Isaías 33:19 - Tayta Diosninchi Isquirbichishan

¹⁹ Manami ricanquipänachu mana rispitacoj runacunata, mana tantiyashayquita parlajcunata, mayganpis mana tantiyashanta talluypa tallur rimajcunata.

Isaías 33:19 ပူးပေါင်းရင်းမြစ်များ

Génesis 11:7

Chaymi paycuna cajman urarcur rimashancunata achca castaman ticrachishun quiquin-pura mana tantiyachinacunanpaj.»

2 Reyes 19:32

«Asiria nasyunpa rayninpäga Tayta Dios caynömi nin: «Jerusalenmanga manami yaycongapächu. Chaymanga manami jucnayllatapis lëchanta jitangapächu. Manami pillyapaj escüduncuna aptasha yaycongapächu. Manami yaycunanpaj curral wajtancunaman allpatapis gotongapächu.

Éxodo 14:13

Chayno niptin Moisés niran: «¡Balurchay-llapa! ¡Ama manchacuychu! Cananmi Tayta Dios salbamashanchïta ricanquipaj. Egiptucunataga cananllanami ricanquipaj. Mananami mas imaypis ricanquipänachu.

Isaías 28:11

Chayno mana wiyacushayquipitami gamcunataga Tayta Dios willapäshunquipaj mana yachashayqui rimaycho, juc-lä nasyun runacuna rimashan rimaycho.

Isaías 37:34

Shamushallanpami cuticongapaj. Siudämanga manami yaycongapächu. Noga Tayta Diosmi chayno niycä.

Isaías 37:37

Chaura Asiriapa raynin Senaqueribga tolduncunata shuntacurcur cuticuran Nínive siudäman.

Jeremías 5:15

Tayta Diosmi cayno nin: «Israelcuna, gamcunata magashunayquipämi caru runacunata pushamushaj. Chay runacunaga fiyupa callpayoj, unay cajcunami canpis. Gamcunaga rimaynintapis manami yachanquichu. Chaymi imata nishantapis mana tantiyanquipächu.

1 Corintios 14:21

Tayta Diosninchïpa palabranchöpis caynömi niycan: «Cay nasyun runacunataga willapächishaj mana tantiyashan rimaycunawanmi, juc-lä nasyun runacunawanmi. Chaypis paycunaga manami wiyacamangachu. Noga Tayta Diosniquimi chayno në.»