Isaías 34:6 - Tayta Diosninchi Isquirbichishan

⁶ Edomchömi fiyupa wañuchinacuy canga. Tayta Diosga Bosra siudächömi rupachinanpaj pishtanga. Chaymi Tayta Diospa sablenga yawarpita y wirapita ñitisha caycangapaj. Uyshacunapawan chïbucunapa yawarnin wiran ñitisha caycajnömi caycanga.

Isaías 34:6 ပူးပေါင်းရင်းမြစ်များ

2 Samuel 1:22

Jonatanpa lëchanga yawartarämi jorgurej. Saulpa espädanga aychatarämi rachirej. Paycunaga ollgojcunatami wañurgärachej.

1 Crónicas 1:44

Bela wañuptin ruquin ray caran Zerapa wamran Jobab. Jobabga caran Bosra marcapita.

Salmos 137:7

Tayta Dios Edom runacuna nishantaga ama gongaychu. Jerusalén mana alliman chayaptin paycunaga cushicuypita gayarparan: «¡Illgächiy! ¡Illgächiy! ¡Llapan simintuntinta illgächiy!» nir.

Isaías 29:2

Ichanga nogami Ariel siudämanga ñacaycunata chayachishaj. Chayrämi canga llaquicuy, wagay. Chay siudä nogapäga cangapaj rupachicuna altarnömi.

Isaías 34:5

Rasunpami Tayta Diospa sablenga syëlucho yurenga. Chay sabliga Edom runacunamanmi yaganga. Edom runacunataga Tayta Diosmi wañunanpaj distinasha.

Isaías 63:1

«Juc runami Edomcho caycaj Bosra siudäpita aywaycämun. Röpanpis pucaman tiñisha aywaycämun. Achicyaypa achicyaycaj röpan jatisha aywaycämun. Payga fiyupa munayniyojmi aywaycämun. ¿Piraj chay aywaycämöga?» «Noga llapantapis alli arriglajmi aywaycämö. Salbanäpäpis munayniyoj caycajmi aywaycämö.»

Isaías 63:3

«Japallämi übasta lluchcajno conträcunata ushashcä. Manami pipis yanapämashachu. Fiyupa rabyashami conträcunataga lluchcar-ushashcä. Fiyupa ollgushami llapirishcä. Chaymi yawarnenga röpäman pillchipämasha. Röpätapis yawar tiñisha.

Isaías 65:12

Chaypitami gamcunapa distïnuyquega canga sabliwan cuchuypa wañuchicänayquipaj. Chaynöga päsashunquipaj noga gamcunata gayaptëpis mana wiyacushayquipitami, willapaptëpis mana tantiyacushayquipitami. Gamcunaga mana munashä cajtami rurashcanqui. Noga mana munashä cajtami acrashcanquipis.»

Jeremías 12:12

Chunyaj lömacunapa intërupami contran fiyu runacunaga yuricarcamusha. Paycunami acrashä nasyun runacunata usharinäpaj sablëno caycan. Chaymi mayganpäpis manana alli goyay cannachu.

Jeremías 25:34

¡Uyshëruno caj mandajcuna gaparpay; nanaywan atay! ¡Yachachishpayqui pusharajcuna llaquicuywan pampacho gochpay! Chaynöga ruray wañuchishunayquipaj öra chayamushana captinmi. Gamcunataga werannin uyshata pishtajnömi wañuchishunquipaj.

Jeremías 46:10

Chay junäga cangapaj noga munayniyoj Tayta Dios castiganä junajmi. Chay junajmi llapan conträcunata ayñita cutichishaj. Sablëmi tucsenga yamacashancama. Chayno tucsenga pasaypa yawar ñitinancamami. Chay junäga noga munayniyoj Tayta Diosmi norte caj-lächo caycaj nasyuncho, Éufrates mayu läduncho aypalla runata wañuchishaj.

Jeremías 49:13

Noga Tayta Diosmi jutëcho jurä: Bosra siudäga quëdangapaj pengaypaj, chunyaj ragällan, willapapaj, fiyupa llaquipaypaj castigashami. Waquin caj siudänincunapis imaycamapis juchusha ragällanmi caconga.

Jeremías 49:7

Edom nasyun runacunapaj munayniyoj Tayta Dios caynömi niran: «¿Temán siudächöga mananachu can yachajcuna? ¿Mananachu tantiyajcuna ima ruraytapis puydipacanna? ¿Yachajcunapis llapan yachay cayninta gongaycärishanachu?

Jeremías 50:27

Llapan nubillucunatapis wañuchiy. Wañuchinanpaj caycaj partiman apachiy. ¡Wawallau! ¡Babilonia castigasha cananpaj junaj chayamushanami!

Jeremías 51:40

Nircurnami uyshata, carnicunata, chïbucunatapis camalman apashanno wañuchej apashaj.

Ezequiel 21:10

Wañuchinanpämi afilasha caycan. Achicyaycachänanpämi llushwachasha caycan. Chayno caycaptenga ¿wamrä Judäpa bastunninman yäracushwanchuraj? Sabliga ima guerutapis manami cäsunchu.

Ezequiel 35:15

Gamga cushicurayquimi Israelcuna partisyunta chasquishan nasyunta mana alliman churaptë. Chaynömi gamtapis rurashayqui. Edom nasyuncho caycaj intëru Seir jirca chunyajmanmi ticranquipaj. Chayrämi noga Tayta Dios cashäta musyanquipaj.›

Ezequiel 35:8

Nogami camacächishaj gamchöga intëru jircacunacho, puytush lömacunacho, ragra guechwacunacho, mayu cantuncunacho, guërracho pillyajcuna mashtaypa mashtar wañusha jitarpänanpaj.

Amós 1:11

Tayta Diosga caynömi nin: «Edom nasyuncho tiyajcunaga aypallatanami mana allita rurasha. Paycunaga famillyan Israelcunatami mana cuyapaypa gaticacharan sablinta aptacarcärir. Fiyupa chiquishpanmi chayno ruraran. Chaypitami castigänillataga mana cachaycushächu.

Sofonías 1:7

Tayta Dios caynömi nin: «Upällalla cay-llapa. Jusganäpaj caj junäga chayaycämunnami. Chay junajpäga llapanpis camarishallanami caycan. Gayachishäcunapis chayamushanami.

Deuteronomio 32:14

Quësutami, cabrapa lëchintami camariparan. Yanapaptinmi Basán particho caj cashnicunata, uyshacunata, chïbucunata micuran. Rïgutapis allillatami micuran. Bïnutapis upuran sumaj pogusha übaspa yacuntami.

Deuteronomio 32:41

Conträcunata jusganäpaj achicyaypa achicyaycaj espädäta afilashaj. Chiquimajcunataga llapantami castigashaj. ¡Chiquimajcunataga merësishanman-tupumi ayñita cutichishaj!