Isaías 33:9 - Tayta Diosninchi Isquirbichishan

⁹ Allpaga fiyupami chaquicäcusha. Imatapis mana wayuchinnachu. Líbano muntipis wañuytacäcushami. Sarón guechwapis chunyaj chaqui jircanami ricacusha. Basán puntawan Carmelo puntapis garayashami caycan.

Isaías 33:9 ပူးပေါင်းရင်းမြစ်များ

Job 15:33

Chaycunaga canga übas yörapa wayuynin mana pogojnömi, olivo yörapa waytancuna marpur shicwacojnömi.

Cantares 2:1

Nogaga cä Saroncho caj rösa waytami. Ragra pampacunacho caj liryu waytami cä.

Isaías 10:34

Jächawan mutuypami sajtargärin jirasha caycaj muntitapis. Libanucho mas cuyayllapaj caj guerucunapis ñitinacur-ñitinacur paquicar aywacun.

Isaías 14:8

Mana alliman chayashayquipitaga Libanucho caycaj sedruwan pïno guerucunapis cushicunmi. Chaymi nin: ‹Babiloniapa raynin mana alliman chayashanpitaga mananami pipis mutumanchïnachu› nir.

Isaías 2:13

Libanucho jatuncaray sedru guerucunata, Basancho caj encina yöracunatapis Tayta Diosga illgächengami.

Isaías 24:1

Masqui ricay-llapa. Tayta Diosga llapantami cay pachata usharenga. Cay pachata fiyupami cuyurachenga. Runacunatanami wacpa-caypa mashtacächenga.

Isaías 29:2

Ichanga nogami Ariel siudämanga ñacaycunata chayachishaj. Chayrämi canga llaquicuy, wagay. Chay siudä nogapäga cangapaj rupachicuna altarnömi.

Isaías 3:26

Siudächo caycajcunaga wagar llaquicur lütu röpata jaticongapaj. Mana pipis washaptinmi llaquicur allpaman jamacongapaj.

Isaías 35:2

Chauraga waytapis aypallami canga. Cushicur cantaypis cangami. Tayta Diosmi camacächej-aywan chaqui jircacuna Libanuno cuyayllapaj cananpaj. Chaynöpis camacächenga Carmelo jircano, Sarón guechwano alli allpa cananpaj. Chayrämi llapan ricangapaj Tayta Dios cuyayllapaj munayniyoj caycajta.

Isaías 37:24

Cachayquicunawan ashllichimarmi cayno nimashcanqui: «Yupaytapis mana atipaypaj aypalla carrëtäcunawanmi yaycushcä intëru puntancunapapis. Mana pipis yaycunan Líbano jircacunamanpis yaycushcämi. Mas cuyayllapaj pïno gueruncunatapis, jatunnin sedru gueruncunatapis sajtashcämi. Chayashcämi altunnin jircancunaman, may-may muntincunamanpis.

Isaías 65:10

Nogata yäracamaj runacunapami Sarón guechwa pampachömi uyshancuna michicunan canga. Acor guechwa pampachönami wäcancuna tiyanga.

Jeremías 50:19

Chayno ruraptë Israelcunaga quiquinpa nasyunninmanmi cuticongapaj. Uyshapaj guewa caycajnöpis paycunapaga aypallami chacrancuna caycanga: Carmelo puntapis, Basanpis, Efraín aypalla puntayoj jircapis, Galaadpis.

Oseas 4:3

Chayno captinmi cay nasyonga chaquiycanna. Cay nasyuncho tiyajcunana callpaynajno ricacurcaycan. Jirca animalcunapis, äbicunapis, lamarcho caj pescäducunapis wañurcaycanna.»

Amós 1:2

Cayno nirmi Amosga willacuran: «Tayta Diosga Sión lömapita liyunnömi gaparämun. Jerusalenpitami busninpis junrurumun. Chauraga jircacho caycaj guewacunapis wañuytacäcunmi. Carmelo puntapis chaquicäcunmi.

Miqueas 7:14

«Tayta Dios, sirbishojcunataga ricaycuy ari. Nogacunaga caycä gampa uyshayquinömi. Quiquilläcuna shatachömi carcaycä. Micuy fiyupa wayunan allpami intëröpa tumaparaycäman. Unay pushamushayquino, yapay pushamay ari. Pushamay Basancho Galaadcho caycaj alli guewacunaman.

Nahúm 1:4

Lamartapis ollgöparga chaquirachinmi. Paymi camacächin llapan mayucuna chaquinanpäpis. Chaymi Basán particho, Carmelo jircacunacho jachacuna caycajpis wañuytacäcun. Libanucho caycaj waytacunapis wañuytacäcun.

Hechos 9:35

Chayta ricarmi Lidacho, Saroncho tiyajcunapis Jesusmanna yäracuran.

Deuteronomio 3:4

Siudänincunachöpis noganchïnami tiyacuycuranchi. Og mandashan Basancho caycaj Argob particho siudäcuna llapanga caran sojta chuncami (60).