Isaías 32:7 - Tayta Diosninchi Isquirbichishan

⁷ Engañacojcunaga yäracun engañayta yachashallanmanmi. Melanaypajcunata rurayllatami yarparaycan. Pobricunatapis llullapaypami llaquicachin. Alli arriglananta ashiycajcunatapis mana allimanmi churan.

Isaías 32:7 ပူးပေါင်းရင်းမြစ်များ

Salmos 119:95

Fiyucunaga shuyarpaycäman imay örapis wañuchimänallanpämi. Nogami ichanga estatutuyquicuna nishallanta cumliycä.

Isaías 1:23

Mandajniquicunapis Tayta Diosta manami wiyacunchu. Paycunaga suwacunapa amiställanmi. Paycunaga munarcaycan pacayllapa päguta chasquiytami. Munarcaycan imapitapis imallatapis päganantami. Wacchacunataga manami alli arriglanchu. Biyüdacuna dimandacuptinpis manami cäsunchu.

Isaías 11:4

Pipis mana yanapashancunata alli arriglanga. Nasyuncho caj pobricunatapis rispitacachenga. Paymi nenga ñacachicojcuna castigacänanpaj. Paypa jämaynenga espädanömi fiyucunata wañurachenga.

Isaías 26:10

Fiyu runacunata may-jina cuyapaptiquipis paycunaga manami yachacongapächu alli cajta rurayta. Paycunaga alli runacunapa ñaupancho tiyaycarpis mana allillatami ruran. Paycunaga manami manchacushunquichu fiyupa munayniyoj Tayta Dios captiquipis.

Isaías 29:21

Ushacanganami manacajpita jitapajcunapis, dimanduta arriglaj juezcunata mana alliman chayachejcunapis. Manami canganachu alli runata lebantashpan jitapajcunapis.

Isaías 5:23

Gamcunaga guellay-raycumi juchayojtapis «juchaynaj» ninqui. Juchaynajtana alli arriglanayquipa ruquin «juchayojmi» ninqui.

Isaías 55:7

Fiyu runacunaga mana allicunata ama rurachunnachu, mana allita rurananpäga ama yarpächunnachu. Tayta Diosman yapay cutichun. Chaura paypis cuyapangami. Payga amatar alli cashpanmi perdunacun.

Isaías 59:15

Rasun cajtaga mananami pipis parlannachu. Mana allita rurayta cachaycoj cajtaga ima charashallantapis suwapaycärinmi. Pipis allita mana ruraptin Tayta Diosga fiyupami rabyacurcusha.

Isaías 61:1

Tayta Dios acramasha captinmi Tayta Diospa Espiritonga nogacho caycan. Nogataga cachamasha pobricunata alli willacuyta willapänäpämi; llaquisha caycajcunata cushicachinäpämi; prësu caycajcunata librina cananpäna willapänäpämi; carsilcho wichgaraycajcunatapis jorgunäpämi;

Jeremías 18:18

Runacunaga ninacuran: «Jeremiasta calumyananchïpaj parlacushun. Pay manana captinpis cüracunaga manami pishengapächu yachachimänanchïpaj, musyajcuna willapämänanchïpaj, profëtacunapis Dios nishanta willamänanchïpaj. Jeremiastaga tucuynöpa calumyashun. Pay imata willapämashapis ama wiyaj-tucushunchu.»

Daniel 12:10

Dios willacachishan castïguwanga achcaj runacunami ñacangapaj. Chaypitami ichanga limyu juchaynajna llojshicamongapaj. Fiyu runacunami ichanga jinalla mana allillata rurarcaycangapaj ima cashantapis mana tantiyashpan. Musyaj-yachaj runacunami ichanga imano caycashantapis llapanta tantiyangapaj.

Miqueas 2:1

¡Ay cuyapaypämi ñacanga asta suyñuyninchöpis mana allita rurayllata yarpaycajcuna! Chay runacunaga imata rurananpäpis puydej munayniyoj cashpanmi pacha wararcuptinnaga chay yarpashanno ruran.

Miqueas 2:11

‹Tayta Diosga yanapäshunquipaj bïnu cananpaj, machächicojcuna cananpaj› nir willacojcunami gamcunapa profëtayqui cananpäga alli caycan.

Mateo 26:4

Chaycho sumaj yarpachacur parlacuran Jesusta yachayllapa charircur wañuchinanpaj.