Isaías 32:18 - Tayta Diosninchi Isquirbichishan

¹⁸ Acrashä runacunaga allillami tiyangapaj. Mana manchacuypa sigüru wasicunachömi tiyangapaj.

Isaías 32:18 ပူးပေါင်းရင်းမြစ်များ

Salmos 107:7

Nircur alli nänita tarichiran tiyananpaj caycaj siudäman chayananpaj.

Éxodo 9:26

Intëru Egiptupa fiyupa runtu tamyarpis Israelcuna tiyarcaycashan Gosén partimanga manami chayaranchu.

Proverbios 24:15

Alli runacunataga ima mana allitapis ama yarpapaychu. Tiyaycashan wasintapis ama amiychu.

Isaías 11:10

Chay wichanga tumpuno caycaj Isaïpita mirar aywaj yurejmi llapan runacunata shuntanga. Llapan nasyun runacunami payta ashej aywanga. Pay caycashannami fiyupa rispitädu cangapaj.

Isaías 14:3

Israelcuna, ñacaycashayquipita uywayno fiyupa sirbircaycashayquipita Tayta Dios jamachishunquipämi.

Isaías 2:4

Tayta Diosmi arriglanga llapan nasyun runacunata. Nircorga paynami chiquinacuycaj nasyun runacunata nenga imano goyänanpäpis. Chaura chay runacunaga sablincunatapis ticrachenga rëjancunamanmi. Tucsicuna lansancunatapis ticrachenga ösincunaman. Juc nasyunpa contran mananami maygan nasyun runacunapis yapayga aywanganachu pillyacunancunawan. Chayno captin mananami guërrapäpis yachachinaconganachu.

Isaías 26:12

Tayta Dios, gammi nogacunataga alli goyänäpaj yanapaycämanqui. Gammi camacaycächinqui llapan rurashäcunatapis.

Isaías 26:3

Tayta Dios, gamllaman yarparajcunataga gamllaman yäracamojcunataga allimi goyächinquipaj.

Isaías 28:12

Tayta Diosga unaynami gamcunata nishurayqui: «Cay partichömi caycan alli goyayga. Caychömi caycan jamanayquicunapäga. Uticasha cäga jamachun ari» nir. Ichanga gamcuna manami wiyacurayquichu.

Isaías 30:15

Israelcunapa Santo Tayta Diosnenga nin: «Nogaman cutimushpayqui jamaycäriyna ari. Nogaman yäracamorga salbashanami canquipaj. Chayno nishuptiquipis gamcunaga manami munashcanquichu.

Isaías 33:6

Paymi imapitapis imaypis chapanga. Paymi salbanga, sumaj yachayta gonga, sumaj tantiyachenga. Tayta Diosta rispitar yäracushanga canga ima-aycatapis charashannömi.

Isaías 65:21

Runacunaga wasinta arurcachir chaychömi tiyanga. Übasta lantar wayuynintapis micongami.

Isaías 65:9

Israelpita mirajcunatami, Judäpita mirajcunatami acrashaj achca puntayoj nasyuncho tiyananpaj. Chay sirbimajcunanami chay nasyuncho tiyanga.

Jeremías 33:16

Chay wichan Judá runacunaga allinami goyangapaj. Jerusalén runacunapis allillami goyanga. Chaymi jutintaga churapangapaj ‹Tayta Diosmi alliman churamajninchi› nir.

Ezequiel 34:28

Juc-lä nasyun runacuna paycunata mananami yapayga munaynincho chararanganachu. Ni micucoj animalcunapis micucurcongapänachu. Jaucanami goyäconga. Mananami pipis manchachenganachu.

Zacarías 2:5

Tayta Diosmi nin: ‹Jerusalenpaga nogami cashaj intëru cantunpa nina ratataycaj curralninno. Paycunacho cashpänami musyachishaj munayniyoj cashäta› nir.»

Zacarías 2:8

Gamcunata ima-aycayquitapis guechushoj nasyuncunamanmi munayniyoj Tayta Diosga cachamasha. Paymi nin: «Pipis acrashä runacunata ñacachej cäga ñawi ñïñötami togriycan.

Zacarías 3:10

Chay junaj chayamuptenga jucniqui-jucniquimi marca-masiquicunawan goturpanquipaj übas yörayqui chaquincho, ïgus yörayqui chaquinchöpis. Munayniyoj Tayta Diosmi chayno në.› »

Hebreos 4:9

Chaymi Tayta Diosman yäracoj runacunapäga canan caycanraj alli jamayta tarinanpaj junaj.

1 Juan 4:16

Chaypitami cananga Tayta Dios cuyamashanchïta musyanchi. Cuyamaptinchïmi payman yäracuycanchi. Payno cuyacoj carga noganchïpis Tayta Dios munashannömi cawaycanchi, y paypis noganchïwanmi caycan.