Isaías 33:13 - Tayta Diosninchi Isquirbichishan

¹³ Carucho tiyajcuna wiyay-llapa imano rurashätapis parlajta. Sercacho caycajcunaga tantiyacuy ari munayniyoj cashäta.

Isaías 33:13 ပူးပေါင်းရင်းမြစ်များ

Salmos 148:14

Paymi munayniyojyächisha acrashan runacunataga. Tayta Diosta rispitajcuna, llapan Israelcuna payllata alabay-llapa. ¡Aleluya! ¡Tayta Diosga alabasha cachun!

Salmos 48:10

Tayta Dios, cay pachachöga intëruchömi alabashunqui. Gamga alabasha canayquimi camacanpis. Munayniyoj carmi llapantapis allilla mandanqui.

Salmos 97:8

Tayta Dios, alli jusgashayquipitami Judá particho caycaj siudäcunawan Sionga fiyupa cushicun.

Éxodo 15:14

Chayta mayarga waquin nasyuncho tiyajcunapis fiyupami mancharenga. Filistea runacunapis mancharir almaynajmi ricaconga.

Isaías 18:3

Llapayquimi, intëru munducho tiyajcunaga ricanquipaj puntacho señalta churamushanta. Llapayquimi wiyanquipaj trompëta wagamushantapis.

Isaías 37:20

Tayta Diosnë, cananga Asiriapa munaynincho canäpita salbaycamay ari. Chaynöpami cay pachacho caj runacunaga llapan musyanga gam japallayqui rasunpa Tayta Dios cashayquita.»

Isaías 49:1

Lamar cantuncho caycaj nasyun runacuna wiyamay. Caru nasyun runacuna nishäta sumaj tantiyacuy: Manaräpis yuriptillänami Tayta Diosga gayamaran. Mamäpa pachallanchöraj caycaptillänami nogapa jutëta rimaran.

Isaías 52:10

Llapan nasyun runacunapa ricay ñawinchömi Tayta Diosga munayniyoj cashanta musyachisha. Chaynöpami Tayta Diosninchi salbamashanchëga intëru cay pachacho mayacanga.

Isaías 57:19

Nircorga caynömi willacachishaj: ‹¡Carucho caycajcunapaj alli goyay cachun! ¡Sercacho goyaycajcunapäpis alli goyay cachun!› nir. ¡Acrashä runacunataga nogami allchacächishaj!

Daniel 3:27

Llojshircamuptinna chaycho caycaj autoridäcunaga ñaupanman aywaran. Chay mösucunataga nina mana ni imallantapis rupashachu caran. Ricaptin manami juc ajchallantapis gashpashachu caran. Röpancunatapis manami imallantapis rupashachu caran. Manami rupasha-rupashapis asyaranchu.

1 Samuel 17:46

Cananmi Tayta Dios gamta binsinäpaj camacächenga. Canan örami wañurachishayqui. Nircur umayquitapis rogushaj. Llapan Filistea suldärucunami wañonga. Aychantami garashaj äbicunata, jirca animalcunata. Chaynöpami llapan runa musyanga Israelcunata Tayta Dios yanapashanta.