Isaías 33:17 - Tayta Diosninchi Isquirbichishan

¹⁷ Rayta ricanquipaj munayniyoj cuyayllapaj caycajta. Nasyunpa lindancunapis mas carucamami canga.

Isaías 33:17 ပူးပေါင်းရင်းမြစ်များ

2 Crónicas 32:23

Chaymi chay wichanga achcaj runacuna Jerusalenman Tayta Diospaj garaynincunata aparan. Judá nasyunpa raynin Ezequiasta goycunanpäpis mas allinninta aparan. Chaypita-pachami Ezequiasga waquin nasyuncunacho caj raycunapita mas rejsishana caran.

Job 19:27

Quiquë ñawëwanmi ricashaj. Manami juc jäpachu, quiquëmi ricashäga. Callpäpis pasaypa manami cajnönachu gamcuna parlajta wiyaptë.

Salmos 31:8

Chiquimajcunapa munayninmanga manami cachaycamashcanquichu. Nogataga alli pachamanmi churamashcanqui.

Salmos 45:2

Gamga llapan runacunapitapis mas cuyayllapämi canqui. Maysi wiyacuylla allillami parlanqui. Chaymi Tayta Diosga imaycamapis bindisyunta goycäshunqui.

Cantares 5:10

Cuyaynëga camarajlla puca cärami. Paytaga rejsinquimanmi chunca waranga runacuna goturaycashanchöpis.

Isaías 24:23

Munayniyoj Tayta Diosga Sioncho jamacunanman jamayconga acrashancunapa mandajnincuna ricapaycaptin. Nircur Jerusalenchömi achicyacurconga. Chauraga intipis quillapis manami achicyanganachu.

Isaías 26:15

Tayta Dios gammi runacunata achcayächir nasyunnëta jatunyächishcanqui. Gam rispitasha canayquipämi chayno camacächishcanqui. Nasyunpa lindancunata mas carumanna witichishcanqui.

Isaías 33:21

Chaychömi noganchïtaga Tayta Dios musyachimäshun munayniyoj cashanta. Chaypaga päsangapaj achca mayucunami, jatuncaray sicyacunami. Chaymanga chiquinacushanchïcuna manami yaycongapächu tacsha büquicunawan ni jatuncaray büquicunawanpis.

Isaías 33:22

Chay büquicunapa wascancunapis manami watarangapächu guerun ichirajcunaman. Wayra tangananpaj bëlunpis manami mashtacangachu. Chaynöga cangapaj Tayta Dios juezninchi captinmi. Paymi caycan layninchïta ruraj; Paymi rayninchïpis. Paymi salbamäshunpaj. Chauraga chiquinacushanchïpa ima-aycantapis aypallatami guechushunpaj. Guechurcur raquipänacushaga gapracunapis chasquengami. Wegrucunapis yaycongapämi ima-aycantapis guechur apacunanpaj.

Isaías 37:1

Willashanta wiyaycur ray Ezequiasga jatiraycashan röpanta rachiriran. Nircur fiyupa llaquicushpan gachga röpacunata jaticurcur Tayta Diospa Templunman aywaran.

Isaías 6:5

Chaymi nogaga gapachacur nirä: «¡Ay, cananga wañushächari! Nogaga juchayoj runa caycashpämi, juchasapa runacunawan tiyaycashpämi caway-ñawëpa ricashcä munayniyoj Tayta Diosta. Rayninchi Tayta Diostami ricashcä» nir.

Zacarías 9:17

¡Chaura ima alli, ima cuyayllapäraj canga chay nasyonga! Rïgupis, bïnupis aypalla captinmi ollgupis warmipis wamracuna cuyayllapaj alli wiñanga.

Mateo 17:2

Chaychömi disïpuluncuna ricapaycaptin Jesús juc-nirajman ticraran. Jesuspa cäranga intinöraj fiyupa achic-achicyaycaj ricacuran. Röpanpis achic-achicyaycaj yuraj ricacuran.

Juan 1:14

Camacächej Palabraga runamanmi ticraran. Nircur nogacunawanmi cay pachacho goyaran. Paywan purirmi ricarä Tayta Diospa japallan wamran cashpan munayniyoj caycajta. Chaynöpami ricarä payga cuyapäcoj cashanta; rasun cajllata rimaj cashanta.

Juan 14:21

«Mandamintöcunata cumlej cäga rasunpami nogata cuyaman. Cuyamaj cajtaga Taytäpis cuyanmi. Chay runataga nogapis cuyashämi. Nircur musyachishaj imano cashätapis.»

Juan 17:24

«Papä, nogaga munä goycamashayqui cajcuna noga cajcho canantami. Chaycho carnami ricamanga fiyupa munayniyoj caycajta. Chayno munayniyojmi cashcä cay pacha manaraj cashan wichanpis.

2 Corintios 4:18

Chayta musyarmi mana alläpaga llaquicunchïchu cay pachacho runacuna pasaypa chiquimashapis. Cay pachacho ricashanchi cajcunaga ushacajllami. Mana ricashanchïta shuyaraycashanchi cajmi ichanga imaypis mana ushacangachu.

1 Juan 3:2

Cuyay ermänucuna, cananga Diospa wamranna carpis manami musyanchïrächu imano cananchïtapis. Ichanga musyanchïmi Jesucristo cutimushan junäga quiquin-niraj cananchïpaj cashanta. Paytaga rasunpa quiquintami ricashunpaj.