesalonicenses 5:14

Chaynöpis ermänucuna, gamcunacho arucuyta mana munaj ermänucunata piñacuy arucunanpaj, llaquisha caycajcunata shacyächiy cushicunanpaj y imachöpis yanapaypaj captenga yanapaycuy. Chayno pï-maypäpis pasinsayqui cachun ari.

2 Timoteo 2:1

Cuyashä Timoteo, Jesucristo yanapaycäshuptiquega balurchay.

Hebreos 9:28

Jesucristupis juc cutillami wañuran llapanta juchancunapita perdunananpaj. Cay pachaman yapay cutimushpanga mananami runacunata juchanpita perdunangapächu. Chaypa ruquenga cutimonga payman yäracur shuyaraycajcunata pushacunanpänami.

Apocalipsis 1:7

¡Jesucristoga pucutay jananchömi cutimonga! Chayno cutiycämojtami llapan runacuna ricanga. Payta wañuchejcunapis ricangami. Castïguta chasquinanpaj cashanta musyarmi may-chaychöpis runacuna mancharir waganga. Au chaynömi canga. Amén.

Apocalipsis 2:10

«Gamcunaga ñacayta ama manchacuychu. Satanasmi waquinniquitaga carsilman jatichishunquipaj mayapäshunayquipaj. Chunca junajmi ñacanquipaj. Wañuchishunayquipaj caycaptinpis Tayta Diosman yäracuyta mana cachaycuptiquega mana ushacaj cawaytami goshayquipaj.

Apocalipsis 22:20

Cay libruta isquirbinäpaj nogata tantiyachimaj Jesucristo nin: «Au, nogaga shamunäpänami caycä.» Chayno niptinmi «¡Amén. Nishayquino jucllana shaycallämuy Tayta Jesús!» niycä.

1 Samuel 23:17

Chaymi niran: «Ama manchacuychu. Papänë Saulga manami tarishunquipächu. Gamga Israelpa rayninmi canquipaj. Noganami cashäpaj mayur uywayniqui. Chaytaga papänë Saulpis musyanmi.»