Isaías 33:2 - Tayta Diosninchi Isquirbichishan

² Tayta Dios, nogacunataga cuyapaycamay ari. Nogacunaga gammanmi yäracaycämö. Cada tuta yanapaycamay ari. Ñacaycunacho caycashä örapis salbaycamay ari.

Isaías 33:2 ပူးပေါင်းရင်းမြစ်များ

Salmos 123:2

Patrunninman uyway ricarajnömi, uyway warmi patrönanman ricarajnömi Tayta Dios gamman ricarpaycämö cuyapämänayquipaj.

Salmos 143:8

Nogaga gammanmi yäracamö. Chaymi musyachimay tutapaga cuyamashayquita. Nogaga imata yarpashätapis gamtami willapä. Chaymi tantiyaycachimay imano goyänäpäpis.

Salmos 25:3

Gamman yäracamoj cäga ama pipis pengaychöga cachunchu. Pengaychöga cachun mana ashipaycaptiqui contrayqui jatarejcuna.

Salmos 27:1

Tayta Diosmi achquipämaj, salbamaj caycan. ¿Pitaraj manchacöman? Tayta Diosmi imapitapis chapäman. ¿Imataraj manchacöman?

Salmos 33:22

Tayta Dios, yäracamushä-tupu nogacunataga cuyapaycamay ari.

Salmos 37:39

Alli runacunataga Tayta Diosmi yanapan. Ñacaycuna caycaptinpis Tayta Diosmi pacan.

Salmos 46:1

Diosmi imapitapis pacamajninchëga. Ñacaycashanchi örapis juclla yanapämanchi.

Salmos 46:5

Tayta Dios waran-waran chaycho captinmi mana cuyucongachu. Paymi chararanga.

Salmos 50:15

Ñacaycho caycashayqui öraga mañacamay. Nogami jorgushayquipaj. Gamnami agradësicamashpayqui alabamanquipaj.»

Salmos 60:11

Yanapämay ari chiquimajcunata binsinäpaj. Runa yanapämashanga yangallami.

Salmos 62:1

Tayta Diosllami alli goyächiman. Payllami salbaman.

Salmos 62:5

Tayta Diosllami alli goyächiman. Payllamanmi nogaga yäracö.

Salmos 62:8

Marca-masëcuna payllaman yäracuyga ari. Mana manchacuypa willapay mañacushayqui öra. ¡Tayta Diosmi pacacunanchëga! Selah

Salmos 90:15

Llaquicur goyashä watamanno cushisha goyänäpäpis cawaycachimay.

Salmos 91:15

Gayacamaptenga yanapäshämi. Sasa goyaycunachöpis quiquëmi paywan caycäshaj. Llaquicuycunapitapis jorgushämi. Nircurnami rispitädu cananpaj churashaj.

Éxodo 14:27

Chaura Moisesga lamar jananpa ricranta jogariran. Pacha wararcuptenga yacu cutiran cashannömanna. Egiptucunaga gueshpishancho lamarman tacacaran. Israelcunata gatej Egipto runacunataga chaynömi Tayta Dios ushajpaj yacuwan ñitichiran.

Isaías 17:10

Chaynöga canga ima-aycapitapis salbashoj Tayta Diosta gongaycushayquipitami. Manami yarpashcanquichu Tayta Dioslla imapitapis chapäshoj cashanta. Gamga micuyniquicunatapis muruycanqui juc-lä nasyun runacunapa diosninta rispitashpayquimi.

Isaías 25:4

Pobricunataga gammi imaypis washashcanqui. Llaquicuycajcunatapis yanapar chapashcanquimi. Löcu tamya mana chayananpaj pacacunanmi cashcanqui. Fiyupa shanay mana chayananpäpis llantunmi cashcanqui. Fiyu runacunapa jämayninmi ichanga caycan löcu tamyano,

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Isaías 26:16

Tayta Dios paycunaga llaquicushpan gamtami ashishurayqui. Castigaptiqui paycunaga mañacushurayqui.

Isaías 26:8

Tayta Dios, mandamintuyquicunata cumlishpä nogacunapis cushishami goyarcaycä. Tayta Dios, nogacunaga llapanë gamllamanmi yarparaycämö.

Isaías 37:3

Aywajcunaga niran: «Ezequiasmi cayno nin: ‹Cananga fiyupa llaquicuychömi caycäcuna. Castïguchömi, pengaychömi caycäcuna. Nanaycho caycaj warmi gueshyacunanpaj callpan manana cajnönami caycäcuna.

Isaías 40:10

Tayta Diosga fiyupa munayninwanmi chayamoj-aywan. Munayniyoj carmi llapanta maquincho chararanga. Juccunapa munaynincho caycajta shuntarcurmi acrashan runacunataga pushaycämun.

Isaías 51:5

Wallcanami pishin salbanäpaj. Manapis aycällatanami munaynëwan llapan nasyun runacunata mandashaj. Lamar cantun nasyuncho tiyaj runacuna nogallamanmi yäracamonga. Munayniyoj cashallämanmi yäracamonga.

Isaías 59:16

Chayno caycajta pipis mana michajta ricarmi Tayta Diosga fiyupa almiraran. Chaura munayniyoj cashanta llapanta musyachinanpaj quiquinmi camaricuran.

Isaías 8:17

Jacobpita mirar aywaj runacunapita Tayta Dios pacacusha captinpis nogaga paymanmi imaypis yäracö. Imano captinpis payllamanmi yäracuycä.

Jeremías 14:8

Gamllamanmi Israelcunaga yäracamö. Fiyupa llaquicurcaycaptëpis gamllami imapitapis salbamanqui. Cananga ¿imanirtaj cay nasyunchöga jäpano caycanqui? ¿Imanirtaj gorpa pachacojnölla caycanqui?

Lamentaciones 3:23

Alli caynenga waran-waranmi mushojyaycan. Aunishantaga imaypis cumlinmi.

Oseas 14:2

Tayta Diosmanna cutiy cayno mañacushpayqui: «Llapan mana alli rurashäcunapita perdunaycamay ari tayta. Gamta alabamuptë cushisha chasquiycamuy ari.