Isaías 32:13 - Tayta Diosninchi Isquirbichishan

¹³ Acrashä runacunapa chacrancunachöga wiñamonga cashawan jachacunallami shatayänanpaj. Cushicur goyashan wasincunachöpis wiñamonga cashawan jachacunallanami.

Isaías 32:13 ပူးပေါင်းရင်းမြစ်များ

Salmos 107:34

Alli chacracunatapis agushman ticrachin chaycho tiyajcuna mana allita ruraptin.

Isaías 22:2

Runacuna unay shanarir-raj gaparashan siudä, cushishalla runacuna tiyashan siudä, gamcho tiyajcunaga wañojmi-aywan. Ichanga manami sabliwan cuchuypachu wañonga. Manami guërrachöpischu wañonga.

Isaías 23:7

Mas unay marcami casha Tiro siudäga. Chaychöga runacuna gustashallanta rurar cushishami goyäcoj. Chay runacunaga caruman tiyaj aywacoj.

Isaías 23:9

Munayniyoj Tayta Diosmi chayno camacächisha llapan alli-tucojcunata pengacachinanpaj, cay pachacho caj munayniyojcunata manacajman churananpaj.

Isaías 24:11

Bïnu muchuy captin runacunaga cällicunachöpis wagarcaycan. Mananami pipis cushicunnachu. Cushicuyga chay pachapita aywacusha.

Isaías 27:10

Intërunpa curalasha caycaj siudäga chunyajmi ricaconga, runa wasinta cachaycuptin quëdashanno, chunyaj chaqui jircacho runa mana tiyashanno. Chay siudä cashanga canga uywacunata michicunallannami, sacsacarcärir uywancuna puñurpänallannami.

Isaías 34:13

Palasyucunachöpis cashallanami wiñamonga. Pacacunanchönami ishancacunawan shirallana wiñanga. Chay partiga ticrangapaj jirca allgucunapa tiyananman, Avestruz äbicuna puñunallanmanna.

Isaías 5:10

Quimsa ictarya übaspita bïnu llojshengapaj juc tacsha urpullawanmi. Chunca custal rïgu muruta mururpis poguptin shuntangapaj juc custal-llatanami.»

Isaías 5:6

Chunyajtami cachaycushaj. Manami pipis captupangachu, ni uryangapischu. Shatallanami, cashallanami juntacurcongapaj. Pucutaycunatapis nishaj chay pachamanga manana aywananpaj, mana tamyananpaj.»

Isaías 55:13

Cashacuna cashanchömi pïno yöracuna wiñamongapaj. Ishancacuna cashanchömi rayan yöracuna wiñamongapaj. Chayno captinmi nogaga intërucho rejsisha cashaj. Chaytaga imaycamapis manami pipis gongangachu.»

Isaías 6:11

Chayno nimaptin tapurä: «Tayta, ¿imaycamaraj chaynöga canga?» nir. Paynami nimaran: «Chaynöga canga siudäcuna ushajpaj illgänancamami, chay siudächo runacuna jucnayllapis mana tiyanancamami, wasicunapis chunyaj canancamami, chacracunapis purunyänancamami,

Isaías 7:23

Chay wichanga mas unay waranga (1,000) übas lantayoj chacra waranga (1,000) guellay cuestasha cajpis cangapaj shata cashacuna juntashallanami.

Jeremías 33:4

Babilonia runacunaga aywaycämunnami. Paycunaga Jerusalenmanmi magaj yaycamonga. Jerusalencho caycaj wasicunata, Judächo caycaj raycunapa wasincunata llapantami juchurachenga. Pillyar ichipänanpaj llojshej Israelcunaga llapanmi wañonga. Cällicunachöpis yänin mashtarpäconga. Fiyupa rabyasha cashpämi chayno wañuchichishaj. Chay siudätaga mananami ricaytapis munänachu, chaycho tiyajcuna tucuy mana allita rurashanpita.

Jeremías 39:8

Babilonia suldärucunaga raypa palasyunta rupaycärachiran, chay siudächo caycaj wasicunatapis. Jerusalén siudäpa cantun curalasha caycaj pergancunatapis juchurgärachiran.

Jeremías 52:27

Chaychöna Babiloniapa raynenga chayachishan runacunata wañuchichiran. Chaynömi Judá runacunataga nasyunninpita juc-läman prësu aparan.

Oseas 10:8

Mana bälej ïduluncunata adurashan capillancunapis ushacangami. Chaychöga Israelcuna juchatami ruraran. Capillancunachöga cashacunawan shiracunallami wiñamonga. Chayrämi runacunapis puntacunata nenga: «¡Juchumur chapacarcamay!» nir. Jircacunatapis nenga: «¡Nogacunapa janäman tunimur ñiticarcamay!» nir.

Oseas 2:3

Mana chayno ruraptenga quiquëmi pengaypaj garapachashaj. Yurishantano galallatami cachaycushaj. Chunyajmanmi ticrarachishaj. Chayno rurar yacunaypitami wañuchishaj.

Oseas 9:6

Illgächinanpita gueshpir aywacusha captiquipis Egipto runacunami shuntashunquipaj. Menfis partichönami pampashunquipaj. Guellaypita caj bälej cösayquicunapa jananpapis ishancacunami wiñamonga. Tiyashayqui particunapis shatayangami.